પદ્માવતી વિવાદ: પસંદગીના સંપાદકોને ભણસાલીએ બતાવી ફિલ્મ, સેંસર બોર્ડ નારાજ

નવી દિલ્લી: સંજય લીલા ભંણસાલીની ફિલ્મ પદ્માવતીની સેંસર બોર્ડ પહેલા બે ખાનગી ચેનલ ઈંડિયા ટીવી અને રિપબ્લિક ટીવીના સંપાદકોને પ્રસંશા કરવી ભારે પડી છે. સેંસર બોર્ડના અધ્યક્ષ પ્રસૂન જોશીએ તેના પર વાંધો ઉઠાવ્યો છે. બોર્ડે આ વાત પર નારાજગી જતાવી છે કે ભંણસાલીએ પદ્માવતી, સેંસર બોર્ડ પહેલા કેટલા મીડિયાને બતાવી હતી. તમને જણાવી દઈએ કે, આ સ્કીનિંગમાં ઈંડિયા ટીવીના મુખ્ય સંપાદક રજત શર્મા અને રિપબ્લિક ટીવીના મુખ્ય સંપાદક અરનબ ગોસ્વામી સહિત કેટલાક ખાસ લોકોને બોલાવ્યા હતા. સેંસર બોર્ડના અધ્યક્ષ પ્રસૂન જોશીએ નિવેદન આપતા કહ્યું કે, “આ ખુબજ નિરાજનક છે કે સેંસર બોર્ડને બતાવ્યા વગર અને તેના પ્રમાણિત કર્યા વગરજ ફિલ્મ પદ્માવતી મીડિયા માટે સ્ક્રીનિંગ થઈ રહી છે, નેશનલ ચેનલ્સ પર તેની સમીક્ષા થઈ રહી છે.” પદ્માવતી ફિલ્મ જોયા બાદ સોશલ મીડિયા પર બધાએ ફિલ્મને લઈને પોતાના વિચાર શેર કર્યા છે. પ્રસૂન જોશીનું કહેવું છે કે, ‘સેંસર બોર્ડ પહેલા આવી ફિલ્મ દેખાડવું યોગ્ય નથી.’ એવામાં ફિલ્મની રિલીઝ તારીખ પર અસર પડી શકે છે. જો કે ફિલ્મને લઈને છેલ્લા ઘણા દિવસોથી વિરોધ પ્રદર્શન ચાલી રહ્યો છે. ભંણસાલી અને દીપિકાને ધમકીઓ પણ મળી રહી છે. જેના બાદ મામલો શાંત કરવા માટે નિર્માતાએ આ ફિલ્મ કેટલાક પસંદગીના લોકોને દેખાડી હતી કે જેનાથી રિલીઝ ડેટ સ્પષ્ટ થઈ જાય. જે પ્રસૂન જોશીને ઠીક ન લાગ્યું. જણાવી દઈએ કે સ્પેશલ સ્ક્રીનિંગમાં શામેલ થયેલા પત્રકાર રજત શર્માએ પોતાના પ્રાઈમ ટાઈમ શોમાં દેખાડ્યું હતું કે આ ફિલ્મને જોયા બાદ તમે કહી શકો છો કે આ ફિલ્મમાં એક પણ વાંધાજનક દ્રશ્ય નથી. તો અરનબ ગોસ્વામીએ પણ પોતાના શો દરમિયાન કહ્યું કે આ ફિલ્મમાં રાજપૂતો વિરુદ્ધ એવું કંઈજ બતાવવામાં નથી આવ્યું જેનાથી વિવાદ થાય. જણાવી દઈએ કે સેંસર બોર્ડે ફિલ્મને સર્ટિફિકેટ આપ્યા વગર પાછી આપી દીધી છે. જેનું કારણ અધૂરું આવેદન બતાવવામાં આવ્યું છે.