CAA Protest: જામિયામાં પોલીસની સામે યુવકે કર્યું ફાયરિંગ, ત્રણ મેટ્રો સ્ટેશન બંધ

જ્યારે ફાયરિંગમાં ઇજાગ્રસ્તની ઓળખ શાદાબ તરીકે થઇ છે. તે જામિયા મિલિયા યુનિવર્સિટીમાં માસ કોમ્યુનિકેશનનો વિદ્યાર્થી છે.

નવી દિહીઃ નાગરિકતા સંશોધન કાયદા અને એનઆરસીના વિરોધમાં દિલ્હીની જામિયા મિલિયા ઇસ્લામિયા યુનિવર્સિટીથી રાજઘાટ સુધી કાઢવામાં આવેલા માર્ચ દરમિયાન એક વ્યક્તિએ ફાયરિંગ કરી દીધું છે. જામિયા વિસ્તાર પાસે  એક યુવકે ફાયરિંગ કર્યું હતું જેમા એક વિદ્યાર્થી ઇજાગ્રસ્ત થયો છે. હુમલાખોરની ઓળખ ગોપાલ તરીકે થઇ છે. સાથે જ પોતાને રામભક્ત બતાવી રહ્યો છે. પોલીસ હુમલાખોરના દાવાની સત્યતા ચકાસી રહી છે. જ્યારે ફાયરિંગમાં ઇજાગ્રસ્તની ઓળખ શાદાબ તરીકે થઇ છે. તે જામિયા મિલિયા યુનિવર્સિટીમાં માસ  કોમ્યુનિકેશનનો વિદ્યાર્થી છે.

#WATCH A man brandishes gun in Jamia area of Delhi, culprit has been detained by police. More details awaited. pic.twitter.com/rAeLl6iLd4

— ANI (@ANI) January 30, 2020

આશ્વર્યની વાત છે કે આટલી કડક સુરક્ષા  વ્યવસ્થા છતાં યુવક ગન લઇને આવ્યો હતો અને ફાયરિંગ કરી દીધું  હતું. યુવકે જાહેરમાં પોલીસની સામે જ ફાયરિંગ કર્યું હતું. ઘટનાસ્થળ પર હાજર લોકોનું કહેવું છે કે યુવકે ફાયરિંગ  કર્યું પરંતુ પોલીસે  કાંઇ કર્યું નથી. પ્રદર્શનકારીઓ તરફ યુવક આગળ વધી રહ્યો હતો આ દરમિયાન પોલીસ ફક્ત જોતી રહી હતી.

Man who brandished a gun and opened fire in Jamia area has been taken into custody by Delhi Police and is being questioned. https://t.co/hre5enWqbJ pic.twitter.com/v8rT5Ih7qF

— ANI (@ANI) January 30, 2020

જામિયા માર્ચ દરમિયાન ફાયરિંગની ઘટના બાદ દિલ્હીના ત્રણ મેટ્રો સ્ટેશન બંધ કરી દેવામાં આવ્યા છે. જામા મસ્જિદ, આઇટીઓ અને દિલ્હી ગેટ મેટ્રો સ્ટેશન બંધ કરવામાં  આવ્યા છે.

Delhi: The student injured after a man brandished a gun and opened fire in Jamia area today. He has been admitted to a hospital. The man who had opened fire has been taken into police custody and is being questioned. pic.twitter.com/w3jrfvcDFr

— ANI (@ANI) January 30, 2020