Atique Ahmed Shifting Live Update: અતીક અહેમદ નૈની જેલમાં પહોંચ્યો, મેડિકલ ચેકઅપ કરાયું
Atique Ahmed Shifting Live Update: માફિયા અતીક અહેમદને કડક સુરક્ષા વચ્ચે પ્રયાગરાજ લાવવામાં આવી રહ્યો છે. અહીં તેને નૈની સેન્ટ્રલ જેલમાં રાખવામાં આવશે. લાઇવ બ્લોગમાં અહીં દરેક અપડેટ વાંચો.
Background
Atique Ahmed Shifting Update: સાબરમતી જેલમાંથી કુખ્યાત અતિક અહેમદને લઈને યૂપી પોલીસ નિકળી છે. સાબરમતી જેલની બહાર મોટી સંખ્યામાં પોલીસ જવાનો હાજર છે. અતિકને યૂપી લઈ જવા બે રૂટ પ્લાન તૈયાર કરવામાં આવ્યા છે. પ્રથમ રૂટ પ્લાનમાં તેને રાજસ્થાનના બાંદા ચિત્રકૂટ થઈને ઉદયપુર થઈને પ્રયાગરાજ લાવવાની યોજના છે. ખાસ સંજોગોમાં STFને અન્ય રૂટ પ્લાનનો ઉપયોગ કરવાની પણ પરવાનગી આપવામાં આવી છે. જો કે, પોલીસે આ રૂટ પ્લાન અંગે ન તો કોઈ નિવેદન આપ્યું કે ન તો કોઈ વિગત જાહેર કરી છે. પરંતુ શક્યતા છે કે આ રૂટ પ્લાન મુજબ પોલીસ ગુજરાતની સાબરમતી જેલથી પ્રયાગરાજ સુધીનો પ્રવાસ શરૂ કરી શકે છે.
પોલીસ ટીમને આ માર્ગથી પ્રયાગરાજ પહોંચવામાં 25 થી 30 કલાકનો સમય લાગી શકે છે. પોલીસ અધિકારીઓના જણાવ્યા અનુસાર માફિયા ડોન અતીક સાબરમતી જેલમાંથી બહાર આવતાની સાથે જ લખનૌમાં બેઠેલા પોલીસ અધિકારીઓ તેનીટ્રેકિંગ શરૂ કરી દેશે. આખા માર્ગ દરમિયાન તે પોલીસના રડાર પર રહેશે.
આ દરમિયાન અતીક અહેમદ જે વાહનમાં બેસશે તેની આગળ અને પાછળ પ્રયાગરાજ પોલીસના વાહનો હશે. જે વિસ્તારમાંથી તે પસાર થશે સંબંધિત પોલીસ સ્ટેશનની પોલીસ પણ એલર્ટ મોડ પર રહેશે. સાથે જ તેની કારથી આઠથી દસ કિમી આગળ જતા વાહનો પર પણ જીપીએસ દ્વારા નજર રાખવામાં આવશે.
સાબરમતી જેલમાં રહેલ કુખ્યાત અતીક અહેમદની પૂછપરછ માટે આજે સવારે ઉત્તર પ્રદેશ પોલીસ સેન્ટ્રલ જેલ પહોંચી હતી. બે મોટી પોલીસની ગાડીમાં પોલીસના જવાન અને 2 બોલેરો ગાડીમાં પોલીસ અધિકારીઓ એમ કુલ 30થી વધુ પોલીસકર્મીઓ અને અધિકારીઓ સેન્ટ્રલ જેલ પહોંચ્યા હતા. સેન્ટ્રલ જેલ પહોંચીને અતીક અહેમદને ઉત્તર પ્રદેશ લઈ જવાની કાર્યવાહી હાથ ધરવામાં આવી છે. પોલીસકર્મીઓ હથિયાર સાથે આવ્યા છે.
અમદાવાદની સાબરમતી સેન્ટ્રલ જેલ સહિતની જેલોમાં ગુજરાતના ગૃહવિભાગે એકસામટું સર્ચ ઓપરેશન કર્યું હતું. ત્યારે તેની પાછળ અતીકની શંકાસ્પદ એક્ટિવિટીને માનવામાં આવી હતી. ત્યારે આજે ઉત્તર પ્રદેશ પોલીસ સાબરમતી સેન્ટ્રલ જેલ પહોંચી છે. સાબરમતી જેલમાં જેલવાસ ભોગવતા અતીક અહેમદની યુપી પોલીસ પૂછપરછ કરશે.
અતીકે જેલમાં પ્રવેશતાની સાથે જ તેની પાઘડી ઉતારી
જેલમાં પ્રવેશતા જ અતીકે તેની પાઘડી ઉતારી દીધી હતી. અતિક ખાસ ઉચ્ચ સુરક્ષા બેરેકમાં સૂઈ ગયો. જેમાં પચાસ કેદીઓને રાખવામાં આવ્યા છે, અતીકને એકલા રાખવામાં આવ્યો છે. અતીકને જેલના ગેટ પર મેટલ ડિટેક્ટર વડે તલાશી લેવામાં આવી હતી. આતિકને જેલનું સામાન્ય ભોજન મળશે. તેની હાઈટ અને વજન ચેક કરવામાં આવ્યું છે.
Atique Ahmed Live News: પ્રયાગરાજની નૈની જેલથી 6 કિમી દૂર છે કાફલો
અતીક અહેમદના કાફલાએ ઉમાપુર ટોલ પ્લાઝા પાર કર્યો. અતીક અહેમદનો કાફલો પ્રયાગરાજની નૈની જેલથી 6 કિમી દૂર છે.
ટોપ સ્ટોરી
ટ્રેન્ડિંગ સમાચાર
