'કરાંચી અને લાહોરમાં બનાવીશું ગુરુકુળ', ભારત-પાકિસ્તાન તણાવ વચ્ચે બોલ્યા બાબા રામદેવ
યોગ ગુરુ બાબા રામદેવે કહ્યું છે કે તેઓ લાહોર અને કરાચીમાં આગામી ગુરુકુળ બનાવશે
પાકિસ્તાન અને ભારત વચ્ચે ચાલી રહેલા તણાવ વચ્ચે યોગ ગુરુ બાબા રામદેવે કહ્યું છે કે તેઓ લાહોર અને કરાચીમાં આગામી ગુરુકુળ બનાવશે. તેમનું કહેવું છે કે પાકિસ્તાનની વર્તમાન પરિસ્થિતિને ધ્યાનમાં લેતા આગામી ગુરુકુળ ત્યાં જ બનાવવા પડશે. રામદેવે કહ્યું કે પાકિસ્તાનના ઘણા પ્રાંતો આઝાદીની માંગ કરી રહ્યા છે તેથી પાકિસ્તાન પહેલેથી જ તૂટી ગયું છે, તેની પાસે ભારત સાથે લડવાની હિંમત નથી.
બાબા રામદેવને બંને દેશોની વર્તમાન પરિસ્થિતિ અંગે પ્રશ્ન કરવામાં આવ્યો હતો જેના જવાબમાં તેમણે કહ્યું હતું કે, 'પાકિસ્તાન પહેલેથી જ એક દુષ્ટ દેશ છે, તે પોતાની મેળે તૂટી જશે.' બીજી બાજુ પખ્તુનો તેને તોડવાનો પ્રયાસ કરી રહ્યા છે. બલુચિસ્તાનના લોકો તેમની સ્વતંત્રતાની માંગ કરી રહ્યા છે. પીઓકેમાં પરિસ્થિતિ વધુ ખરાબ છે તો તે ભારત સામે લડવાની ક્ષમતા કેવી રીતે રાખી શકે?
રામદેવે કહ્યું કે પાકિસ્તાન એક દિવસ પણ ભારત સાથે ઉભું રહી શકે નહીં. તેમણે કહ્યું, 'મને લાગે છે કે આપણે કરાચી અને લાહોરમાં આગામી ગુરુકુળ બનાવવું પડશે અને ત્યાંથી આપણી ગુરુકુળ સંસ્કૃતિની શરૂઆત થઈ હતી. જો આ અભિયાન ફરી શરૂ થાય છે તો પૂજ્ય આચાર્યજી અહીં ત્રણ ગુરુકુળ બનાવશે અને અમે કરાચી અને લાહોરમાં આગામી ગુરુકુળ બનાવીશું.
નોંધનીય છે કે 22 એપ્રિલે જમ્મુ-કાશ્મીરના પહલગામમાં થયેલા આતંકવાદી હુમલા બાદ ભારત અને પાકિસ્તાન વચ્ચેના સંબંધોમાં તણાવ આવ્યો હતો. આ હુમલાની જવાબદારી લશ્કર-એ-તૌયબા આતંકવાદી સંગઠનના સહયોગી ધ રેઝિસ્ટન્સ ફ્રન્ટ (TRF) દ્વારા લેવામાં આવી છે અને લશ્કરના વડા હાફિઝ સઈદને પાકિસ્તાન દ્વારા આશ્રય આપવામાં આવ્યો છે. જોકે, TRF એ પાછળથી આ નિવેદન પાછું ખેંચી લીધું. પાકિસ્તાન સરકારને ડર છે કે ભારત પહલગામ હુમલાનો બદલો ચોક્કસ લેશે તેથી તે ડરી ગઈ છે અને તેણે હાફિઝ સઈદની સુરક્ષા વધારી દીધી છે.
પાકિસ્તાની ગુપ્તચર એજન્સીઓને ડર છે કે ભારત કોઈ ગુપ્ત કાર્યવાહી હેઠળ હાફિઝને નિશાન બનાવી શકે છે, તેથી તેને કડક સુરક્ષા હેઠળ લાહોરના ગીચ વસ્તીવાળા વિસ્તારમાં રાખવામાં આવ્યો છે.
ટોપ સ્ટોરી
ટ્રેન્ડિંગ સમાચાર
