BJP : દક્ષિણના 5 રાજ્યોની 120 લોકસભા બેઠકો પર ભાજપનું ફોકસ, તેલંગાણામાં KCR, ઓવૈસીને પછાડવાની યોજના
BJP National Executive Meeting: જેપી નડ્ડાના ભવ્ય રોડ શો સાથે તેલંગાણાના હૈદરાબાદમાં ભાજપની બે દિવસીય કાર્યકારી સમિતિની બેઠકની શરૂઆત થઇ ગઈ છે.
Hyderabad : હૈદરાબાદમાં આજે ભાજપના રાષ્ટ્રીય મહાસચિવોની બેઠક સાથે ભાજપની બે દિવસીય કાર્યકારી સમિતિની શરૂઆત થઈ છે. ભાજપના નેશનાળ જનરલ સેક્રેટરી તરુણ ચૂગે મીડિયાને સંબોધન કરતા જણાવ્યું કે રાષ્ટ્રીય કાર્ય સમિતિ આવતીકાલે 2 જુલાઇને સાંજે 4 વાગ્યે શરૂ થશે.વડાપ્રધાન મોદી રાષ્ટ્રીય કાર્ય સમિતિના 340 પ્રતિનિધિઓ સાથે દરેક બેઠક અને દરેક સત્રમાં પૂર્ણ સમય રહેશે.
ભાજપનું મિશન સાઉથ, 25 લોકસભા બેઠકો પર ફોકસ
ભાજપ કર્ણાટક ઉપરાંત અન્ય રાજ્યો પર ધ્યાન કેન્દ્રિત કરી રહ્યું છે. ઉદાહરણ તરીકે, તેલંગાણા, આંધ્રપ્રદેશ, કેરળ અને તમિલનાડુ ભાજપના એજન્ડામાં છે. ભાજપ આ રાજ્યોમાં લગભગ 120 બેઠકો પર ધ્યાન કેન્દ્રિત કરી રહ્યું છે અને તેની પૃષ્ઠભૂમિ હૈદરાબાદ કારોબારીમાંથી લખવી પડશે.
તમિલનાડુ 39 બેઠકો, કેરળમાં 20 બેઠકો, કર્ણાટકમાં 28 બેઠકો, તેલંગાણા માં 17 બેઠકો અને આંધ્ર પ્રદેશમાં 25 લોકસભા બેઠકો પર ભાજપનું ફોક્સ છે.
લોકસભા ચૂંટણી પહેલા વાતાવરણ બનાવવાની યોજના
એક તરફ, ભાજપ બંધ હોલમાં સમાપન સત્ર દરમિયાન પીએમ મોદીના સમાપન ભાષણ દ્વારા તેના નેતાઓ અને કાર્યકારી સભ્યોને ઉત્સાહિત કરવાની તૈયારી કરી રહ્યું છે. કાર્યકારિણી બેઠકના અંતિમ દિવસે હૈદરાબાદના ઐતિહાસિક પરેડ ગ્રાઉન્ડ ખાતે પીએમની મેગા વિજય સંકલ્પ સભા રેલી યોજાશે. જેના દ્વારા પીએમ મોદી તેલંગાણાના દરેક બૂથમાંથી આવતા કાર્યકરો સાથે સીધો સંવાદ કરી શકે છે.
આ રેલીમાં પીએમ મોદીની સાથે ભાજપ શાસિત રાજ્યોના તમામ મુખ્યમંત્રીઓ અને ઉપમુખ્યમંત્રીઓ પણ મંચ પર હશે. પીએમની રેલીમાં 33000 બૂથ સંયોજકોને બોલાવવામાં આવ્યા છે.
બાય-બાય કેસીઆરના નારા
તેલંગાણામાં ભાજપે બાય બાય કેસીઆરનો નારો આપ્યો છે. ભાજપનું માનવું છે કે તેલંગાણામાં કેસીઆરની સરકાર જવાની છે અને તેમની સરકાર આવવાની છે. આ માટે ભાજપે તેલંગાણા ભાજપ કાર્યાલયમાં એક મોટી ડિજિટલ ઘડિયાળ પણ લગાવી છે. આ ઘડિયાળમાં લખ્યું છે કે તેલંગાણા સરકાર પાસે માત્ર 522 દિવસ બાકી છે. સમયની સાથે સરકારના દિવસો ઘટતા જાય છે.
ટ્રેન્ડિંગ સમાચાર
ટોપ સ્ટોરી
