કોંગ્રેસના ટોચના નેતાનું શરમજનક નિવેદન, રેપ ટાળી ના શકો તો સૂઈ જાઓ અને એન્જોય કરો.......

કર્ણાટક વિધાનસભામાં વિપક્ષી ધારાસભ્યોએ ખેડૂતોના મુદ્દે ચર્ચા કરવા માટે સ્પીકર વિશ્વેશ્વરા હેગડે કાગેરી સમક્ષ માગણી કરી હતી.

 (પ્રતિકાત્મક તસવીર)

બેંગલુરૂઃ કર્ણાટક કોંગ્રેસના ટોચના નેતા અને ધારાસભ્ય કે.આર. રમેશ કુમારે કરેલા આઘાતજનક નિવેદન સામે દેશભરમાં આક્રોશ ફાટી નિકળ્યો છે. કર્ણાટક વિધાનસબાના ભૂતપૂર્વ સ્પીકર એવા કોંગ્રેસના સિનિયર નેતા કે.આર. રમેશ કુમારે વિધાનસભામાં બોલતાં કહ્યું હતું કે ‘રેપ ટાળી શકાય નહીં ત્યારે સૂઈ જાઓ અને તેને એન્જોય કરો.’

કર્ણાટક વિધાનસભામાં વિપક્ષી ધારાસભ્યોએ ખેડૂતોના મુદ્દે ચર્ચા કરવા માટે સ્પીકર વિશ્વેશ્વરા હેગડે કાગેરી સમક્ષ માગણી કરી હતી. સ્પીકર વિશ્વેશ્વરા હેગડે કાગેરી આ માગણી સ્વીકારવા તૈયાર નહોતા તેથી વિપક્ષી ધારાસભ્યો આ મુદ્દે હોબાળો મચાવી રહ્યો હતો.

વિધાનસભાના સ્પીકરે ધારાસભ્યોને શાંત કરવા કહ્યું હતું કે, જો દરેક ધારાસભ્યને બોલવા દેવામાં આવે તો પોતે  કેવી રીતે ગૃહ ચલાવી શકશે? સ્પીકરે એ પછી  ભૂતપૂર્વ સ્પીકર કેઆર રમેશ કુમાર તરફ જોઈને કહ્યું કે, મને લાગે છે કે હું સ્થિતિ કન્ટ્રોલ નહીં કરી શકું તો  ચાલો આસ્થિતીને એન્જોય કરી લઈએ.

 સ્પીકરના આ નિવેદન બાદ રમેશ કુમારે વાંધાજનક નિવેદન આપતાં કહ્યું હતું કે ‘એવું કહેવાય છે કે જ્યારે રેપ ટાળી ન શકાય ત્યારે પડ્યા રહો અને માણી લો.’

તેમણે આ નિવેદન આપ્યું ત્યારે કોઈએ તેનો વિરોધ નહોતો કર્યો. તેના બદલે હાજર ધારાસભ્યોમાં હાસ્યનું મોજું ફરી વળ્યું હતું. કોંગ્રેસ નેતા રમેશ કુમાર આ પહેલાં પણ બળાત્કાર પીડિતાઓનું અપમાન કરી ચૂક્યા છે. અગાઉ એક વિવાદમાં તેમનું નામ સંડોવાયું ત્યારે તેમણે એવો બચાવ કર્યો હતો કે હું રેપનો ભોગ બન્યો હોઉં એવું અનુભવી રહ્યો છું.

નેશનલ ક્રાઇમ રેકોર્ડ્સ બ્યૂરોના આંકડા અનુસાર, દેશમાં 2020ના એક જ વર્ષમાં બળાત્કારની 26,727 ઘટના બની છે ત્યારે તેને ગંભીરતાથી લેવાના બદલે ભૂતપૂર્વ સ્પીકર રહી ચૂકેલા કે.આર. રમેશ કુમારે તેને મજાકમાં લીધી તેની સામે સોશિયલ મીડિયામાં લોકો આક્રોશ ઠાલવી રહ્યા છે. 

---

#WATCH| "...There's a saying: When rape is inevitable, lie down&enjoy," ex Karnataka Assembly Speaker & Congress MLA Ramesh Kumar said when Speaker Kageri, in response to MLAs request for extending question hour, said he couldn't& legislators should 'enjoy the situation' (16.12) pic.twitter.com/hD1kRlUk0T

— ANI (@ANI) December 17, 2021

 

આ પણ વાંચો-