EDની મોટી કાર્યવાહી, BSPના પૂર્વ MLC મોહમ્મદ ઈકબાલની 4,440 કરોડની સંપત્તિ કરી જપ્ત
Mohammed Iqbal News: બસપા સરકારમાં બહુ ચર્ચિત ખાંડ મિલ ગોટાળામાં ઈડી ઈકબાલ વિરુદ્ધ તપાસ કરી રહી છે. આ મામલે 2021માં પૂર્વ એમએલસીની 1097 કરોડ રૂપિયાની સંપત્તિ જપ્ત કરી ચુકી છે.
Former BSP MLC Mohammed Iqbal: સહારાનપુરમાં થયેલા ગેરકાયદે ખનન મામેલ ઈડીએ મોટી કાર્યવાહી કરી છે. ઈડીએ બસપાના પૂર્વ એમએલસી મોહમ્મદ ઈકબાલની ગ્લોકલ યુનિવર્સિટીની (Glocal University) 121 એકર જમીન તથા તમામ ભવનો જપ્ત કર્યા છે. બસપાના પૂર્વ એમએલસી મોહમ્મદ ઈકબાલની જપ્ત કરવામાં આવેલી સંપત્તિની કિંમત 4,440 કરોડ રૂપિયા(Prevention of Money Laundering Act PMLA) છે. સીબીઆઈ તથા અન્ય એજન્સીઓ પણ બસપાના પૂર્વ એમએલસી મોહમ્મદ ઈકબાલ સામે તપાસ કરી રહી છે. બસપા સરકારમાં બહુ ચર્ચિત ખાંડ મિલ ગોટાળામાં ઈડી ઈકબાલ વિરુદ્ધ તપાસ કરી રહી છે. આ મામલે 2021માં પૂર્વ એમએલસીની 1097 કરોડ રૂપિયાની સંપત્તિ જપ્ત કરી ચુકી છે.
ઈડીએ નોટિસ ફટકારી
આ અંગે ઈડીએ તેમના નિવેદનમાં જણાવ્યું, મોહમ્મદ ઈકબાલે વર્ષ 2010 થી 2012 સુધી સહારનપુર તથા તેની આસપાસ ગેરકાયદે ખનનથી 5000 કરોડથી વધુ રૂપિયા એકત્ર કર્યા હતા. બાદમાં આ રકમને ગ્લોકલ યુનિવર્સિટીમાં ઈન્વેસ્ટ કર્યા હતા. અબ્દુલ વહીદ એજ્યુકેશનલ એન્ડ ચેરિટેબલ ટ્રસ્ટના (Abdul Waheed Educational and Charitable Trust) માધ્યમથી મોહમ્મદ ઈકબાલે આ જમીન ખરીદી હતી અને તેના પર યુનિવર્સિટીનું નિર્માણ કર્યુ હતું.
ફરાર છે મોહમ્મદ ઈકબાલ
ઈડીના અધિકારીઓ અનુસાર, મોહમ્મદ ઈકબાલ હાલ ફરાર છે અને તે દુબઈ ભાગ્યાની આશંકા છે. તેના ચાર પુત્ર તથા ભાઈ અલગ અલગ મામલામાં જેલમાં બંધ છે. ઈડી મુજબ, ઈકબાલ જ અબ્દુલ વહીદ એજ્યુકેશનલ એન્ડ ચેરિટેબલ ટ્રસ્ટનો ચેરમેન હતો અને તમામ ટ્રસ્ટી ઈકબાલના પરિવારના હતા. 10 વર્ષ પહેલા સીબીઆઈએ આ મામલે તપાસ શરૂ કરી હતી.
જે બાદ ઈડીએ મની લોન્ડ્રિંગનો કેસ દાખલ કરી તપાસ શરૂ કરી હતી. ગેરકાયદે ખનન મામલે પટ્ટા ધારક મહમૂદ અલી, દિલશાદ, મુહમ્મદ ઈનામ, મહબૂબ આલમ, નસીમ અહમદ, અમિત જૈન, નરેન્દ્ર કુમાર જૈન, વિકાસ અગ્રવાલ, મુહમ્મદ ઈકબાલનો પુત્ર મુહમ્મદ વાજિદ, મુકેશ જૈન, પુનીત જૈનને આરોપી બનાવાયા છે.
ટોપ સ્ટોરી
ટ્રેન્ડિંગ સમાચાર
