આ રાજ્યોમાં 30 મે સુધી ભયંકર વરસાદ, વાવાઝોડા અને કરાની આગાહી, જાણો ચોમાસાનું લેટેસ્ટ અપડેટ

હવામાન વિભાગની નવી આગાહી: દક્ષિણ અને પૂર્વ ભારતમાં ભારે વરસાદ પડશે, તો સામે દિલ્હી-યુપી સહિતના રાજ્યોમાં હિટવેવનો પ્રકોપ યથાવત રહેશે.

extremely heavy rainfall alert imd weather monsoon update dust storm

Source : ai

Show Quick Read

Key points generated by AI, verified by newsroom

• દેશના ઘણા ભાગોમાં 30 મે સુધી ભારે વરસાદની ચેતવણી.
• ચોમાસું આગળ વધી રહ્યું છે, સાનુકૂળ વાતાવરણ બની રહ્યું છે.
• દક્ષિણ અને પૂર્વ ભારતમાં ભારે વરસાદ, ઉત્તરમાં ગરમી યથાવત.
• નવું વેસ્ટર્ન ડિસ્ટર્બન્સ સક્રિય થતાં વાતાવરણમાં ફેરફાર થશે.

Extremely Heavy Rainfall Alert: જો તમે આગામી દિવસોમાં ક્યાંય બહાર જવાનો પ્લાન બનાવી રહ્યા છો, તો પહેલા હવામાન વિભાગનું આ નવું અપડેટ જરૂર જાણી લો. દેશના ઘણા ભાગોમાં 30 મે સુધી ભારેથી અતિ ભારે વરસાદની ચેતવણી આપવામાં આવી છે. ભારતીય હવામાન વિભાગ (IMD) એ માત્ર વરસાદ જ નહીં, પણ કરા પડવા અને ધૂળની ડમરીઓ ઉડવા વિશે પણ એલર્ટ આપ્યું છે. આ સાથે જ ચોમાસાને લઈને પણ એક મોટા સમાચાર છે. દક્ષિણ અને પૂર્વ ભારતના રાજ્યોમાં જ્યા એક તરફ સતત વરસાદ પડશે, ત્યાં બીજી તરફ અમુક ઉત્તરના રાજ્યોમાં કાળઝાળ ગરમી એટલે કે હીટવેવ પણ ચાલુ રહેશે.

ચોમાસાને લઈને શું છે નવું અપડેટ?

અત્યારે દેશભરમાં અલગ-અલગ જગ્યાએ વેસ્ટર્ન ડિસ્ટર્બન્સ (પશ્ચિમી વિક્ષેપ) અને સાયક્લોનિક સર્ક્યુલેશન (ચક્રવાતી પરિભ્રમણ) સક્રિય છે. આ સિસ્ટમ્સને કારણે 30 મે સુધી દેશના ઘણા વિસ્તારોમાં જોરદાર પવન અને ગાજવીજ સાથે ભારે વરસાદની શક્યતા છે. સારા સમાચાર એ છે કે આગામી 2 થી 3 દિવસમાં દક્ષિણ-પશ્ચિમ ચોમાસું આગળ વધવા માટે એકદમ સાનુકૂળ વાતાવરણ બની ગયું છે. ચોમાસું હવે ધીમે ધીમે અરબી સમુદ્ર, બંગાળની ખાડી અને આંદામાન સમુદ્રના કેટલાક ભાગોમાં આગળ વધી શકે છે.

કયા રાજ્યોમાં કેવું રહેશે હવામાન?

આજે એટલે કે 24 મેના રોજ હવામાન કેવું રહેશે તેની વાત કરીએ તો, ઉત્તર આંતરિક કર્ણાટકના અમુક વિસ્તારોમાં કરા પડવાની પૂરેપૂરી શક્યતા છે, જ્યારે રાજસ્થાનમાં ધૂળભરી આંધી આવી શકે છે. નોર્થ-ઈસ્ટ એટલે કે પૂર્વોત્તર ભારતની વાત કરીએ તો, 24 મેના રોજ આસામ અને મેઘાલયમાં ભારે વરસાદ પડી શકે છે. આ સિવાય અરુણાચલ પ્રદેશ, નાગાલેન્ડ, મણિપુર, મિઝોરમ અને ત્રિપુરામાં પણ અલગ-અલગ દિવસોમાં ભારે વરસાદ ખાબકી શકે છે. દક્ષિણ ભારતમાં પણ 24 થી 28 મે દરમિયાન કેરળ, તમિલનાડુ, કર્ણાટક, તેલંગાણા અને આંધ્રપ્રદેશના મોટાભાગના વિસ્તારોમાં જોરદાર પવન અને ગાજવીજ સાથે વરસાદની આગાહી છે.

આ પણ વાંચોઃ આવતીકાલનું હવામાન: આગામી 22 કલાકમાં 15 રાજ્યોમાં મુશળધાર વરસાદની આગાહી, એલર્ટ જાહેર

નવી સિસ્ટમ સક્રિય થશે પણ હીટવેવથી રાહત નહીં

બીજી તરફ, પૂર્વ ભારતના રાજ્યો જેવા કે પશ્ચિમ બંગાળ, ઝારખંડ, ઓડિશા અને બિહારમાં પણ વરસાદ અને ભારે પવન ફૂંકાશે. ઉત્તર અને પશ્ચિમ ભારત (જમ્મુ કાશ્મીર, હિમાચલ પ્રદેશ, ઉત્તરાખંડ, પંજાબ, હરિયાણા, દિલ્હી અને યુપી) માં પણ હળવોથી મધ્યમ વરસાદ અને વાવાઝોડાની શક્યતા છે. હવામાન વિભાગનું કહેવું છે કે જમ્મુ પર એક વેસ્ટર્ન ડિસ્ટર્બન્સ છે અને બિહાર, આસામ સહિત બંગાળની ખાડીમાં ચક્રવાતી પરિભ્રમણ છે. તેમાંય 28 મેથી ઉત્તર-પશ્ચિમ ભારતમાં એક નવું વેસ્ટર્ન ડિસ્ટર્બન્સ સક્રિય થવા જઈ રહ્યું છે.

આ પણ વાંચોઃ ગુજરાતમાં કમોસમી વરસાદની આફત! આજે 9 જિલ્લામાં પડશે માવઠું? હવામાન વિભાગની આગાહી