દેશમાં લોકડાઉન નાંખીને ફરીથી સ્કૂલો બંધ કરાશે ? જાણો મોદી સરકારે શું કર્યો ખુલાસો

સોશિયલ મીડિયા પર એક વીડિયો વાયરલ થયો છે. જેમાં દેશમાં લોકડાઉન નાંખી ફરીથી સ્કૂલો બંધ કરવામાં આવશે તેવો દાવો કરવામાં આવ્યો છે.

ફાઈલ તસવીર

નવી દિલ્હીઃ દેશમાં કોરોનાના કેસ ઘટી ગયા છે અને મોટાભાગના રાજ્યોમાં ફરીથી સ્કૂલ, કોલેજ કેમ્પસ શરૂ થયા છે. કોરોનાના કાળના કારણે આશરે દોઢ વર્ષ સુધી સ્કૂલ બંધ રહ્યા બાદ ધીમે ધીમે વિવિધ રાજ્યો શક્ષણિક કાર્ય રાબેતા મુજબ કરવા લાગ્યા છે. આ દરમિયાન સોશિયલ મીડિયા પર એક વીડિયો વાયરલ થયો છે. જેમાં દેશમાં લોકડાઉન નાંખી ફરીથી સ્કૂલો બંધ કરવામાં આવશે તેવો દાવો કરવામાં આવ્યો છે.

પીઆઈબી ફેક્ટ ચેકે શું કહ્યું

સોશિયલ મીડિયા પર વાયરલ થયેલા વીડિયોમાં કોવિડ-19નની ત્રીજી લહેર, લોકડાઉન અને સ્કૂલ-કોલેજ ફરીથી બંધ કરવાનો દાવો કરવામાં આવ્યો છે. જે બાદ પીઆઈબી ફેક્ટ ચેકે સ્પષ્ટતા કરતાં લખ્યું, A1Bharat News નામની એક યુટ્યૂબ ચેનલ દ્વારા વીડિયોના થંબનેલમાં લોકડાઉન અને સ્કૂલ બંધ કરવા સંબંધિત બોગસ દાવો કરવામાં આવી રહ્યો છે. આ વીડિયો ભ્રામક છે. આ પ્રકારના કોઈપણ વીડિયો કે આવા ભ્રામક સ્ક્રીનશોટને શેર ન કરો.

'A1Bharat News' नामक एक #YouTube चैनल द्वारा वीडियो के थंबनेल में लॉकडाउन और स्कूल बंद करने से संबंधित फ़र्ज़ी दावे किए जा रहे हैं।#PIBFactCheck

▶️ ये वीडियो भ्रामक हैं।
▶️ इस तरह के किसी भी वीडियो या इनके भ्रामक स्क्रीनशॉट को साझा न करें।

— PIB Fact Check (@PIBFactCheck) September 23, 2021

નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. પીઆઈબી ફેક્ટ ચેકને કોઈ પણ સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.

આ પણ વાંચોઃ લગ્નના 17 વર્ષ બાદ મહિલાએ લીધા છૂટાછેડા, Divorce Party રાખીને કર્યું સેલિબ્રેશન, જાણો વિગત