Kashmir Fashion Show: કાશ્મીરમાં બરફમાં છોકરીઓએ બિકિની પહેરી કર્યું રેમ્પ વૉક, વાયરલ થઇ રહ્યો છે વીડિયો
હાલમાં કાશ્મીરમાં એક ફોટોશૂટની ખૂબ ચર્ચા થઇ રહી છે. તેને લઈને ઘણો હોબાળો થઈ રહ્યો છે
Kashmir Fashion Show: જમ્મુ અને કાશ્મીરને પૃથ્વી પરનું સ્વર્ગ પણ કહેવામાં આવે છે. આ જ કારણ છે કે દર વર્ષે લાખો લોકો અહીં આવે છે અને બરફમાં ફોટોશૂટ પણ કરાવે છે. જોકે, હાલમાં કાશ્મીરમાં એક ફોટોશૂટની ખૂબ ચર્ચા થઇ રહી છે. તેને લઈને ઘણો હોબાળો થઈ રહ્યો છે. વાસ્તવમાં ગુલમર્ગમાં એક કપડાની બ્રાન્ડ દ્વારા એક ફોટોશૂટનું આયોજન કરવામાં આવ્યું હતું, જેમાં ઘણી મોડેલોને આમંત્રણ આપવામાં આવ્યું હતું. આ દરમિયાન, આ મોડેલોએ કંપનીના કપડાં પહેરીને રેમ્પ વોક કર્યું હતું, જેનો વીડિયો સોશિયલ મીડિયા પર વાયરલ થઈ રહ્યો છે.
Seems the Fashion Show in Kashmir organised signalling normalcy returning to state is not happening. ON ONE HAND @SaudiMOH is reforming and on the other the situation in the valley is in reverse gear pic.twitter.com/0dF0FVlSwG
— Umesh Kumar Agarwal (@ukagarwal) March 10, 2025
કાશ્મીરી લોકોએ વિરોધ કર્યો
આ બ્રાન્ડ માટે રેમ્પ વોક કરતી મોડેલોએ આખો ફેશન શો બિકીની અને ટૂંકા કપડાં પહેરીને કર્યો હતો. ભારે હિમવર્ષા વચ્ચે આ રેમ્પ વોકના વીડિયો સોશિયલ મીડિયા પર વાયરલ થવા લાગ્યા અને કાશ્મીરના લોકોએ તેનો વિરોધ શરૂ કરી દીધો. કાશ્મીરના સ્થાનિક લોકોએ આવા ફોટોશૂટનો વિરોધ શરૂ કર્યો અને પછી ભારે હોબાળો મચી ગયો. સ્થાનિક લોકોનું કહેવું છે કે રમઝાનના પવિત્ર મહિનામાં આવી પ્રવૃત્તિઓ યોગ્ય નથી અને તેને બંધ કરવી જોઈએ.
કંપનીએ પોસ્ટ દૂર કરી
વિવાદ બાદ ELLE India નામની આ કંપનીએ આ ફેશન શોના વીડિયો તેના સોશિયલ મીડિયા હેન્ડલ પરથી હટાવી દીધા છે. આ મામલે લોકોનો ગુસ્સો અને નારાજગી જોઈને સીએમ ઓમર અબ્દુલ્લાએ પણ તપાસના આદેશ આપ્યા છે. આ લક્ઝરી બ્રાન્ડ તેની 15મી વર્ષગાંઠ નિમિત્તે આ ફોટોશૂટ કરાવી રહી હતી. કંપની દ્વારા ગુલમર્ગની સુંદર ખીણોને સ્થાન તરીકે પસંદ કરવામાં આવી હતી.
યુઝર્સે પ્રશ્નો ઉઠાવ્યા
હવે સોશિયલ મીડિયા પર વાયરલ થયા બાદ યુઝર્સ આ વીડિયો અંગે પ્રશ્નો ઉઠાવી રહ્યા છે. કેટલાક યુઝર્સનું કહેવું છે કે આમાં શું ખોટું છે? આવા ફોટોશૂટ વિશ્વભરના દેશોમાં થાય છે અને સમાન સ્થળોએ કરવામાં આવે છે. કેટલાક લોકો તેને શરમજનક ગણાવી રહ્યા છે અને કહી રહ્યા છે કે કાશ્મીર જેવી જગ્યાએ આ બધું ન થવું જોઈએ.
ટોપ સ્ટોરી
ટ્રેન્ડિંગ સમાચાર
