G20 Summit 2023: દિલ્હી પહોંચ્યા અમેરિકાના રાષ્ટ્રપતિ જો બાઈડન, G-20 સમિટમાં થશે સામેલ
દિલ્હીમાં G-20 સમિટ માટે વિદેશી મહેમાનોના આગમનની શરુઆત થઈ ગઈ છે. શુક્રવારે (8 સપ્ટેમ્બર) અમેરિકાના રાષ્ટ્રપતિ જો બાઈડેન પણ દિલ્હી પહોંચ્યા હતા.
G20 Summit India: દિલ્હીમાં G-20 સમિટ માટે વિદેશી મહેમાનોના આગમનની શરુઆત થઈ ગઈ છે. શુક્રવારે (8 સપ્ટેમ્બર) અમેરિકાના રાષ્ટ્રપતિ જો બાઈડેન પણ દિલ્હી પહોંચ્યા હતા.
જો બાઈડન ટૂંક સમયમાં વડાપ્રધાન મોદી સાથે દ્વિપક્ષીય બેઠક કરશે. અમેરિકાના રાષ્ટ્રીય સુરક્ષા સલાહકાર જેક સુલિવાને કહ્યું કે આ બેઠકમાં બંને નેતાઓ જૂનમાં વડાપ્રધાન મોદીની અમેરિકાની સત્તાવાર મુલાકાત દરમિયાન લીધેલા નિર્ણયોની પ્રગતિની સમીક્ષા કરી શકે છે. જેમાં GE જેટ એન્જિન ડીલ, પ્રિડેટર ડ્રોનની ખરીદી સામેલ છે.
પીએમ મોદી અને જો બિડેનની દ્વિપક્ષીય મુલાકાત
આ બેઠક દરમિયાન, 5G અને 6G સ્પેક્ટ્રમ, યુક્રેન, નાગરિક પરમાણુ ક્ષેત્રમાં પ્રગતિ પર પણ ચર્ચા થઈ શકે છે. જેક સુલિવને જો કે એવા અહેવાલોને સમર્થન આપ્યું ન હતું કે યુ.એસ. ભારત અને આરબ દેશો સાથે ગલ્ફ દેશો અને અન્ય આરબ દેશોને જોડવા માટે મોટા રેલ સોદાની જાહેરાત કરવાની યોજના બનાવી રહ્યું છે, પરંતુ કહ્યું કે તે એક પહેલ છે જેમાં યુએસએ તેની સાથે પ્રયાસ કર્યો છે.
તેમણે કહ્યું કે અમારું માનવું છે કે ભારતથી સમગ્ર મધ્ય પૂર્વથી યુરોપ સુધીની કનેક્ટિવિટી ખૂબ જ મહત્વપૂર્ણ છે અને તેનાથી સંકળાયેલા તમામ દેશોને મહત્વપૂર્ણ આર્થિક લાભ તેમજ વ્યૂહાત્મક લાભ મળશે. જો કે હજુ આ અંગે વધુ કહી શકાય તેમ નથી. રાષ્ટ્રપતિ જો બાઈડેન વડાપ્રધાન મોદી સાથે સત્તાવાર કાર્યક્રમમાં ભાગ લેશે. આ પછી તે G-20 નેતાઓ સાથે ઘણી બેઠકોમાં ભાગ લેશે.
ક્યા નેતાઓ જી-20 સમિટમાં સામેલ થઇ રહ્યા નથી
ચીનના રાષ્ટ્રપતિ Xi Jinping જી-20 સમિટમાં સામેલ થશે નહીં. તેમની ગેરહાજરીમાં સ્ટેટ કાઉન્સિલના ચીની પ્રીમિયર લી ક્વિઆંગ દેશના પ્રતિનિધિમંડળનું નેતૃત્વ કરશે. 2008 બાદ પ્રથમ વખત ચીનના રાષ્ટ્રપતિ જી-20 સમિટમાં ભાગ લેશે નહીં.
રશિયાના રાષ્ટ્રપતિ વ્લાદિમીર પુતિન પણ સમિટમાં ભાગ લેશે નહીં. ઇન્ટરનેશનલ ક્રિમિનલ કોર્ટ (ICC) એ રશિયન રાષ્ટ્રપતિ માટે યુક્રેનમાં યુદ્ધ અપરાધોનો આરોપ મૂકતા ધરપકડ વોરંટ જાહેર કર્યું છે. આનો અર્થ એ છે કે વિદેશમાં મુસાફરી કરતી વખતે તેમના પર ધરપકડનું જોખમ છે. રશિયાના વિદેશ મંત્રી સર્ગેઈ નવી દિલ્હીમાં દેશનું પ્રતિનિધિત્વ કરશે. સ્પેનના રાષ્ટ્રપતિ Pedro Sanchez નો કોરોના રિપોર્ટ પોઝિટીવ આવતા તેઓ ભારત આવશે નહીં. મેક્સિકોના રાષ્ટ્રપતિ Andres Manuel Lopez Obrador આ મેગા ઈવેન્ટમાં ભાગ લેશે નહીં.
ટોપ સ્ટોરી
ટ્રેન્ડિંગ સમાચાર
