દિલ્હીઃ અક્ષરધામ મંદિર પાસે ધોળે દિવસે પોલીસ પર ગુંડાઓએ કર્યું ફાયરિંગ

અક્ષરધામ પાસે દિલ્હી પોલીસે જ્યારે કારમાં સવાર ગુંડાઓને રોકવાનું કહ્યું તો તેમણે પોલીસની ગાડી પર ફાયરિંગ કર્યું હતું

નવી દિલ્હીઃ દિલ્હીના અક્ષરધામ મંદિર પાસે રવિવારે સવારે ગુંડાઓ  અને પોલીસ વચ્ચે અથડામણ થઇ હતી. વાસ્તવમાં સવારે લગભગ 11 વાગ્યે દિલ્હી પોલીસની વાન પર કાર સવાર ગુંડાઓએ ફાયરિંગ કર્યું હતું. ત્યારબાદ પોલીસે જવાબી કાર્યવાહી કરી હતી. રિપોર્ટ અનુસાર, અક્ષરધામ પાસે દિલ્હી પોલીસે જ્યારે કારમાં સવાર ગુંડાઓને રોકવાનું કહ્યું તો તેમણે પોલીસની ગાડી પર ફાયરિંગ કર્યું હતું. બાદમાં પોલીસે પણ જવાબી કાર્યવાહી કરી હતી.

#Visuals from Delhi: 4 unidentified assailants, in a four-wheeler, fired at police team near Akshardham temple this morning. The police team had asked them to stop their vehicle when they resorted to firing and later managed to escape. No injuries reported. More details awaited. pic.twitter.com/RC7EIIfP2P

— ANI (@ANI) September 22, 2019

રિપોર્ટ અનુસાર, પોલીસની કાર્યવાહીથી ડરીને ગુંડાઓ અક્ષરધામથી ગીતા કોલોની તરફ ભાગી ગયા હતા. દિલ્હી પોલીસે ઘટનાની તપાસ શરૂ કરી હતી. નોંધનીય છે કે દિલ્હી-એનસીઆરમાં ગુંડાઓ અને પોલીસ વચ્ચે અથડામણની ખબરો સામે આવતી રહે છે. શુક્રવારે જ દિલ્હીના દ્ધારકાના જાફરપુર કલા વિસ્તારમાં પોલીસ અને બદમાશો વચ્ચે અથડામણમાં ત્રણ ગુંડાઓની ધરપકડ કરવામાં આવી હતી. આ ફાયરિંગમાં નંદૂ ગેંગના એક ગુંડાઓને ગોળી મારી દીધી હતી.