દેશમાં કોરોના વાયરસના નવા સ્ટ્રેનના દર્દીઓની સંખ્યામાં વધારો, અત્યાર સુધી કેટલા કેસ નોંધાયા ? જાણો

કોરોના વાયરસનો નવો સ્ટ્રેન સૌથી પહેલા બ્રિટેનમાં મળી આવ્યો હતો. તેના બાદ ભારત સહિત અનેક દેશોમાં કોરોનાનો નવો સ્ટ્રેન ફેલાઈ ચુક્યો છે.

પ્રતિકાત્મક તસવીર

નવી દિલ્હી: કોરોના વાયરસનો કહેર હજુ પણ અટક્યો નથી. દેશમાં સતત કોરોના વાયરસના નવા દર્દીઓ સામે આવી રહ્યાં છે. ત્યારે કોરોના વાયરસના નવા સ્ટ્રેનના દર્દીઓની સંખ્યા પણ વધી રહી છે. દેશમાં અત્યાર સુધી કોરોના નવા સ્ટ્રેનના દર્દીઓની સંખ્યા 150 પર પહોંચી ગઈ છે. આરોગ્ય મંત્રાલયે જણાવ્યું કે, યૂકેમાં મળી આવેલા નવા કોરોનાના સ્ટ્રેનના કેસ દેશમાં પણ વધી રહ્યાં છે. દેશમાં અત્યાર સુધી કોરોના વાયરસના નવા સ્ટ્રેનના 150 દર્દીઓની પુષ્ટી થઈ ચુકી છે. ઉલ્લેખનીય છે કે, કોરોના વાયરસનો નવો સ્ટ્રેન સૌથી પહેલા બ્રિટેનમાં મળી આવ્યો  હતો. તેના બાદ ભારત સહિત અનેક દેશોમાં કોરોનાનો નવો સ્ટ્રેન ફેલાઈ ચુક્યો છે. બ્રિટન સિવાય ડેનમાર્ક, નીધરલેન્ડ, ઓસ્ટ્રેલિયા, ઈટાલી, સ્વીડન, ફ્રાન્સ, સ્પેન, સ્વિટ્ઝરલેન્ડ, જર્મની, કેનેડા, જાપાન, લેબનાન અને સિંગાપુર સામેલ છે.