આવતીકાલે 26 રાજ્યોમાં મેઘતાંડવની આગાહી: 90 km/h ની ઝડપે પવન સાથે ભારે વરસાદનું રેડ એલર્ટ

આવતીકાલનું હવામાનઃ હવામાન વિભાગ દ્વારા ઉત્તર પ્રદેશ, બિહાર, દિલ્હી સહિત અનેક રાજ્યો માટે એલર્ટ જાહેર, પર્વતીય વિસ્તારોમાં ભૂસ્ખલન અને દરિયાકાંઠે તોફાની પવનની સંભાવના.

IMD Heavy Rainfall Alert 26 States August 30 Wind 90kmh Forecast

Source : ai

Show Quick Read

Key points generated by AI, verified by newsroom

• આવતીકાલે ૨૬ રાજ્યોમાં ભારે વરસાદ, વાવાઝોડાની આગાહી છે.
• ૮૫-૯૦ કિમી/કલાકની ઝડપે પવન ફૂંકાતા નુકસાન થશે.
• દિલ્હી, યુપી સહિત અનેક વિસ્તારોમાં તીવ્ર અસર દેખાશે.
• ભૂસ્ખલન, કરા અને પાકને નુકસાન થવાની સંભાવના.

આવતીકાલનું હવામાનઃ દેશભરમાં ચોમાસાની સિઝન બરાબર જામી છે, ત્યારે ભારતીય હવામાન વિભાગ (IMD) તરફથી એક મોટું અને ચિંતાજનક અપડેટ સામે આવ્યું છે. આવતીકાલે એટલે કે 30 ઓગસ્ટ 2026 ના રોજ દેશના 26 રાજ્યોમાં મુશળધાર વરસાદ અને વાવાઝોડાનું જોખમ તોળાઈ રહ્યું છે. હવામાન વિભાગની આગાહી મુજબ, આગામી 19 કલાક દરમિયાન દિલ્હી, ઉત્તર પ્રદેશ અને બિહાર જેવા રાજ્યો સહિત મોટા ભાગના વિસ્તારોમાં 85 થી 90 km/h ની ઝડપે તોફાની પવન ફૂંકાય તેવી પૂરતી શક્યતા છે. આટલી પ્રચંડ ગતિથી ફૂંકાતા પવનોને કારણે મોટા ઝાડ મૂળમાંથી ઉખડીને રસ્તાઓ પર ધસી પડે તેવો ભય છે. આથી જ ગીચ જંગલ કે પર્વતીય વિસ્તારોમાં મુસાફરી કરવા નીકળતા પહેલા હવામાનની સ્થિતિ ખાસ ચકાસી લેવાની સલાહ આપવામાં આવી છે. પહાડી રાજ્યોમાં ભૂસ્ખલન (લેન્ડસ્લાઈડ), પૂર્વના રાજ્યોમાં વીજળીના કડાકા-ભડાકા સાથે તોફાન અને પશ્ચિમના રાજ્યોમાં ભારે વરસાદને લીધે તારાજી સર્જાઈ શકે છે.

હવામાનમાં આવેલા આ અચાનક બદલાવ પાછળ ઉત્તર બંગાળની ખાડીમાંથી આવતા પવનો જવાબદાર છે, જે પ્રજા માટે મુશ્કેલી વધારી શકે છે. કેટલીક જગ્યાએ મોટા કરા પડવાની પણ આગાહી છે. આ સિવાય ઉત્તર હરિયાણા અને તેને અડીને આવેલા નીચલા ઉષ્ણકટિબંધીય વિસ્તારમાં અપર-એર સાયક્લોનિક સરક્યુલેશન સર્જાયું છે, જ્યારે દક્ષિણ-પૂર્વ ઉત્તર પ્રદેશના વિસ્તારમાં પણ ચક્રવાતી પવનોની સિસ્ટમ સક્રિય થઈ છે.

જે 26 રાજ્યોમાં ભારે વરસાદ અને તોફાની પવનનું એલર્ટ આપવા આવ્યું છે, તેમાં ઉત્તર પ્રદેશ, બિહાર, દિલ્હી, હરિયાણા, રાજસ્થાન, હિમાચલ પ્રદેશ, ઉત્તરાખંડ, પંજાબ, જમ્મુ અને કાશ્મીર, લદ્દાખ, ઝારખંડ, પશ્ચિમ બંગાળ, ઓડિશા, મધ્ય પ્રદેશ, છત્તીસગઢ, ગુજરાત, મહારાષ્ટ્ર, આસામ, ત્રિપુરા, નાગાલેન્ડ, સિક્કિમ, કેરળ, તમિલનાડુ, આંધ્રપ્રદેશ, કર્ણાટક અને તેલંગાણાનો સમાવેશ થાય છે. આ કટોકટી જેવા હવામાનના કારણે ખેડૂતોના તૈયાર પાકને પણ ભારે નુકસાન પહોંચવાની ભીતિ સેવાઈ રહી છે.

દિલ્હી અને ઉત્તર પ્રદેશનું હવામાન

30 ઓગસ્ટે રાજધાની દિલ્હીમાં ભારે વરસાદ અને વાવાઝોડા સાથે 40 થી 50 km/h ની ગતિથી પવન ફૂંકાશે. અહીં મહત્તમ તાપમાન 35°C અને લઘુત્તમ તાપમાન 28°C રહેવાની ધારણા છે. ઉત્તર પ્રદેશના મથુરા, આગ્રા, ગાઝિયાબાદ, મેરઠ, કુશીનગર, સોનભદ્ર, મિર્ઝાપુર, હમીરપુર, ઝાંસી, લલિતપુર, મહોબા, રાયબરેલી, પ્રતાપગઢ, બાંદા, ફતેહપુર, કાનપુર, શામલી, બદાયૂં, ઇટાવા, ગાઝીપુર, ગોરખપુર, પ્રયાગરાજ, દેવરિયા અને બસ્તીમાં તોફાની વરસાદી માહોલ રહેશે. પાટનગર લખનૌમાં મહત્તમ તાપમાન 31°C અને લઘુત્તમ 27°C નોંધાઈ શકે છે.

બિહાર અને ઝારખંડ

બિહારના ગયા, ભોજપુર, સિવાન, જહાનાબાદ, ગોપાલગંજ, પટના, બક્સર, વૈશાલી, સમસ્તીપુર, દરભંગા, મધુબની, કિશનગંજ, પૂર્ણિયા અને ખાગરીયા જેવા વિસ્તારોમાં 55 થી 60 km/h ની ઝડપે પવન ફૂંકાવાની સાથે ભારે વરસાદ પડશે. પટનામાં તાપમાન 33°C થી 28°C વચ્ચે રહેશે. ઝારખંડમાં 30 અને 31 ઓગસ્ટ દરમિયાન જમશેદપુર, સિમડેગા, રાંચી, દેવઘર, દુમકા, બોકારો, હજારીબાગ, ધનબાદ, રામગઢ, ખુંટી, પલામુ અને ચતરા જિલ્લામાં 70 km/h ની ગતિના તોફાની પવન સાથે વરસાદ ત્રાટકશે. રાંચીમાં મહત્તમ 29°C અને લઘુત્તમ 24°C તાપમાન રહેશે.

ઉત્તરાખંડ, હિમાચલ અને જમ્મુ-કાશ્મીર

ઉત્તરાખંડના પિથોરાગઢ, ચમોલી, અલ્મોરા, બાગેશ્વર, નૈનિતાલ, હરિદ્વાર, ટિહરી ગઢવાલ, ઋષિકેશ અને પૌરી ગઢવાલમાં 50 km/h ની ઝડપે પવન સાથે માવઠું પડશે. દેહરાદૂનમાં તાપમાન 27°C અને 23°C રહેશે. હિમાચલના કુલ્લુ, કાંગડા, ચંબા, કિન્નૌર, મંડી, ઉના, હમીરપુર, સોલન, લાહૌલ-સ્પિતિ અને શિમલામાં 45 થી 50 km/h ની ઝડપે પવન ફૂંકાશે, જ્યારે મનાલીમાં તાપમાન 16°C થી 10°C સુધી ગગડશે. જમ્મુ-કાશ્મીર અને લદ્દાખ ક્ષેત્રના જમ્મુ, કિશ્તવાડ, પૂંચ, બારામુલ્લા, અનંતનાગ, રિયાસી, દાર્જિલિંગ, ઝારગ્રામ, ગાંદરબલ, ઉધમપુર, બાંદીપોરા અને મીરપુરમાં 65 થી 70 km/h ની ઝડપે પવન અને વરસાદ પડાવાની શક્યતા છે. શ્રીનગરમાં મહત્તમ 31°C અને લઘુત્તમ 19°C તાપમાન રહેશે.

પંજાબ, રાજસ્થાન અને પશ્ચિમ બંગાળ

પંજાબના કપૂરથલા, ભટિંડા, ફરીદકોટ, લુધિયાણા, અમૃતસર, પઠાણકોટ, સંગરુર, બર્નાલા, ગુરદાસપુર અને હોશિયારપુરમાં 65 થી 70 km/h ની ઝડપે પવન સાથે ભારે વરસાદનું એલર્ટ છે. રાજસ્થાનના ઝુનઝુનુ, ટોંક, અજમેર, અલવર, જેસલમેર, જયપુર, બાડમેર, ભરતપુર, કોટા, ભીલવાડા, જોધપુર અને પાલીમાં 45 થી 50 km/h ના પવન સાથે વરસાદ થશે; જયપુરમાં તાપમાન 27°C થી 26°C રહેશે. પશ્ચિમ બંગાળના માલદા, બાંકુરા, મુર્શિદાબાદ, કોલકાતા, બીરભૂમ, નાદિયા, કાલિમપોંગ, દુર્ગાપુર, હાવડા અને જલપાઈગુડીમાં 65 થી 70 km/h ની ઝડપે પવન ફૂંકાશે. કોલકાતામાં તાપમાન 32°C થી 28°C રહેશે.

આ પણ વાંચોઃ ચોમાસા અંગે સ્કાયમેટની ડરામણી આગાહી: દેશમાં 70% દુષ્કાળની શક્યતા, જાણી લો ચિંતાજનક

મધ્ય પ્રદેશ, છત્તીસગઢ અને ઓડિશા

મધ્ય પ્રદેશના છિંદવાડા, હોશંગાબાદ, સિઓની, દેવાસ, બેતુલ, હરદા, ધાર, વિદિશા, બાલાઘાટ, ગુના, ઉજ્જૈન, જબલપુર અને ઉમરિયામાં 55 થી 60 km/h ના તોફાની પવન સાથે વરસાદ પડશે. ભોપાલમાં તાપમાન 26°C થી 24°C રહેશે. છત્તીસગઢના કોરબા, ગારિયાબંધ, સૂરજપુર, રાયપુર, બિલાસપુર, ધમતરી, બેમેતારા, જાંજગીર, દુર્ગ, મહાસમુંદ અને રાયગઢમાં 75 km/h ની ગતિથી પવન ફૂંકાવાની શક્યતા છે. ઓડિશાના બાલનગીર, નૌપદા, ભુવનેશ્વર, પુરી, સુંદરગઢ, મયુરભંજ અને સંબલપુરમાં 70 km/h ની ઝડપે તોફાની પવન સાથે મુશળધાર વરસાદ ખાબકવાની પૂર્ણ સંભાવના છે.