દેશના આ રાજ્યમાં સતત ચોથા દિવસે કોરોનાના નવા 20 હજારથી વધુ કેસ નોંધાયા, 116 દર્દીઓના મોત

રાજ્યમાં સંક્રમણનો દર 13.61 ટકા છે. સ્વાસ્થ્ય વિભાગના જણાવ્યા મુજબ, સંક્રમણના 20,772 નવા કેસ નોંધાયા બાદ સંક્રમિતોની કુલ સંખ્યા 33,70,137 થઈ ગઈ છે.

કેરળમાં શુક્રવારે સતત ચોથા દિવસે કોરોના વાયરસ સંક્રમણના 20 હજારથી વધુ નવા કેસ સામે આવ્યા છે અને 116 દર્દીઓના સંક્રમણના કારણે મોત થયા છે. રાજ્યમાં સંક્રમણનો દર 13.61 ટકા છે. સ્વાસ્થ્ય વિભાગના જણાવ્યા મુજબ, સંક્રમણના 20,772 નવા કેસ નોંધાયા બાદ સંક્રમિતોની કુલ સંખ્યા 33,70,137 થઈ ગઈ છે. 116 દર્દીઓના મોત સાથે મૃતકોની સંખ્યા 16,701 પર પહોંચી છે. જ્યારે 14,651 દર્દી સાજા થતા કોરોનાને મ્હાત આપનારા લોકોની સંખ્યા 31,92,104 થઈ ગઈ છે. 

સ્વાસ્થ્ય વિભાગે જણાવ્યું કે 24 કલાકમાં  1,52,639  નમૂનાની તપાસ કરવામાં આવી હતી. સંક્રમણ દર 13.61 ટકા છે. અત્યાર સુધીમાં 2,70,49,431 ટેસ્ટ કરવામાં આવી ચૂક્યા છે.  વિશેષજ્ઞોનું કહેવું છે કે લોકડાઉનમાં ઢીલ, કોવિડ પ્રોટોકોલોનું પાલન ન કરવું અને સાર્સ-સીઓવી-2 ના અને નવા સંક્રમણ સ્વરુપ સામે આવવાના કારણે કોરોનાના નવા કેસની સંખ્યા વધી છે.

કેરળમાં ગુરુવારે 22064 નવા કેસ સામે આવ્યા હતા અને 128 દર્દીઓના મોત થયા હતા. બુધવારે કોરોનાના 22,056 નવા કેસ નોંધાયા હતા અને 131 દર્દીઓના મોત થયા હતા. સોમવારે 11,586  અને મંગળવારે 22,129 નવા કેસની પુષ્ટી થઈ હતી. 

દેશમાં કોરોનાની સ્થિતિ

દેશમાં કોરોનાની ત્રીજી લહેરના ભણકારા વાગી રહ્યા છે. છેલ્લા ત્રણ દિવસથી સતત 43 હજારથી વધારે કોરોનાના નવા કેસ નોંધાઈ રહ્યો છે. શુક્રવારે સવારે સ્વાસ્થ્ય મંત્રાલય તરફથી બહાર પાડવામાં આવેલ આંકડા અનુસાર, છેલ્લા 24 કલાકમાં 44,230 નવા કોરોનાના કેસ નોંધાયા અને 555 સંક્રમિતોના મોત થાય છે. કેરળમાં સૌથી વધારે 22064 નવા કેસ સામે આવ્યા. જોકે દેશભમાં છેલ્લા 24 કલાકમાં 42360 લોકો કરોનાથી ઠેક થયા છે એટલે કે ગઈકાલે 1315 એક્ટિવ કેસ વધ્યા છે.

કોરોનાના કુલ કેસ

મહામારીની શરૂઆતથી લઇને અત્યાર સુધી કુલ ત્રણ કરોડ 15 લાખ 72 હજાર લોકો સંક્રમિત થાય છે. તેમાંથી 4 લાખ 23 હજાર 217 લોકોના મોત થયા છે. સારી વાત એ છે કે 3 કરોડ 7 લાખ 43 હજાર લોકો ઠીક પણ થયા છે. દેશમાં કોરોનાના એક્ટવિ કેસની સંખ્યા ચાર લાખથી વધારે છે. કુલ 4 લાખ 5 હજાર 155 લોકો હજુ પણ કોરોનાથી સંક્રમિત છે, જેની સારવાર ચાલી રહી છે.