લખનૌ: આલ્બમના શૂટિંગ દરમિયાન થયો પથ્થરમારો, અભિનેતા કુણાલ ખેમુ ઘાયલ

લખનૌ: એક વીડિયો આલ્બમના શૂટિંગ દરમિયાન હુમલો થતાં અભિનેતા કુણાલ ખેમુ ઈજાગ્રસ્ત થયો છે. શનિવારે મોડી રાત્રે આલ્બન ‘સાંવરે’ની શૂટિંગ દરમિયાન લગભગ 50 લોકોના ટોળાએ આવીને ઈમામવાડા પાસે નૌબતખાનામાં પથ્થરમારો કર્યો હતો. આ ટોળાએ બસના કાચ તોડ્યા હતા. અને કુણાલ ખેમુને હાથમાં ખૂબ ઈજા પહોંચી છે. કુણાલ ખેમુને ધક્કો મારી તેનો હાથ મચકોડી નાખ્યો હતો.  આ અંગે પોલીસે ફરિયાદ નોંધી છે. આ આલ્બમના ગીતો પાકિસ્તાની ગાયક રાહત ફતેહ અલી ખાને ગાયા છે. જેના પ્રોડ્યુસર નિખિલ દ્વિવેદી છે. આ આલ્બમની કંપોઝર અનુપમા રાગ છે. આ વીડિયોમાં કુણાલ ખેમુ સાથે અભિનેત્રી વર્તિકા સિંહ પણ છે.