Sirના હોબાળા બાદ લોકસભામાં કાર્યવાહી ફરી શરૂ, વિપક્ષની SIR મુદ્દે ચર્ચાની માંગ
Parliament Winter Session:સરકારે કહ્યું કે, SIR પર ચર્ચા સામે કોઈ વાંધો નથી, પરંતુ તેના માટે અત્યારે સમય નક્કી કરવી શક્ય નથી. વિપક્ષના આ મુદ્દે હોબાળા બાદ કાર્યવાહી સ્થગિત કરાઇ હતી.
Parliament Winter Session:વિપક્ષના વિરોધ બાદ લોકસભા બપોરે 12 વાગ્યા સુધી સ્થગિત કરવામાં આવી હતી. વિપક્ષી સાંસદોએ આજે ફરીથી ગૃહના વેલમાં SIR પર ચર્ચાની માંગણી સાથે હંગામો કર્યો, જેના કારણે લોકસભાની કાર્યવાહી બપોરે 12 વાગ્યા સુધી સ્થગિત કરવાની ફરજ પડી હતી. ફરી લોકસભામાં કાર્યવાહી શરૂ થઇ છે. BLOના મોતના કારણે વિપક્ષ સતત SIR મુદ્દે ચર્ચાની માંગણી કરી રહ્યું છે. લોકસભાની કાર્યવાહી ફરી શરૂ થઇ ગઇ છે પરંતુ વિપક્ષનો આ મુદ્દે હોબાળો યથાવત છે.
ઉલ્લેખનિય છે કે આજે સંસદના શિયાળુ સત્રનો બીજો દિવસ છે. પહેલા દિવસે લોકસભા અને રાજ્યસભામાં ભારે હોબાળો થયો, જેના કારણે અનેક વખત કાર્યવાહી સ્થગિત કરવી પડી. વિપક્ષે મતદાર યાદીના સ્પેશિયલ ઇન્ટેન્સિવ રિવિઝન (SIR) પર ચર્ચાની માંગણી કરીને વિરોધ કર્યો અને રાજ્યસભામાંથી વોકઆઉટ પણ કર્યું.
સરકારે જણાવ્યું કે SIR પર ચર્ચા સામે તેમને કોઈ વાંધો નથી, પરંતુ તેના માટે સમય નક્કી કરવાનું હજુ શક્ય નથી. વિપક્ષી ઇન્ડિયન એલાયન્સના સાંસદો આજે પણ પોતાનો વિરોધ ચાલુ રાખશે. તેઓ સવારે સંસદના મકર ગેટની બહાર પ્રદર્શન કરશે. કોંગ્રેસના સાંસદ મણિકમ ટાગોરે જણાવ્યું કે ગઠબંધને SIR અને ચૂંટણી સુધારા પર ચર્ચાની માંગને વધુ તીવ્ર બનાવવાનો નિર્ણય લીધો છે.
બીજી તરફ, સરકાર આજે લોકસભામાં સેન્ટ્રલ એક્સાઇઝ એમેન્ડમેન્ટ બિલ, 2025 રજૂ કરશે. નાણામંત્રી નિર્મલા સીતારમણ આ બિલ દ્વારા તમાકુ ઉત્પાદનો પર એક્સાઇઝ ડ્યુટી અને સેસ વધારવાનો પ્રસ્તાવ મૂકશે. સોમવારે શરૂઆતમાં, નાણામંત્રીએ તમાકુ અને પાન મસાલા જેવા ઉત્પાદનો પરના કર માળખામાં ફેરફાર સંબંધિત બે બિલ રજૂ કર્યા, કારણ કે GST વળતર સેસ ટૂંક સમયમાં સમાપ્ત થવાનો છે.
વિપક્ષે બિનજરૂરી મુદ્દાઓ ન શોધવા જોઈએ: રિજિજુ
કેન્દ્રીય મંત્રી કિરેન રિજિજુએ SIR પર સંસદમાં થયેલા હોબાળાનો જવાબ આપતા કહ્યું કે વિપક્ષે બળજબરીથી મુદ્દાઓ શોધવાની જરૂર નથી. તેમણે કહ્યું, "આ સત્રમાં પહેલાથી જ ઘણા મહત્વપૂર્ણ મુદ્દાઓ પર ચર્ચા બાકી છે અને વિપક્ષે પણ ઘણા વિષયો ઉઠાવ્યા છે. અમે તેમના પર ચર્ચા કરીશું." રિજિજુએ ઉમેર્યું કે નવા મુદ્દાઓ ઉઠાવીને સંસદની કાર્યવાહીમાં વિક્ષેપ પાડવી યોગ્ય નથી.
SIR પર વિપક્ષી ગઠબંધનનો વિરોધ
વિપક્ષી પક્ષોના સાંસદો સંસદ ભવનના મકર ગેટ પાસે ભેગા થયા અને વિરોધ કર્યો. કોંગ્રેસ સંસદીય દળના વડા સોનિયા ગાંધી, કોંગ્રેસ પ્રમુખ મલ્લિકાર્જુન ખડગે, પાર્ટીના મહાસચિવ પ્રિયંકા ગાંધી વાડ્રા, DMK નેતા ટી.આર. બાલુ અને અન્ય ઘણા વિપક્ષી સાંસદોએ વિરોધ પ્રદર્શનમાં ભાગ લીધો. વિરોધ કરી રહેલા વિપક્ષી નેતાઓએ "SIR પાછો ખેંચો" ની માંગણી કરતા સૂત્રોચ્ચાર કર્યા.
ટોપ સ્ટોરી
ટ્રેન્ડિંગ સમાચાર
