'જો આપણે વહેંચાઈ જશું તો વહેંચનારા મહેફિલ સજાવશે', મહારાષ્ટ્રમાં કોંગ્રેસ પર જોરદાર વરસ્યા PM મોદી

Pm Modi Slams Congress: વડાપ્રધાન નરેન્દ્ર મોદીએ મરાઠી ભાષાને અભિજાત ભાષાનો દરજ્જો મળવા બદલ અભિનંદન આપ્યા. વડાપ્રધાને દેશ અને દુનિયાના મરાઠી ભાષી લોકોને આ ઐતિહાસિક સિદ્ધિ માટે શુભેચ્છાઓ પાઠવી.

પીએમ મોદી (ફાઈલ ફોટો)

Source : ANI

PM Modi Slams Congress: વડાપ્રધાન નરેન્દ્ર મોદીએ મહારાષ્ટ્રના ઠાણેમાં 32,800 કરોડ રૂપિયાથી વધુની કિંમતની વિવિધ પરિયોજનાઓનું ઉદ્ઘાટન અને શિલાન્યાસ કર્યો.

વડાપ્રધાન નરેન્દ્ર મોદીએ કહ્યું, "કોંગ્રેસને હવે અર્બન નક્સલ ગેંગ ચલાવી રહી છે. કોંગ્રેસ અને તેના સાથીઓનો એક જ લક્ષ્ય છે કે સમાજને વહેંચો અને સમાજમાં નફરત ભરો. જો આપણે વહેંચાઈ જશુ તો વહેંચનારા મહેફિલ સજાવશે. એટલા માટે આપણે વહેંચાવું નથી. અમારી સરકાર હમણાં વકફના ગેરકાયદે કબજા અંગે બિલ લાવી છે અને તુષ્ટિકરણ માટે કોંગ્રેસ અને તેના ચેલાઓ આનો વિરોધ કરી રહ્યા છે."

'અમે ખાડા ભરી રહ્યા છીએ, કોંગ્રેસે વિકાસ રોક્યો'

વડાપ્રધાન નરેન્દ્ર મોદીએ મરાઠી ભાષાને અભિજાત ભાષાનો દરજ્જો મળવા બદલ અભિનંદન આપ્યા છે. તેમણે કહ્યું કે આ માત્ર મરાઠી અને મહારાષ્ટ્રનું સન્માન નથી, પરંતુ આ તે પરંપરાનું સન્માન છે, જેણે દેશને જ્ઞાન, દર્શન, અધ્યાત્મ અને સાહિત્યની સમૃદ્ધ સંસ્કૃતિ આપી છે. વડાપ્રધાને દેશ અને દુનિયાના મરાઠી ભાષી લોકોને આ ઐતિહાસિક સિદ્ધિ માટે શુભેચ્છાઓ પાઠવી.

પોતાના સંબોધનમાં વડાપ્રધાને ભારતના ઝડપથી થઈ રહેલા વિકાસની ચર્ચા કરી. તેમણે કહ્યું, "અમારે વિકાસ પણ કરવાનો છે અને કોંગ્રેસે જે વીતેલા વર્ષોમાં પોતાની સરકારમાં વિકાસ નહોતો કર્યો, તેના ખાડાઓને પણ ભરવાના છે."

વડાપ્રધાને કોંગ્રેસ પર નિશાન સાધતા કહ્યું કે તેમની વિચારધારા હંમેશા વિકાસ વિરોધી રહી છે અને તેમની સરકાર દરમિયાન વિકાસના કીર્તિમાન બની રહ્યા છે. વડાપ્રધાને મહારાષ્ટ્રમાં મહાયુતિ સરકારની પ્રશંસા કરી અને કહ્યું કે આ સરકાર ઝડપથી રાજ્યમાં વિકાસ કાર્ય કરી રહી છે. તેમણે કહ્યું, "એક તરફ અમે છીએ જે વિકાસ કરીએ છીએ અને બીજી તરફ કોંગ્રેસ અને મહાઅઘાડીના લોકો છે, જે વિકાસને રોકે છે. મહાઅઘાડીના લોકો વિકાસ વિરોધી છે."

#WATCH ठाणे, महाराष्ट्र: प्रधानमंत्री नरेंद्र मोदी ने कहा, "कांग्रेस जानती है कि उनका वोट बैंक तो एक रहेगा, लेकिन बाकी लोग आसानी से बंट जाएंगे। कांग्रेस और उनके साथियों का एक ही मिशन है, समाज को बांटो और सत्ता पर कब्जा करो। इसलिए हमारी एकता को ही देश की ढाल बनाना है, हमें याद… pic.twitter.com/33GYgfvZbN

— ANI_HindiNews (@AHindinews) October 5, 2024

હિમાચલ પ્રદેશની કોંગ્રેસ સરકાર પર હુમલો: 'ટોયલેટ ટેક્સ લગાવવાનો આરોપ'

વડાપ્રધાને કોંગ્રેસ પાર્ટી પર ભ્રષ્ટાચારના આરોપો લગાવ્યા અને કહ્યું, "કોંગ્રેસ ભારતની સૌથી બેઈમાન અને ભ્રષ્ટ પાર્ટી છે. ગોટાળા કરવા જ તેમનો એજન્ડા છે અને આના માટે તેઓ જનતાને લૂંટે છે." હિમાચલ પ્રદેશની કોંગ્રેસ સરકાર પર પણ વડાપ્રધાને હુમલો કર્યો અને કહ્યું, "હમણાં કોંગ્રેસની હિમાચલ સરકારે નવો ટેક્સ લગાવ્યો છે, જેને ટોયલેટ ટેક્સ કહેવામાં આવી રહ્યો છે. એક તરફ મોદી કહે છે કે ટોયલેટ બનાવો અને બીજી તરફ આ લોકો ટોયલેટ પર ટેક્સ લગાવી રહ્યા છે."

ઠાણે શહેર વિશે વાત કરતા વડાપ્રધાને કહ્યું કે આ શહેર સાથે બાબા સાહેબ ઠાકરેનો ખાસ લગાવ હતો અને આ સ્વ. આનંદ દિઘે જીનું પણ શહેર છે. વડાપ્રધાને આ શહેરની મહાન વિભૂતિઓનો ઉલ્લેખ કર્યો, જેમાં દેશની પ્રથમ મહિલા ડૉક્ટર આનંદીબાઈ જોશી સામેલ છે.

તેમણે કહ્યું કે વિકાસ કાર્યો દ્વારા આ મહાન વિભૂતિઓના સંકલ્પોને પૂરા કરવામાં આવી રહ્યા છે. વડાપ્રધાન મોદીએ મહારાષ્ટ્રના બધા લોકોને વિકાસ કાર્યો માટે અભિનંદન આપ્યા અને કહ્યું કે આજે દરેક ભારતવાસીનો એક જ લક્ષ્ય છે  - 'વિકસિત ભારત'. તેમણે ભાર મૂકીને કહ્યું કે તેમની સરકારનો દરેક નિર્ણય, સંકલ્પ અને સપનું 'વિકસિત ભારત' માટે સમર્પિત છે.

આ પણ વાંચોઃ