માયાવતીએ આકાશ આનંદને BSP કોર્ડિનેટર પદ પરથી હટાવ્યા, ઉત્તરાધિકારી બનાવવાનો નિર્ણય પરત લીધો 

બહુજન સમાજ પાર્ટીના વડા માયાવતીએ લોકસભા ચૂંટણી 2024 વચ્ચે મોટો નિર્ણય લીધો છે. બસપા સુપ્રીમો માયાવતીના આ નિર્ણયે બધાને ચોંકાવી દીધા છે.

બસપા સુપ્રીમો માયાવતી

UP News: બહુજન સમાજ પાર્ટીના વડા માયાવતીએ લોકસભા ચૂંટણી 2024 વચ્ચે મોટો નિર્ણય લીધો છે. બસપા સુપ્રીમો માયાવતીના આ નિર્ણયે બધાને ચોંકાવી દીધા છે. પૂર્વ મુખ્યમંત્રી માયાવતીએ તેમના ભત્રીજા આકાશ આનંદને રાષ્ટ્રીય સંયોજક અને તેમના ઉત્તરાધિકારી પદ પરથી હટાવવાનો નિર્ણય લીધો છે. બસપા સુપ્રીમો માયાવતીએ તેની પાછળનું કારણ સંપૂર્ણ પરિપક્વતા (maturity) બતાવી છે.

2. इसी क्रम में पार्टी में, अन्य लोगों को आगे बढ़ाने के साथ ही, श्री आकाश आनन्द को नेशनल कोओर्डिनेटर व अपना उत्तराधिकारी घोषित किया, किन्तु पार्टी व मूवमेन्ट के व्यापक हित में पूर्ण परिपक्वता (maturity) आने तक अभी उन्हें इन दोनों अहम जिम्मेदारियों से अलग किया जा रहा है।

— Mayawati (@Mayawati) May 7, 2024

BSP સુપ્રીમો માયાવતીએ X પર પોસ્ટ કર્યું અને લખ્યું - "તે જાણીતું છે કે BSP, એક પક્ષ હોવા સાથે બાબા સાહેબ ડૉ. ભીમરાવ આંબેડકરના સ્વાભિમાન અને સામાજિક પરિવર્તન માટેનું આંદોલન પણ છે, જેના માટે માનનીય કાંશીરામ અને મેં અમારી આખી જીંદગી  સમર્પિત કરી છે  અને તેને વેગ આપવા માટે એક નવી પેઢી તૈયાર કરવામાં આવી રહી છે, આ ક્રમમાં  પાર્ટીમાં અન્ય લોકોને પ્રોત્સાહન આપવા સાથે આકાશ આનંદને રાષ્ટ્રીય સંયોજક અને તેમના ઉત્તરાધિકારી તરીકે જાહેર કરવામાં આવ્યા હતા, પરંતુ પક્ષ અને મૂવમેન્ટના વિશાળ હિતમાં હવે તેઓ  સંપૂર્ણ પરિપક્વ (maturity)  સુધી પહોંચે ત્યાં સુધી તેમને આ બે મહત્વપૂર્ણ જવાબદારીઓથી અલગ કરવામાં આવી રહ્યા છે." 

આ સાથે માયાવતીએ આગળ લખ્યું - "જ્યારે તેમના પિતા આનંદ કુમાર પાર્ટી અને આંદોલનમાં તેમની જવાબદારીઓ પહેલાની જેમ નિભાવતા રહેશે. BSPનું નેતૃત્વ પાર્ટી અને આંદોલનના હિતમાં અને  બાબા સાહેબ ડૉ. આંબેડકરના કારવાને આગળ વધારવામાં તમામ પ્રકારના ત્યાગ અને બલીદાન આપવાથી પાછળ નથી હટવાનું. 

તમને જણાવી દઈએ કે તાજેતરમાં સીતાપુર પોલીસે બસપા નેતા આકાશ આનંદ વિરુદ્ધ FIR નોંધી હતી. ચૂંટણી રેલી દરમિયાન આકાશ આનંદે ભાજપ સરકારની તુલના આતંકવાદીઓ સાથે કરી હતી. બસપા નેતા આકાશ આનંદના આ વિવાદાસ્પદ નિવેદન પર યુપી પોલીસે FIR નોંધી હતી. આ એફઆઈઆર બાદ આકાશ આનંદની ચૂંટણી રેલીઓ પણ રદ કરવામાં આવી હતી.