Modi Cabinet Decision: મોદી કેબિનેટનો મોટો ફેંસલો, વાયબ્રન્ટ વિલેજ પ્રોગ્રામને આપી મંજૂરી, જાણો વિગતે

Cabinet Decision: દેશની સરહદો પર આવેલા ગામડાઓમાં ઈન્ફ્રાસ્ટ્રક્ચરનો વિકાસ કરવામાં આવશે. આ માટે 4800 કરોડ રૂપિયા ફાળવવામાં આવ્યા છે.

અનુરાગ ઠાકુરની ફાઈલ તસવીર

Modi Cabinet Decision: મોદી કેબિનેટે બુધવારે (15 ફેબ્રુઆરી) ઘણા મહત્વપૂર્ણ નિર્ણયો લીધા હતા. કેબિનેટની બેઠક પછી, કેન્દ્રીય માહિતી અને પ્રસારણ મંત્રી અનુરાગ ઠાકુરે જણાવ્યું હતું કે સરકાર સહકારી સંસ્થાઓને મજબૂત કરશે, વિવિધ હેતુઓ માટે, આગામી સમયમાં બે લાખ પ્રાથમિક કૃષિ સહકારી ધિરાણ મંડળીઓ (PACs)/ડેરી/ફિશરીઝ કોઓપરેટિવની સ્થાપના કરવાનો લક્ષ્યાંક નક્કી કરવામાં આવ્યો છે.  

વાઈબ્રન્ટ વિલેજ પ્રોગ્રામ

તેમણે કહ્યું કે દેશની સરહદોને મજબૂત કરવા માટે મોદી સરકાર દ્વારા વાઈબ્રન્ટ વિલેજ પ્રોગ્રામને મંજૂરી આપવામાં આવી છે. આ અંતર્ગત દેશની ઉત્તરી સરહદો પર આવેલા ગામડાઓમાં ઈન્ફ્રાસ્ટ્રક્ચરનો વિકાસ કરવામાં આવશે. આ માટે 4800 કરોડ રૂપિયા ફાળવવામાં આવ્યા છે.

અનુરાગ ઠાકુરે કહ્યું કે લદ્દાખ, જમ્મુ કાશ્મીર, હિમાચલ પ્રદેશ, ઉત્તરાખંડ, સિક્કિમ અને અરુણાચલ પ્રદેશના કુલ 19 જિલ્લાના 2966 ગામોમાં રોડ અને અન્ય ઈન્ફ્રાસ્ટ્રક્ચરને મજબૂત કરવામાં આવશે. આ બોર્ડર એરિયા ડેવલપમેન્ટ પ્રોગ્રામથી અલગ હશે. કેન્દ્રીય મંત્રીએ કહ્યું કે સમગ્ર ખર્ચ કેન્દ્ર સરકાર ઉઠાવશે.

Union Cabinet approves Centrally sponsored scheme- Vibrant Villages Programme for the financial years 2022-23 to 2025-26 with financial allocation of Rs 4800 Crores: Union Minister Anurag Thakur pic.twitter.com/pPa9zc9rh1

— ANI (@ANI) February 15, 2023

સિંકુલના ટનલના નિર્માણને પણ મંજૂરી

મોદી કેબિનેટે સિંકુલના ટનલના નિર્માણને પણ મંજૂરી આપી હતી. જેના કારણે લદ્દાખ માટે તમામ વેધર રોડ કનેક્ટિવિટી ઉપલબ્ધ થશે. તેની લંબાઈ 4.8 કિમી હશે. 1600 કરોડનો ખર્ચ થશે. આનાથી સૈન્ય દળોની ગ્રાઉન્ડ મૂવમેન્ટમાં વધારો થશે.  

સાત નવી બટાલિયનની સ્થાપનાને મંજૂરી

કેન્દ્રીય કેબિનેટે ભારત-ચીન LAC પર તૈનાત ITBP માટે 9,400 કર્મચારીઓ સાથે સાત નવી બટાલિયનની સ્થાપનાને મંજૂરી આપી છે.