એક વર્ષમાં 5થી વધુ ઈ-ચલણ કપાશે તો લાયસન્સ થશે સસ્પેન્ડ, દંડ નહીં ભરો તો વાહન પણ બ્લોક
new e challan rules 2026: ટ્રાફિક નિયમો થયા કડક: ઈ-ચલણ સામે વાંધો હોય તો 45 દિવસમાં ઓનલાઈન ફરિયાદ કરી શકાશે; દંડ ન ભરવા પર RTOની તમામ સેવાઓ અટકી જશે અને વાહન પોર્ટલ પર ગાડી બ્લોક થશે.
- વર્ષમાં પાંચ ઈ-ચલણથી ડ્રાઇવિંગ લાયસન્સ સસ્પેન્ડ થશે.
- ચલણ સામે 45 દિવસમાં ફરિયાદ, દંડ ન ભરતા ગાડી બ્લોક.
- બ્લોક થતાં RTO સંબંધિત કોઈ પણ કામ નહીં કરી શકાય.
new e challan rules 2026: જો તમે પણ ટ્રાફિકના નિયમો તોડતા હોવ તો હવે સાવધાન થઈ જજો, કારણ કે સરકારે નિયમો ખૂબ જ કડક કરી દીધા છે. હવે જો એક જ વર્ષમાં તમારા વાહન પર 5 કે તેથી વધુ ઈ-ચલણ કપાશે, તો તમારું ડ્રાઇવિંગ લાયસન્સ સીધું સસ્પેન્ડ થઈ જશે. આટલું જ નહીં, જો તમે સમયસર દંડ નહીં ભરો તો 'વાહન પોર્ટલ' પર તમારી ગાડીને બ્લોક કરી દેવામાં આવશે, જેના કારણે તમે RTOને લગતું કોઈ પણ કામ નહીં કરાવી શકો. જોકે, સરકારે વાહનચાલકોને દંડ સામે વાંધો ઉઠાવવા 45 દિવસનો સમય પણ આપ્યો છે. રાજ્ય સરકારે અપીલ કરી છે કે આવી કડક કાર્યવાહીથી બચવા ટ્રાફિક નિયમોનું પાલન કરો. ચાલો જાણીએ આ નવા કડક નિયમો વિશે વિગતવાર.
વાંધો હોય તો 45 દિવસમાં કરી શકાશે ફરિયાદ
કેન્દ્ર સરકારના માર્ગ પરિવહન અને હાઈવે મંત્રાલયે મોટર વ્હીકલ એક્ટમાં મોટો ફેરફાર કર્યો છે. જો તમને કોઈ ઈ-ચલણ મળ્યું છે અને તમને લાગે છે કે આમાં કોઈ ભૂલ છે અથવા તમારે કોઈ રજૂઆત કરવી છે, તો ચલણ ઈશ્યુ થયાના 45 દિવસની અંદર તમે 'ઈ-ચલણ પોર્ટલ' પર ઓનલાઈન ફરિયાદ દાખલ કરી શકો છો.
દંડ ભરવા માટે કેટલો સમય મળશે?
જો તમે 45 દિવસમાં કોઈ ફરિયાદ નથી કરતા, તો સરકાર એવું માની લેશે કે તમને આ ચલણ મંજૂર છે. ત્યારબાદ ચલણ સ્વીકાર્યાના આગામી 30 દિવસની અંદર તમારે દંડની રકમ ભરી દેવાની રહેશે.
આ પણ વાંચોઃ Traffic Rules: સાવધાન! વર્ષમાં 5 વાર નિયમ તોડ્યો તો ડ્રાઈવિંગ લાયસન્સ થશે રદ; જાણો નવો કાયદો
દંડ નહીં ભરો તો ગાડી થશે બ્લોક
જો તમે નક્કી કરેલા સમયમાં દંડ નહીં ભરો, તો તમારી ગાડીને 'વાહન પોર્ટલ' પર "Not to be transacted" તરીકે માર્ક કરીને બ્લોક કરી દેવામાં આવશે. એકવાર ગાડી બ્લોક થઈ ગઈ, પછી તમે ડ્રાઇવિંગ લાયસન્સની પ્રક્રિયા, RC બુક કે વાહનને લગતી અન્ય કોઈ પણ સરકારી અરજી નહીં કરી શકો. જ્યાં સુધી પૂરો દંડ નહીં ભરાય ત્યાં સુધી RTOને લગતી તમામ વહીવટી પ્રક્રિયાઓ અટકી જશે.
જો તમારી ફરિયાદ રદ થાય તો શું કરવું?
જો તમે ઈ-ચલણ સામે ઓનલાઈન ફરિયાદ કરી છે અને અધિકારી તે ફગાવી દે છે, તો તમારી પાસે 30 દિવસનો સમય રહેશે જેમાં તમારે પૂરો દંડ ભરવો પડશે. જો તમે આ નિર્ણય સામે કોર્ટમાં અપીલ કરવા માંગતા હોવ, તો દંડની 50% રકમ ઈ-ચલણ પોર્ટલ પર ડિપોઝિટ તરીકે જમા કરાવીને અપીલ કરી શકશો.
જો તમે દંડ પણ નથી ભરતા અને કોર્ટમાં પણ નથી જતા, તો ચલણ સ્વીકૃત માની લેવાશે અને 15 દિવસમાં ફરજિયાત રકમ ચૂકવવી પડશે. જો આવું ન કર્યું તો તમારી ગાડી પોર્ટલ પર બ્લોક થઈ જશે.
Before You Go
Gujarat Government: રાજ્યના ખેડૂતો માટે સરકારનો મહત્વનો નિર્ણય
ટોપ સ્ટોરી
ટ્રેન્ડિંગ સમાચાર
