Omicron Cases India: દેશમાં ઓમિક્રોનના કેસમાં ગુજરાત ત્રીજા ક્રમે, જાણો કેટલા રાજ્યોમાં પહોંચ્યો આ ખતરનાક વાયરસ
Omicron Cases India: દેશમાં ઓમિક્રોનના વધી રહેલા કેસના કારણે ચિંતા જોવા મળી રહી છે. દિલ્હી સૌથી વધુ પ્રભાવિત રાજ્ય છે.
Omicron Cases India: દેશમાં ઓમિક્રોનના વધી રહેલા કેસના કારણે ચિંતા જોવા મળી રહી છે. દિલ્હી સૌથી વધુ પ્રભાવિત રાજ્ય છે. દેશમાં ઓમિક્રોનના કેસ 800 નજીક પહોંચી ગયા છે.
દેશમાં ઓમિક્રોનના કેટલા કેસ
સ્વાસ્થ્ય મંત્રાલયના જણાવ્યા મુજબ, દેશમાં 21 રાજ્યો-કેન્દ્ર શાસિત પ્રદેશમાં ઓમિક્રોનના કુલ કેસ 781 પર પહોંચ્યા છે. જેમાંથી 241 લોકો સાજા થઈ ગયા છે. દિલ્હી અને મહારાષ્ટ્રમાં સૌથી વધુ કેસ છે. દિલ્હીમાં 238, મહારાષ્ટ્રમાં 187, ગુજરાતમાં 73,કેરળમાં 65, તેલંગાણામાં 62, તમિલનાડુમાં 34, રાજસ્થાનમાં 46, કર્ણાટકમાં 34, તમિલનાડુમાં 34, હરિયાણામાં 12, પશ્ચિમ બંગાળમાં 11, મધ્યપ્રદેશમાં 9, ઓડિશામાં 8, આંધ્રપ્રદેશમાં 6, ઉત્તરાખંડમાં 4, ચંદીગઢ અને જમ્મુ-કાશ્મીરમાં 3-3, ઉત્તરપ્રદેશમાં 2, ગોવા, હિમાચલ પ્રદેશ, લદ્દાખ અને મણિપુરમાં 1-1 કેસ નોંધાયા છે.
ઓમિક્રોન વેરિઅન્ટ વિશે વાત કરતાં, વ્હાઇટ હાઉસે કહ્યું કે ઓમિક્રોન મોટી સંખ્યામાં બાળકોને સંક્રમિત કરી રહ્યું છે. જેના કારણે મોટી સંખ્યામાં બાળકોને હોસ્પિટલમાં દાખલ કરવા પડે છે. છેલ્લા કેટલાક દિવસોમાં, ન્યૂયોર્કમાં 18 વર્ષથી ઓછી ઉંમરના બાળકોની હોસ્પિટલમાં દાખલ થવાની સંખ્યામાં ચાર ગણો વધારો થયો છે. આ સાથે, યુએસ ડિપાર્ટમેન્ટ ઓફ હેલ્થે જણાવ્યું હતું કે આ દાખલ થયેલા બાળકોમાં 50 ટકાથી વધુ 5 વર્ષથી ઓછી ઉંમરના બાળકો છે જેમને હાલમાં અમેરિકામાં રસી આપવામાં આવી નથી.
ઓમિક્રોન સામે કેવી રીતે બચાવશો તમારી જાતને
- જો તમે રસી મેળવવા માટે લાયક છો, તો શક્ય તેટલી વહેલી તકે રસી મેળવો.
- ભીડવાળી જગ્યાઓથી પોતાને દૂર રાખો.
- જો બહાર જવું ખૂબ જ જરૂરી હોય તો માસ્ક પહેરીને જ બહાર નીકળો.
- જો તમને ચેપના લક્ષણો દેખાય, તો કોરોના ટેસ્ટ કરાવો.
- જો તમને ચેપ વિશે ખબર પડી છે, તો પછી તમારી જાતને અન્ય લોકોથી અલગ કરો.
ટ્રેન્ડિંગ સમાચાર
ટોપ સ્ટોરી
