વન નેશન, વન રાશન કાર્ડ: હવે દેશના કોઈ પણ રાજ્યમાંથી લઈ શકાશે સરકારી રાશન

હાલમાં 12 રાજ્યોમાં આ યોજના લાગુ કરવામાં આવી છે. જૂન સુધી દેશના અન્ય રાજ્યોમાં પણ લાગુ થશે.

નવી દિલ્હી: કેન્દ્ર સરકારે વન નેશન વન રાશન કાર્ડની યોજના 1 જાન્યુઆરી 2020થી લાગુ કરી દીધી છે. આ યોજના અંતર્ગત લાભાર્થી દેશના કોઈ પણ વિસ્તારમાંથી રાશનની દુકાનોમાંથી સબ્સિડીવાળા અનાજ ખરીદી શકશે. હાલમાં 12 રાજ્યોમાં આ યોજના લાગુ થઈ છે. જૂન સુધી દેશના અન્ય રાજ્યોમાં પણ લાગુ થશે. પ્રથમ તબક્કામાં આંધ્રપ્રદેશ, તેલંગાણા, ગુજરાત, મહારાષ્ટ્ર, હરિયાણા, રાજસ્થાન, કર્ણાટક, કેરળ, મધ્યપ્રદેશ, ગોવા, ઝારખંડ અને ત્રિપુરામાં આ યોજના લાગુ કરવામાં આવી છે. કેન્દ્રીય મંત્રી રામવિલાસ પાસવાને ટ્વીટ કરીને તેની જાહેરાત કરી છે. રામવિલાસ પાસવાને કહ્યું કે, “આજે 1 જાન્યુઆરી 2020થી દેશના કુલ 12 રાજ્યો આંધ્રપ્રદેશ, તેલંગાણા, ગુજરાત, મહારાષ્ટ્ર, હરિયાણા, રાજસ્થાન, કર્ણાટક, કેરળ, મધ્યપ્રદેશ, ગોવા, ઝારખંડ અને ત્રિપુરામાં એક રાષ્ટ્ર એક રાશન કાર્ડની સુવિધા શરૂ કરવામાં આવી છે.”

आज 1 जनवरी 2020 से देश के कुल 12 राज्यों आंध्रप्रदेश, तेलंगाना, गुजरात, महाराष्ट्र, हरियाणा, राजस्थान, कर्नाटक, केरल, मध्यप्रदेश, गोवा, झारखंड और त्रिपुरा में *एक राष्ट्र एक राशनकार्ड* की सुविधा की शुरुआत हो गई है। 1/2 #OneNationOneRationCard

— Ram Vilas Paswan (@irvpaswan) January 1, 2020

આ યોજનાથી તે લોકોને સૌથી વધારે ફાયદો મળશે જે બીજા રાજ્યોમાં નોકરી માટે જાય છે અને મજૂરી માટે એક રાજ્યમાંથી બીજા રાજ્યમાં સ્થળાંતર કરે છે.