Pakistan: પાકિસ્તાનના નવા આર્મી ચીફ અસીમ મુનીરે ભારત વિરુદ્ધ ઝેર ઓક્યું ઝેર, જાણો શું કહ્યું

Pakistan General Asim Munir: પાકિસ્તાનના નવ નિયુક્ત આર્મી ચીફ (COAS) જનરલ અસીમ મુનીરે ભારત વિરુદ્ધ ઝેર ઓક્યું છે. શનિવાર (3 ડિસેમ્બર) ના રોજ એક ઉશ્કેરણીજનક નિવેદન આપ્યું છે.

પાકિસ્તાનના નવા આર્મી ચીફ અસીમ મુનીર

Pakistan General Asim Munir: પાકિસ્તાનના નવ નિયુક્ત આર્મી ચીફ (COAS) જનરલ અસીમ મુનીરે ભારત વિરુદ્ધ ઝેર ઓક્યું છે. શનિવાર (3 ડિસેમ્બર) ના રોજ એક ઉશ્કેરણીજનક નિવેદન આપતા, જનરલ અસીમ મુનીરે કહ્યું કે ભારત તેની નાપાક યોજનાઓમાં ક્યારેય સફળ થશે નહીં અને કોઈપણ દુ:સાહસનો યોગ્ય જવાબ આપવામાં આવશે. પાકિસ્તાની સેનાની મીડિયા વિંગ અનુસાર, સેના પ્રમુખે શનિવારે નિયંત્રણ રેખા (એલઓસી) ના રખચિકરી સેક્ટરમાં સરહદી વિસ્તારોની મુલાકાત લીધી અને સૈનિકો સાથે વાતચીત દરમિયાન આ ટિપ્પણી કરી.

જનરલ અસીમ મુનીરને એલઓસી પરની નવીનતમ સ્થિતિ વિશે માહિતી આપવામાં આવી હતી. અધિકારીઓ અને સૈનિકો સાથે વાર્તાલાપ કરતા આર્મી ચીફે પડકારજનક પરિસ્થિતિઓમાં તેમની ફરજો નિભાવવા બદલ સૈનિકોની પ્રશંસા કરી

પાકિસ્તાનના નવા આર્મી ચીફે શું કહ્યું?

જનરલ આસીમે કહ્યું કે તેમણે તાજેતરમાં ગિલગિટ, બાલ્ટિસ્તાન અને આઝાદ જમ્મુ-કાશ્મીર પર ભારતીય નેતૃત્વના બેજવાબદાર નિવેદનોની નોંધ લીધી છે. COASએ કહ્યું કે હું સ્પષ્ટ કરી દઉં કે પાકિસ્તાનની સશસ્ત્ર દળો માત્ર આપણી માતૃભૂમિની દરેક ઈંચની રક્ષા કરવા માટે જ નહીં પરંતુ દુશ્મનો સાથે કોઈપણ યુદ્ધ લડવા માટે પણ તૈયાર છે.

કમર જાવેદ બાજવાની જગ્યા લીધી

તેમણે કહ્યું કે ભારત તેની નાપાક યોજનાઓને ક્યારેય પૂર્ણ કરી શકશે નહીં. વિશ્વએ ન્યાય સુનિશ્ચિત કરવો જોઈએ અને યુએનના ઠરાવ મુજબ કાશ્મીરી લોકોને આપેલા વચનને પૂર્ણ કરવું જોઈએ. આ પહેલા આર્મી ચીફનું તેમના આગમન પર કોર્પ્સ કમાન્ડર રાવલપિંડી લેફ્ટનન્ટ જનરલ શાહિદ ઈમ્તિયાઝે સ્વાગત કર્યું હતું. આઈએસઆઈના ભૂતપૂર્વ વડા જનરલ અસીમ મુનીરે જનરલ કમર જાવેદ બાજવાનું સ્થાન લીધું છે. જેઓ પાકિસ્તાનના આર્મી ચીફ તરીકે સેવા આપ્યા બાદ 29 નવેમ્બરે નિવૃત્ત થયા હતા.

મલાડમાં બહુમાળી ઈમારતમાં લાગી ભીષણ આગ

મુંબઈના મલાડ વિસ્તારમાંથી મોટા સમાચાર સામે આવ્યા છે. અહીં સ્થિત એક બહુમાળી ઈમારતમાં ભીષણ આગ લાગી હોવાનું જાણવા મળ્યું છે. આગ બિલ્ડિંગના ત્રીજા માળે લાગી છે. મહારાષ્ટ્રની રાજધાની મુંબઈના મલાડ વિસ્તારના જનકલ્યાણ નગર વિસ્તારમાં આવેલી એક ઈમારતમાં આજે આગ ફાટી નીકળી હતી. ઘટનાની જાણ થતાં જ ફાયરની પાંચ ગાડીઓ ઘટનાસ્થળે પહોંચી ગઈ હતી. આગ મિનિટોમાં કાબુમાં આવી હતી.

અધિકારીઓએ જણાવ્યું કે આગની ઘટના શનિવારે સવારે 11 વાગ્યાની આસપાસ બની હતી. મુંબઈના ઉપનગર મલાડમાં 22 માળની ઈમારતમાં બનેલી આ ઘટનામાં કોઈ જાનહાનિ થઈ નથી. જનકલ્યાણનગરમાં મરિના એન્ક્લેવના ત્રીજા માળે આવેલા ફ્લેટમાં આગ લાગી હતી. થોડી જ વારમાં આ ફ્લોરમાંથી જ્વાળાઓ નીકળવા લાગી. સ્થાનિક અધિકારીઓએ જણાવ્યું કે ફાયર ટેન્ડર ઘટનાસ્થળે પહોંચી ગયા અને માત્ર 15 મિનિટમાં આગ પર કાબૂ મેળવી લીધો. આગના કારણની તપાસ કરવામાં આવી રહી છે. આ પછી જ વિગતવાર વર્ણન આપવામાં આવશે