Parliament Winter Session: આ તારીખથી શરુ થશે સંસદનું શિયાળુ સત્ર, કેંદ્રીય મંત્રીએ આપી જાણકારી
18મી લોકસભાનું શિયાળુ સત્ર 25 નવેમ્બરથી શરૂ થશે અને 20 ડિસેમ્બર સુધી ચાલશે. 26 નવેમ્બરના રોજ બંધારણ દિવસે એક સંયુક્ત સત્ર હશે.
Parliament Winter Session: 18મી લોકસભાનું શિયાળુ સત્ર 25 નવેમ્બરથી શરૂ થશે અને 20 ડિસેમ્બર સુધી ચાલશે. 26 નવેમ્બરના રોજ બંધારણ દિવસે એક સંયુક્ત સત્ર હશે. આ સત્ર જૂની સંસદના સેન્ટ્રલ હોલમાં યોજાશે. બંધારણની 75મી વર્ષગાંઠ પ્રસંગે બંધારણ દિવસ કાર્યક્રમનું આયોજન કરવામાં આવશે.
Hon’ble President, on the recommendation of Government of India, has approved the proposal for summoning of both the Houses of Parliament for the Winter Session, 2024 from 25th November to 20th December, 2024 (subject to exigencies of parliamentary business). On 26th November,… pic.twitter.com/dV69uyvle6
— Kiren Rijiju (@KirenRijiju) November 5, 2024
સંસદીય બાબતોના મંત્રી કિરેન રિજીજુએ એક્સ પર પોસ્ટ કરી કે "સંસદનું શિયાળુ સત્ર 25 નવેમ્બરથી શરૂ થઈ રહ્યું છે અને 20 ડિસેમ્બર 2024 સુધી ચાલશે. તેમણે લખ્યું, "માનનીય રાષ્ટ્રપતિએ 25 નવેમ્બરથી 20 ડિસેમ્બર 2024 સુધી ભારત સરકારની ભલામણ પર શિયાળુ સત્ર 2024 માટે સંસદના બંને ગૃહોને બોલાવવાની દરખાસ્તને મંજૂરી આપી છે. 26 નવેમ્બર, 2024 (સંવિધાન દિવસ)ના બંધારણને અપનાવવાની 75 મી વર્ષગાંઠ પર સદનના સેન્ટ્રલ હોલમાં કાર્યક્રમની ઉજવણી કરાશે. "
શિયાળુ સત્ર દરમિયાન ભારે હોબાળો થવાની સંભાવના
શિયાળુ સત્ર દરમિયાન વન નેશન-વન ઈલેક્શન અને વકફ બિલ પર ભારે હોબાળો થવાની સંભાવના છે. કેબિનેટ વન નેશન-વન ઈલેક્શન અંગેના અહેવાલને મંજૂરી આપ્યા બાદ શિયાળુ સત્રમાં બિલ રજૂ કરવામાં આવશે. તમને જણાવી દઈએ કે વિપક્ષી પાર્ટીઓ વન નેશન-વન ઈલેક્શનનો વિરોધ કરી રહી છે અને દેશમાં એક સાથે ચૂંટણીના પક્ષમાં નથી.
વકફ બિલ પર બનેલી JPC સંસદના શિયાળુ સત્રમાં પોતાનો રિપોર્ટ રજૂ કરી શકે છે. આ અંગે પણ હોબાળો થવાની શક્યતાઓ છે. તમને જણાવી દઈએ કે તાજેતરમાં જ વકફ (સુધારા) બિલ 2024 પર બોલતા ગૃહમંત્રી અમિત શાહે કહ્યું હતું કે આ બિલ સંસદના શિયાળુ સત્ર દરમિયાન પસાર કરવામાં આવશે.
સંસદનું શિયાળુ સત્ર 25 નવેમ્બરથી શરૂ થશે. 20મી ડિસેમ્બર સુધી ચાલશે. આ દરમિયાન ઘણા મહત્વપૂર્ણ બિલો પર ચર્ચા થશે. કેબિનેટે વન નેશન-વન ઈલેક્શન અંગેના અહેવાલને મંજૂરી આપ્યા બાદ શિયાળુ સત્રમાં બિલ રજૂ કરશે.
‘ભારત નબળું નહીં પડે...’, કેનેડામાં હિન્દુ મંદિર પર થયેલા હુમલા પર PM મોદીએ કહી મોટી વાત
ટોપ સ્ટોરી
ટ્રેન્ડિંગ સમાચાર
