મહાબલીપુરમના બીચ પર PM મોદીનું સ્વચ્છતા અભિયાન, ખુદ કચરો ઉઠાવ્યો, જુઓ Video

પીએમે ખુદ તેનો વીડિયો ટ્વીટ કરીને સાફ સફાઈનો મેસેજ આપ્યો.

નવી દિલ્હીઃ પીએમ મોદીએ શનિવારે સવારે મહાબલીપુરમના દરિયા કિનારે સ્વચ્છતા અભિયાન ચલાવ્યું અને લોકોને સાફ સફાઈ પ્રત્યે જાગરૂકતા રહેવા સંદેશ આપ્યો. પીએમ મોદીએ કહ્યું કે, સ્વચ્છતાથી જ આપણે સ્વચ્છ અને ફિટ રહીશું. પીએમ હાલમાં તમિલનાડુના મહાબલીપુરમમાં છે જ્યાં ચીનના રાષ્ટ્રપતિ શી જિનપિંગની સાથે તેમની બેઠક આયોજિત છે. પીએમે ખુદ તેનો વીડિયો ટ્વીટ કરીને સાફ સફાઈનો મેસેજ આપ્યો. વીડિયોમાં મોદી બીચ પર ફેલાયેલા કચરાને ઉઠાવીને એકઠો કરતા દેખાઇ રહ્યા છે.

Plogging at a beach in Mamallapuram this morning. It lasted for over 30 minutes. Also handed over my ‘collection’ to Jeyaraj, who is a part of the hotel staff. Let us ensure our public places are clean and tidy! Let us also ensure we remain fit and healthy. pic.twitter.com/qBHLTxtM9y

— Narendra Modi (@narendramodi) October 12, 2019

વીડિયોની સાથે મોદીએ લખ્યું કે આજે સવારે મમલ્લાપુરમના બીચ પર સાફ-સફાઇ કરી. આ કામ અંદાજે અડધો કલાક કર્યું. મેં એકત્ર કરેલો કચરો જયરાજને આપ્યો, જે હોટલ સ્ટાફનો હિસ્સો છે. મોદીએ આગળ લખ્યું કે ચાલો એ પાક્કું કરીએ કે આપણા જાહેર સ્થળ ચોખ્ખા રહેશે. એ પાક્કું કરે છે કે આપણે ફિટ અને સ્વસ્થ રહીશું. નોંધનીય છે કે, મોદી ચીનના રાષ્ટ્રપતિ શી જિનપિંગને મળવા માટે તમિલનાડુ ગયા ચે. બન્ને વચ્ચે શુક્રવારે રાત્રે મીટિંગ યોજાઈ હતી. ડિનર પર અંદાજે અઢી કલાક સુધી ચર્ચા કરી હતી. આ મીટિંગમાં આતંકવાદ, વ્યાપારિક સંતુલન પર વાત થઇ હતી. આજે ચીનના રાષ્ટ્રપતિ શી જિનપિંગની મુલાકાતનો બીજો દિવસ છે.