PM મોદીએ ટ્રમ્પનું આમંત્રણ શા માટે નકાર્યું? ઓડિશામાં ખુદ PMએ રહસ્ય ખોલ્યું, 'જગન્નાથ ભૂમિ' અને લોકો….

ઓડિશામાં ભાજપ સરકારના એક વર્ષની ઉજવણીમાં PMનું સંબોધન; સુશાસન અને જાહેર વિશ્વાસને પ્રાધાન્ય આપ્યું.

પીએમ મોદીએ ટ્રમ્પનું અમેરિકા પ્રવાસનું આમંત્રણ કેમ નકાર્યું?

Source : Twitter

Modi rejects Trump invitation: વડા પ્રધાન નરેન્દ્ર મોદીએ ઓડિશાની રાજધાની ભુવનેશ્વરમાં આયોજિત એક વિશાળ જાહેર સભાને સંબોધિત કરતી વખતે એક એવું નિવેદન આપ્યું છે જે લોકોના હૃદયને સ્પર્શી ગયું છે. તેમણે ખુલાસો કર્યો કે તેમણે અમેરિકાના રાષ્ટ્રપતિ ડોનાલ્ડ ટ્રમ્પના અમેરિકા આવવાના આમંત્રણને કેમ નમ્રતાપૂર્વક નકારી કાઢ્યું હતું. PM મોદીએ જણાવ્યું કે તેઓ આ પવિત્ર પ્રસંગે ભગવાન જગન્નાથની ભૂમિ અને ઓડિશાના લોકો સાથે રહેવા માંગતા હતા.

ભગવાન જગન્નાથની ભૂમિને પ્રાધાન્ય

વડા પ્રધાને સ્પષ્ટ શબ્દોમાં કહ્યું, "મેં રાષ્ટ્રપતિ ડોનાલ્ડ ટ્રમ્પના અમેરિકા આવવાના આમંત્રણને નમ્રતાપૂર્વક નકારી કાઢ્યું. મેં તેના બદલે ભગવાન જગન્નાથની પવિત્ર ભૂમિ પર આવવાનું અને ઓડિશાના લોકો સાથે આ ઐતિહાસિક દિવસની ઉજવણી કરવાનું નક્કી કર્યું." આ નિવેદન સાંભળીને, સભામાં હાજર હજારો લોકોએ તાળીઓના ગડગડાટ સાથે તેમનું સ્વાગત કર્યું, જે દર્શાવે છે કે આ નિર્ણયે લોકોના મનમાં ઊંડી અસર કરી છે.

ઓડિશામાં ભાજપ સરકારના એક વર્ષની ઉજવણી

વડા પ્રધાનની આ મુલાકાત ઓડિશામાં પ્રથમ ભાજપ સરકારના એક વર્ષ પૂર્ણ થવાના પ્રસંગે આયોજિત કરવામાં આવી હતી. તેમણે મુખ્યમંત્રી મોહન માંઝીના નેતૃત્વની ભરપૂર પ્રશંસા કરી અને આ વર્ષને "સુશાસન અને જાહેર વિશ્વાસનો ઉત્સવ" ગણાવ્યું. PM મોદીએ વધુમાં કહ્યું, "આ એક વર્ષ ફક્ત એક સીમાચિહ્નરૂપ નથી, પરંતુ જાહેર સેવા પ્રત્યેની પ્રતિબદ્ધતાનો પુરાવો છે. હું ઓડિશાના લોકો અને મુખ્યમંત્રી મોહન માંઝીની સમગ્ર ટીમને અભિનંદન આપું છું."

આ પ્રસંગે, વડા પ્રધાન મોદીએ જગન્નાથ મંદિરની મુલાકાત પણ લીધી અને રાજ્ય તેમજ કેન્દ્ર સરકારની વિવિધ યોજનાઓના લાભાર્થીઓ સાથે સીધી વાતચીત કરી. તેમણે ઓડિશાના સમૃદ્ધ સાંસ્કૃતિક વારસા અને આધ્યાત્મિક ચેતનાને ભારતીયતાનો આત્મા ગણાવ્યો.

ટ્રમ્પના આમંત્રણ અને રાજકીય હલચલ

PM મોદીનું આ નિવેદન એવા સમયે આવ્યું છે જ્યારે યુએસ રાષ્ટ્રપતિ ચૂંટણી પ્રચાર પહેલાં અગ્રણી વૈશ્વિક નેતાઓને આમંત્રણ આપવાના ટ્રમ્પના પ્રયાસો અંગે અટકળો ચાલી રહી છે. આવી સ્થિતિમાં, વડા પ્રધાને ઓડિશાને પ્રાધાન્ય આપવાના નિર્ણયને એક મહત્વપૂર્ણ રાજકીય અને સાંસ્કૃતિક સંદેશ તરીકે જોવામાં આવી રહ્યો છે. આ નિર્ણય દર્શાવે છે કે PM મોદી માટે દેશના લોકો અને તેની સંસ્કૃતિનું મહત્વ આંતરરાષ્ટ્રીય રાજકારણ કરતાં પણ વધુ છે.