Viral Video: કુંભમાં જતા પહેલા જ મળ્યો પ્રસાદ! ટ્રેનના કાચ તોડનાર વ્યક્તિને પોલીસે ધોઈ નાંખ્યો, વીડિયો થયો વાયરલ
ભીડથી ત્રસ્ત મુસાફર ગુસ્સે થયો, પોલીસે સ્થળ પર જ સબક શીખવાડ્યો, લોકોએ પોલીસ કાર્યવાહીને વધાવી.
Prayagraj train vandalism: મહાકુંભના મેળામાં ભીડ અને અરાજકતાના માહોલ વચ્ચે ટ્રેનોમાં જગ્યા ન મળતા મુસાફરોનો ગુસ્સો ફાટી નીકળ્યો છે. તાજેતરમાં સોશિયલ મીડિયા પર અનેક એવા વીડિયો વાયરલ થયા હતા, જેમાં લોકો ટ્રેનના કાચ અને બારીઓ તોડતા જોવા મળ્યા હતા. હવે આવા તોફાની તત્વો સામે પોલીસ કડક કાર્યવાહી કરતી જોવા મળી રહી છે. એક વાયરલ વીડિયોમાં પોલીસે ટ્રેનના કાચ તોડવાનો પ્રયાસ કરતા એક યુવકને રંગે હાથે પકડીને સબક શીખવાડ્યો હતો, જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
મહાકુંભને લઈને સરકાર દ્વારા સુરક્ષા અને વ્યવસ્થાના મોટા દાવાઓ કરવામાં આવ્યા હોવા છતાં, છેલ્લા કેટલાક દિવસોથી સ્થિતિ નિયંત્રણ બહાર જણાઈ રહી છે. પ્રયાગરાજમાં નાસભાગની ઘટના બાદ, નવી દિલ્હી રેલ્વે સ્ટેશન પર પણ ભીડ બેકાબૂ બની હતી, જેના કારણે ફરીથી દુર્ઘટના સર્જાઈ હોવાના અહેવાલો મળ્યા હતા. આ પરિસ્થિતિમાં લોકો સોશિયલ મીડિયા પર સરકાર અને વહીવટી તંત્ર સામે અનેક સવાલો ઉઠાવી રહ્યા છે. ટ્રેનોમાં ભીડ અને અવ્યવસ્થાના વીડિયો સોશિયલ મીડિયા પર વાયરલ થઈ રહ્યા છે, જેણે લોકોમાં ચિંતા વધારી છે.
આવા વાતાવરણ વચ્ચે, એક ચોંકાવનારો વીડિયો સામે આવ્યો છે. રેલવે સ્ટેશન પર એક યુવક ટ્રેનમાં સીટ ન મળવાથી ગુસ્સે થઈને ટ્રેનના કાચ પર ટકોરા મારવા લાગ્યો હતો. તે સમયે જ ત્યાં હાજર પોલીસે યુવકને રંગે હાથે પકડી લીધો હતો અને જાહેરમાં જ તેને માર મારવાનું શરૂ કરી દીધું હતું. વાયરલ વીડિયોમાં સ્પષ્ટપણે જોઈ શકાય છે કે પોલીસ એક અધિકારી યુવકને કોલરથી પકડીને લઈ જઈ રહ્યો છે અને તેને સખત માર મારી રહ્યો છે.
Pakda gya 🐒 (Police Caught a guy who was trying to break the Door of train) pic.twitter.com/NPGHMUXxc6
— Ghar Ke Kalesh (@gharkekalesh) February 16, 2025
ઘણા સમયથી સોશિયલ મીડિયા પર વાયરલ થઈ રહેલા વીડિયોમાં લોકો પોલીસની ગેરહાજરી અંગે સવાલ ઉઠાવી રહ્યા હતા. લોકોમાં રોષ હતો કે રેલવે પોલીસ અને વહીવટીતંત્ર આવી તોડફોડ અને અરાજકતાને કેમ રોકી રહ્યા નથી. જો કે, પોલીસ કાર્યવાહીનો આ વીડિયો સામે આવ્યા બાદ લોકોને રાહત થઈ છે અને પોલીસના વખાણ થઈ રહ્યા છે. સોશિયલ મીડિયા યુઝર્સ પોલીસ કાર્યવાહીને યોગ્ય ઠેરવી રહ્યા છે. એક યુઝરે લખ્યું કે, “આવા તોફાની તત્વો સાથે આવું જ થવું જોઈએ.” અન્ય એક યુઝરે કટાક્ષમાં કહ્યું, “મને લાગ્યું કે તે હીરો બનશે, પરંતુ પોલીસે તેને વિલન બનાવી દીધો.” કેટલાક યુઝર્સે તો પોલીસને વિનંતી કરી કે પોલીસ સ્ટેશનમાં યુવકની વધુ ‘સંભાળ’ લેવામાં આવે અને તેના વીડિયો પણ પોસ્ટ કરવામાં આવે.
આ ઘટના દર્શાવે છે કે ભીડ અને અરાજકતાને નિયંત્રિત કરવા માટે ક્યારેક કડક પગલાં લેવા જરૂરી બની જાય છે. પોલીસની આ કાર્યવાહીથી ટ્રેનમાં તોડફોડ કરનારા અન્ય લોકોને પણ કડક સંદેશો મળશે અને કુંભ મેળામાં વ્યવસ્થા જાળવવામાં મદદ મળશે તેવી આશા લોકો વ્યક્ત કરી રહ્યા છે.
આ પણ વાંચો....
ટોપ સ્ટોરી
ટ્રેન્ડિંગ સમાચાર
