જમ્મુ-કાશ્મીર પુન:ગઠન બિલને રાષ્ટ્રપતિ રામનાથ કોવિંદે આપી મંજૂરી

મોદી સરકારના બીજા કાર્યકાળના પ્રથમ સત્રમાં સંસદનાં બન્ને ગૃહમાં આ સંબંધિત બિલ પસાર કરવામાં આવ્યું હતું. જે અંતર્ગત જમ્મુ-કાશ્મીર રાજ્યનાં બે ભાગમાં વહેંચી દેવામાં આવ્યું છે.

નવી દિલ્હી: જમ્મુ-કાશ્મીર પુન:ગઠન બિલ-2019ને રાષ્ટ્રપતિ રામનાથ કોવિંદે મંજૂરી આપી છે. આ પહેલા આ બિલને રાજ્યસભા અને લોકસભામાં પાસ કરવામાં આવ્યું હતું. રાષ્ટ્રપતિની મંજૂરી બાદ હવે જમ્મુ-કાશ્મીર બે ભાગમાં વહેંચાઇ ગયું છે. જમ્મુ-કાશ્મીર અને લદ્દાખ બે નવા કેન્દ્રશાસિત પ્રદેશ બની ગયા છે. ઉલ્લખનીય છે કે, મોદી સરકારના બીજા કાર્યકાળના પ્રથમ સત્રમાં સંસદનાં બન્ને ગૃહમાં આ સંબંધિત બિલ પસાર કરવામાં આવ્યું હતું. જે અંતર્ગત જમ્મુ-કાશ્મીર રાજ્યનાં બે ભાગમાં વહેંચી દેવામાં આવ્યું છે. જમ્મુ-કાશ્મીરને વિધાનસભાની સાથે કેન્દ્ર શાસિત પ્રદેશ અને લદ્દાખમાં વિધાનસભા વગર કેન્દ્રશાસિત પ્રદેશ બનાવવામાં આવ્યું છે.

President Ram Nath Kovind gives his assent to The Jammu and Kashmir Reorganisation Act, 2019. pic.twitter.com/rbjgyLukVT

— ANI (@ANI) August 9, 2019

વિપક્ષી પાર્ટીઓએ ભારે વિરોધની વચ્ચે મંગળવારે લાંબી ચર્ચા આ બિલને સંસદમાં પસાર કરવામાં આવ્યું હતું. તેનાં એક દિવસ પહેલા જ આ બિલને રાજ્યસભામાં પાસ કરવામાં આવ્યું હતું. નરેન્દ્ર મોદી સરકારે જમ્મુ-કાશ્મીરમાંથી કલમ 370 સમાપ્ત કરીને ઐતિહાસિક પગલું ભર્યુ છે.