Prophet Muhammad Row: વિવાદિત નિવેદનને લઈ નૂપુર શર્માને મુંબઈ પોલીસે પાઠવ્યું સમન્સ, 25 જૂને થવું પડશે હાજર
ભાજપના પૂર્વ પ્રવક્તા નૂપુર શર્માને મુંબઈ પોલીસે સમન્સ પાઠવ્યું છે. નુપુર શર્માને પૂછપરછ માટે પાયધુની પોલીસ સ્ટેશનમાં હાજર રહેવા કહેવામાં આવ્યું છે.
Prophet Muhammad Row: ભાજપના પૂર્વ પ્રવક્તા નૂપુર શર્માને મુંબઈ પોલીસે સમન્સ પાઠવ્યું છે. નુપુર શર્માને પૂછપરછ માટે પાયધુની પોલીસ સ્ટેશનમાં હાજર રહેવા કહેવામાં આવ્યું છે. રઝા એકેડમીની ફરિયાદ પર પાયધુની પોલીસે નૂપુર શર્મા વિરુદ્ધ કેસ નોંધ્યો હતો. નૂપુર શર્માને 25 જૂને પાયધુની પોલીસ સ્ટેશનમાં પોતાનું નિવેદન નોંધવા માટે કહેવામાં આવ્યું છે.
જણાવી દઈએ કે નૂપુર શર્માના પયગંબર મોહમ્મદ પરના વિવાદિત નિવેદનને લઈને સતત રાજકીય હંગામો ચાલી રહ્યો છે. શુક્રવારની નમાજ પછી, મોટી સંખ્યામાં લોકોએ દિલ્હીની જામા મસ્જિદની બહાર પોસ્ટરો અને બેનરો લઈને વિરોધ કર્યો અને સૂત્રોચ્ચાર કર્યા. બીજી તરફ, ઉત્તર પ્રદેશના પ્રયાગરાજથી સહારનપુર સુધી શુક્રવારની નમાજ બાદ લોકોએ ઉગ્ર વિરોધ કર્યો અને સસ્પેન્ડેડ બીજેપી નેતા નુપુર શર્મા નવીન જિંદાલની ધરપકડની માંગ કરી.
આ મામલામાં પોલીસે યુપીના છ જિલ્લામાંથી રાત્રે 10.45 વાગ્યા સુધી 136 પ્રદર્શનકારોની ધરપકડ કરી છે. બિજનૌરમાં સાંપ્રદાયિક સૌહાર્દ ભંગ કરવા બદલ પોલીસે ચાર લોકોની ધરપકડ કરી છે.
કેટલાક લોકોએ રાંચીમાં પયગંબર મોહમ્મદ વિરુદ્ધ કથિત વાંધાજનક ટિપ્પણી બદલ સસ્પેન્ડ કરાયેલા બીજેપી નેતા નુપુર શર્માની ધરપકડની માંગ સાથે હંગામો અને પથ્થરમારો કર્યો હતો, ત્યારબાદ પોલીસે ભીડને વિખેરવા બળનો ઉપયોગ કરવો પડ્યો હતો અને હિંસાને પગલે વહીવટીતંત્રે પ્રતિબંધિત આદેશો આપ્યા હતા. મોડી સાંજે શહેરના કેટલાક વિસ્તારોમાં પ્રતિબંધ લાદવામાં આવ્યો હતો. દરમિયાન, પશ્ચિમ બંગાળ સરકારે શનિવારે હાવડામાં હિંસા બાદ ખોટી માહિતીના ફેલાવાને રોકવા માટે મુર્શિદાબાદ જિલ્લાના કેટલાક ભાગોમાં 14 જૂન સુધી ઇન્ટરનેટ સેવાઓ સ્થગિત કરી દીધી હતી, જ્યાં આવા નિયંત્રણો પહેલેથી જ છે.
પ્રદર્શન દરમિયાન પશ્ચિમ બંગાળમાં હિંસા
આ સિવાય હાવડાથી ચાલતી ઘણી ટ્રેનો પણ શનિવાર માટે રદ કરવામાં આવી છે. દેખાવકારોએ પંચલા અને ધુલાગઢમાં રસ્તાઓ પર ટાયર સળગાવ્યા હતા, જ્યારે ઉલુબેરિયામાં એક પોલીસ મથકને સળગાવી દેવામાં આવ્યું હતું. તે જ સમયે, પ્રદર્શનકારીઓનું કહેવું છે કે, તેમની ધાર્મિક લાગણીઓને ઠેસ પહોંચાડતી ટિપ્પણી માટે ભાજપના ભૂતપૂર્વ નેતાઓની તાત્કાલિક ધરપકડ થવી જોઈએ. વિરોધને જોતા, પશ્ચિમ બંગાળના હાવડા જિલ્લામાં ઈન્ટરનેટ સેવાઓ 13 જૂને સવારે 6 વાગ્યા સુધી સ્થગિત કરવામાં આવી હતી. તે જ સમયે, મુર્શિદાબાદના બેલડાંગામાં ઇન્ટરનેટ સેવાઓ બંધ કરી દેવામાં આવી છે.
ટ્રેન્ડિંગ સમાચાર
ટોપ સ્ટોરી
