પુલવામાં આતંકી હુમલો: CRPFનો હુંકાર કહ્યું, ન ભૂલીશું, ન છોડીશું, બદલો લેશું

નવી દિલ્હી: જમ્મુ-કાશ્મીરના પુલવામામાં CRPFના જવાનો પર થયેલા આતંકી હુમલાથી સમગ્ર દેશ ગુસ્સામાં છે. દરેક વ્યક્તિ આતંકી હુમલાનો બદલો લેવાની વાત કરી રહ્યું છે. CRPFના ટ્વિટર એકાઉન્ટથી એક ટ્વીટ પણ કરવામાં આવ્યું હતું. સીઆરપીએફએ તેમની ટ્વીટમાં કહ્યું કે, તેઓ આ હુમલાનો બદલો ચોક્કસથી લેશે. સીઆરપીએફ તરફથી ટ્વીટ કરવામાં આવ્યું છે કે, અમે ભૂલીશુ નહીં, અમે છોડીશું નહીં. પુલવામા હુમલામાં શહીદ થયેલા જવાનોને અમે સલામ કરીએ છીએ. અમે તેમના પરિવારની સાથે ઉભા છીએ. આ જીવલેણ હુમલાનો બદલો ચોક્કસથી લેવામાં આવશે.

WE WILL NOT FORGET, WE WILL NOT FORGIVE:We salute our martyrs of Pulwama attack and stand with the families of our martyr brothers. This heinous attack will be avenged. pic.twitter.com/jRqKCcW7u8

— 🇮🇳CRPF🇮🇳 (@crpfindia) 15 February 2019

ઉલ્લેખનીય છે કે ગુરૂવારે IED વિસ્ફોટથી સીઆરપીએફની એક બસને નિશાન બનાવવામાં આવી હતી. આ હુમલામાં સીઆરપીએફના 40 કરતા વધારે જવાન શહીદ થયા હતા. પુલવામાના અવંતીપોરા વિસ્તારમાં સીઆરપીએફના કાફલા પર આતંકીઓએ હુમલો કર્યો હતો અને ફાયરિંગ કર્યું હતું.