Kolkata Doctor Murder case: દોષિત સંજય રોયને આજીવન કેદની સજા, સિયાલદહ કોર્ટે આપ્યો ચુકાદો
કોલકાતા રેપ મર્ડર કેસમાં દોષિત સંજય રોયને સિયાલદહ કોર્ટે આજીવન કેદની સજા સંભળાવી છે. આ સાથે કોર્ટે 50 હજાર રૂપિયાનો દંડ પણ ફટકાર્યો છે. આરજી કાર હોસ્પિટલમાં બનેલી આ ઘટનાના લગભગ 162 દિવસ બાદ કોર્ટે 18 જાન્યુઆરી શનિવારના રોજ પોતાનો ચુકાદો આપ્યો અને સંજય રોયને દોષિત જાહેર કર્યો.
કોલકાતા રેપ મર્ડર કેસમાં દોષિત સંજય રોયને સિયાલદહ કોર્ટે આજીવન કેદની સજા સંભળાવી છે. આ સાથે કોર્ટે 50 હજાર રૂપિયાનો દંડ પણ ફટકાર્યો છે. કોર્ટે કહ્યું કે આ મામૂલી ગુનો નથી પરંતુ કોર્ટે તેને રેરેસ્ટ ઓફ ધ રેર નથી ગણાવ્યો. શનિવારે કોર્ટે સંજયને દોષિત જાહેર કર્યો હતો. સજાની જાહેરાત પહેલા સુનાવણી દરમિયાન સંજય ન્યાયાધીશની સામે દલીલ કરી રહ્યો હતો. તેણે જજની સામે કહ્યું કે તે દોષિત નથી. મને ફસાવવામાં આવી રહ્યો છે. મેં કોઈ ગુનો કર્યો નથી. સીબીઆઈએ કોર્ટમાં સંજય રોયને ફાંસી આપવાની માંગ કરી છે.
મને ફસાવવામાં આવ્યો… સંજય રોયે ન્યાયાધીશની સામે આજીજી કરી
સજાની જાહેરાત પહેલા જ્યારે દોષિત સંજય રોયને કોર્ટમાં રજૂ કરવામાં આવ્યો ત્યારે જજે તેને કહ્યું કે તે દોષિત છે. સજા પર તમારે કંઈ કહેવું છે? તેના પર સંજય રોયે કહ્યું કે હું દોષિત નથી. મને ફસાવી દેવામાં આવ્યો છે. ઘણું બધું બરબાદ થઈ ગયું છે. મેં કોઈ ગુનો કર્યો નથી. મારા પર દોષ સ્વીકારવા માટે દબાણ કરવામાં આવી રહ્યું છે. મેં રૂદ્રાક્ષની માળા પહેરી હતી. જો મેં આ કર્યું હોત તો મારી રુદ્રાક્ષની માળા ફૂટી ગઈ હોત.
જો કડક સજા નહીં થાય તો સમાજનો વિશ્વાસ ઉઠી જશે - CBI
સંજયે કહ્યું કે, તેને એ ગુનાની સજા મળી રહી છે જે તેણે કર્યો નથી. તે જ સમયે, સીબીઆઈએ કહ્યું કે સંજયનો ગુનો રેરેસ્ટ ઓફ ધ રેર છે. જો કડક સજા નહીં થાય તો સમાજનો વિશ્વાસ ઉઠી જશે. કોર્ટે કહ્યું કે આ મામૂલી ગુનો નથી. મહિલા ડોક્ટરની ઘાતકી હત્યા કરવામાં આવી હતી.
સીબીઆઈના વકીલે આ દલીલ કરી હતી
સુનાવણી દરમિયાન સીબીઆઈના વકીલે કહ્યું કે અમે પુરાવા રજૂ કર્યા છે. અમે કાયદા મુજબ કામ કર્યું છે. તેણે આગળ કહ્યું, "પીડિતા 36 કલાક ડ્યૂટી પર હતી, કાર્યસ્થળ પર તેની સાથે દુષ્કર્મ અને હત્યા કરવામાં આવી હતી. તે તેજસ્વી વિદ્યાર્થી હતી. પીડિતાના પરિવારના વકીલે કહ્યું, "પુરાવા તે રાત્રે બનેલી ઘટના વિશે બધું સ્પષ્ટ કરે છે." અનેક દલીલો બાદ પણ આરોપીની નિર્દોષતા સાબિત થઈ શકી નથી.
સેમિનાર હોલમાંથી લાશ મળી આવી હતી
તમને જણાવી દઈએ કે ગયા વર્ષે 9 ઓગસ્ટના રોજ સવારે આરજી કાર મેડિકલ કોલેજ અને હોસ્પિટલના પરિસરના સેમિનાર હોલમાંથી એક તાલીમાર્થી મહિલા ડૉક્ટરનો મૃતદેહ મળી આવ્યો હતો. આ કેસની પ્રારંભિક તપાસ કોલકાતા પોલીસની વિશેષ તપાસ ટીમ દ્વારા હાથ ધરવામાં આવી હતી, જેણે રોયની ધરપકડ કરી હતી.
જો કે, સીબીઆઈએ ગુનાની તારીખના પાંચ દિવસ પછી તપાસ શરૂ કરી હતી અને ત્યારબાદ શહેર પોલીસ દ્વારા રોયને કેન્દ્રીય એજન્સીના અધિકારીઓને સોંપવામાં આવ્યો હતો. આ કેસમાં સુનાવણીની પ્રક્રિયા ગયા વર્ષે 11 નવેમ્બરે શરૂ થઈ હતી. આ કેસમાં ટ્રાયલ શરૂ થયાના 59 દિવસ બાદ ચુકાદો સંભળાવવામાં આવ્યો હતો. ગુનાની તારીખથી 162 દિવસ પછી દોષિત ઠેરવવાની પ્રક્રિયા પૂર્ણ કરવામાં આવી હતી.
ટ્રેન્ડિંગ સમાચાર
ટોપ સ્ટોરી
