MV Lila Norfolk Hijacked: નેવી કમાન્ડોએ દિલધડક રેસ્કયુ કરી હાઇજેક થયેલા જહાજમાં સવાર તમામ ભારતીયોને છોડાવ્યા
MV Lila Norfolk Hijacked: સોમાલિયાના દરિયાકાંઠે હાઇજેક કરાયેલ MV Lila Norfolk જહાજમાં સવાર તમામ 15 ભારતીયોને બચાવી લેવાયા છે. આ સિવાય ભારતીય નેવીએ છ ક્રૂ મેમ્બર્સને પણ બચાવ્યા છે.
MV Lila Norfolk Hijacked: સોમાલિયાના દરિયાકાંઠે હાઇજેક કરાયેલ MV Lila Norfolk જહાજમાં સવાર તમામ 15 ભારતીયોને બચાવી લેવાયા છે. આ સિવાય ભારતીય નેવીએ છ ક્રૂ મેમ્બર્સને પણ બચાવ્યા છે.
All the crew, including 15 Indians, onboard the hijacked vessel MV Lila Norfolk have been secured and are safe. Indian Navy Marine Commandos are carrying out sanitisation operations in other parts of the vessel: Military officials to ANI pic.twitter.com/HUToLWJUO9
— ANI (@ANI) January 5, 2024
એક સંરક્ષણ અધિકારીને ટાંકીને સમાચાર એજન્સી એએનઆઈએ જણાવ્યું કે ભારતીય નૌકાદળના વડા એડમિરલ આર હરિ કુમારે અરબી સમુદ્રમાં ભારતીય યુદ્ધ જહાજોને ચાંચિયાઓ સામે કડક કાર્યવાહી કરવા સૂચના આપી છે. આ પ્રદેશમાં વેપારી જહાજો પર હુમલાને રોકવા માટે ભારતીય નૌકાદળના ચાર યુદ્ધ જહાજોને અરબી સમુદ્રમાં તૈનાત કરવામાં આવ્યા છે.
નેવીએ ઓપરેશન હાથ ધર્યું હતું
ભારતીય નૌકાદળના મરીન કમાન્ડો શુક્રવાર (5 જાન્યુઆરી)ના રોજ લાઇબેરિયાના ધ્વજવાળા કોમર્શિયલ જહાજ એમવી લીલા નોરફોક પર ઉતર્યા હતા અને ઓપરેશન હાથ ધર્યું હતું. આ સિવાય નેવીનું INS ચેન્નાઈ નોરફોક જહાજની નજીક પહોંચી ગયું હતું. નૌકાદળે મેરીટાઇમ પેટ્રોલ એરક્રાફ્ટ P-8I અને લાંબા અંતરના 'પ્રિડેટર MQ9B ડ્રોન'ને એમવી લીલા નોર્ફોકને હાઇજેક કર્યા બાદ શોધવા માટે તૈનાત કર્યા હતા.
All 21 crew members including 15 Indians onboard MV Lila Norfolk safely evacuated: Navy officials
— Press Trust of India (@PTI_News) January 5, 2024
ભારતીય નેવીએ શું કહ્યું ?
ભારતીય યુદ્ધ જહાજ INS ચેન્નાઈએ એમવી લીલાને બપોરે 3.15 કલાકે રોકી હતી. ભારતીય નૌકાદળના મેરીટાઇમ પેટ્રોલિંગ એરક્રાફ્ટ અને ડ્રોન અરબી સમુદ્ર પર સતત નજર રાખી રહ્યા છે. નેવીએ કહ્યું કે અમે MPA, પ્રિડેટર, MQ9B અને integral helos દ્વારા જહાજ પર સતત નજર રાખી રહ્યા છીએ.
વાસ્તવમાં, UK મેરીટાઇમ ટ્રેડ ઓપરેશન્સ (UKMTO) એ ગુરુવારે (4 જાન્યુઆરી) લાઇબેરિયન ફ્લેગવાળા કાર્ગો જહાજ MV લીલા નોરફોકને હાઇજેક કરવાની ઘટનાની જાણ કરી હતી. UKMTO એ બ્રિટિશ લશ્કરી સંસ્થા છે જે વ્યૂહાત્મક જળમાર્ગોમાં વિવિધ જહાજોની હિલચાલ પર નજર રાખે છે.
પાંચથી છ લોકો સામેલ છે
જહાજમાં હાજર લોકોએ સંકેત આપ્યો હતો કે પાંચથી છ અજાણ્યા સશસ્ત્ર લોકો વહાણમાં સવાર હતા. સમાચાર એજન્સી પીટીઆઈએ નૌકાદળના પ્રવક્તાને ટાંકીને જણાવ્યું હતું કે ભારતીય નૌકાદળ આ ક્ષેત્રમાં આંતરરાષ્ટ્રીય ભાગીદારો અને મિત્ર દેશો સાથે વાણિજ્યિક જહાજોની સુરક્ષા સુનિશ્ચિત કરવા માટે પ્રતિબદ્ધ છે.
ભારતીય નેવીએ જણાવ્યું હતું કે, હાઇજેકની આ ઘટના અંગે ગુરુવાર સાંજ સુધી માહિતી મળી હતી. નેવી આ મામલે સતત નજર રાખી રહી છે. હાલ ક્રૂ મેમ્બર જહાજમાં સુરક્ષિત હોવાની માહિતી મળી છે. સોમાલિયા નજીક દરિયાકાંઠે જહાજના હાઈજેક થવાની આ પહેલી ઘટના નથી. અગાઉ પણ સોમાલિયા દરિયાકાંઠે લુટારુઓએ માલ્ટાના જહાજ MV રૂએનને હાઇજેક કર્યું હતું.
ટોપ સ્ટોરી
ટ્રેન્ડિંગ સમાચાર
