![ABP Premium](https://cdn.abplive.com/imagebank/Premium-ad-Icon.png)
BJP : ચાર રાજ્યોમાં જીત બાદ કાલે BJP સંસદીય બોર્ડની બેઠક મળશે, તમામ સાંસદોને હાજર રહેવા આદેશ
BJP Parliamentary Board : ભાજપે ઉત્તર પ્રદેશ સહિત 4 રાજ્યોમાં જંગી જીત મેળવી છે. યુપી, ઉત્તરાખંડ, ગોવા અને મણિપુરમાં ભાજપની પુનરાગમનથી પાર્ટીના કાર્યકરો ઉત્સાહિત છે.
![BJP : ચાર રાજ્યોમાં જીત બાદ કાલે BJP સંસદીય બોર્ડની બેઠક મળશે, તમામ સાંસદોને હાજર રહેવા આદેશ The BJP will meet the parliamentary board on 15 march BJP : ચાર રાજ્યોમાં જીત બાદ કાલે BJP સંસદીય બોર્ડની બેઠક મળશે, તમામ સાંસદોને હાજર રહેવા આદેશ](https://feeds.abplive.com/onecms/images/uploaded-images/2022/03/14/28be9d24f3646e1808a6b05fb148f4e1_original.jpg?impolicy=abp_cdn&imwidth=1200&height=675)
DELHI :
DELHI : ભાજપે ઉત્તર પ્રદેશ સહિત 4 રાજ્યોમાં જંગી જીત મેળવી છે. યુપી, ઉત્તરાખંડ, ગોવા અને મણિપુરમાં ભાજપની પુનરાગમનથી પાર્ટીના કાર્યકરો ઉત્સાહિત છે. મંગળવાર 15 માર્ચે ભાજપ સંસદીય દળની બેઠક મળશે જેમાં લોકસભા અને રાજ્યસભાના સાંસદોને હાજર રહેવા માટે કહેવામાં આવ્યું છે. ચાર રાજ્યોની જીત બાદ ભાજપની આ પ્રથમ બેઠક હશે. જેમાં પીએમ મોદીનું સ્વાગત કરવામાં આવશે અને તેમનું સંબોધન પણ થશે.
બીજેપી સંસદીય દળની છેલ્લી બેઠક 21 ડિસેમ્બરે મળી હતી, જેમાં પીએમ નરેન્દ્ર મોદીએ હાજરી આપી હતી. ત્યાર બાદ તેમણે સંસદમાં સાંસદોની ગેરહાજરી અંગે ચિંતા વ્યક્ત કરી હતી અને ચેતવણી આપી હતી કે તેઓ પોતાની જાતને બદલી લે, નહીં તો આગળ કાર્યવાહી કરવામાં આવી શકે છે.
યોગીને યુપીની જીતની 'ગિફ્ટ' મળી શકે છે
આ સાથે જ પાર્ટી ઉત્તરપ્રદેશના મુખ્યમંત્રી યોગી આદિત્યનાથને યુપીની જીતની ભેટ આપી શકે છે. ભાજપ યોગી આદિત્યનાથને સંસદીય બોર્ડના સભ્યમાં સામેલ કરી શકે છે. પાર્ટીમાં યોગી આદિત્યનાથનું કદ વધુ વધશે. ભાજપની આ બેઠકમાં કેન્દ્રીય ગૃહમંત્રી અમિત શાહ, સંરક્ષણ મંત્રી રાજનાથ સિંહ, ભાજપ અધ્યક્ષ જેપી નડ્ડા સહિત ભાજપના ઘણા નેતાઓ હાજરી આપશે.
ચાર રાજ્યોમાં ભાજપની શાનદાર જીત
ઉત્તર પ્રદેશ, ઉત્તરાખંડ, ગોવા અને મણિપુર વિધાનસભા ચૂંટણીમાં ભાજપને જંગી જીત મળી છે. યુપીમાં ઈતિહાસ રચતા ભાજપે ફરી એકવાર જીત મેળવી છે. તમામ માન્યતાઓને તોડીને યોગી આદિત્યનાથ ફરી એકવાર સરકાર બનાવવા જઈ રહ્યા છે. યુપીમાં ભાજપ ગઠબંધનને 273 બેઠકો મળી છે. જ્યારે સપા ગઠબંધનને 125 બેઠકો મળી છે. કોંગ્રેસને 2 અને બસપાને 1 સીટ મળી છે. ઉત્તરાખંડમાં ભાજપે 47 બેઠકો જીતી છે. જ્યારે કોંગ્રેસને 19 બેઠકોથી સંતોષ માનવો પડ્યો હતો.
ગોવામાં ભાજપ બહુમતથી માત્ર એક સીટ પાછળ છે પરંતુ સહયોગીઓની મદદથી સરકાર બનાવવા જઈ રહી છે. ભાજપને 20 બેઠકો મળી છે. જ્યારે કોંગ્રેસને 11, AAPને 2 અને અન્યને 7. ભાજપે મણિપુરમાં 32 બેઠકો જીતી છે. અન્યને 16 બેઠકો, NPPને 7 અને કોંગ્રેસને 5 બેઠકોથી સંતોષ માનવો પડ્યો હતો.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)