National Herald Case: EDએ રાહુલ ગાંધીને કાલે પણ બોલાવ્યા, પાંચમી વાર થશે પૂછપરછ
Rahul Gandhi Questioning: ED આવતીકાલે 21 જૂને પાંચમી વાર રાહુલ ગાંધીની પૂછપરછ કરશે.
National Herald Case: એન્ફોર્સમેન્ટ ડિરેક્ટોરેટે (ED) નેશનલ હેરાલ્ડ ન્યૂઝ પેપર સાથે સંબંધિત કથિત મની લોન્ડરિંગ (National Herald Money laundering case)ના સંબંધમાં કોંગ્રેસના ભૂતપૂર્વ અધ્યક્ષ રાહુલ ગાંધીની પૂછપરછ કરવાનું ચાલુ રાખ્યું છે. આજે 20 જૂને લગભગ 10 કલાકની પૂછપરછ થઈ છે. સૂત્રોના જણાવ્યા અનુસાર આવતીકાલે 21 જૂને મંગળવારે પણ રાહુલ ગાંધીને ED દ્વારા બોલાવવામાં આવ્યા છે. ગયા અઠવાડિયે તેની સતત ત્રણ દિવસ પૂછપરછ કરવામાં આવી હતી.
આજે 10 કલાક પૂછપરછ થઇ
રાહુલ ગાંધી આજે 20 જૂને સવારે 11.05 વાગ્યે મધ્ય દિલ્હીમાં એપીજે અબ્દુલ કલામ રોડ પર સ્થિત ED હેડક્વાર્ટર પહોંચ્યા હતા. કેન્દ્રીય તપાસ એજન્સીની ઓફિસની આસપાસ પોલીસ અને અર્ધલશ્કરી દળના જવાનોને મોટી સંખ્યામાં તૈનાત કરવામાં આવ્યા છે અને ક્રિમિનલ પ્રોસિજર કોડ (CrPC) ની કલમ 144 હેઠળ પ્રતિબંધિત આદેશો અમલમાં મુકવામાં આવ્યાં હતા.
રાહુલ ગાંધી બપોરે 3.30 વાગે લંચ માટે ED ઓફિસમાંથી બહાર આવ્યા હતા અને લગભગ એક કલાક બાદ ફરીથી ED ઓફિસ પહોંચ્યા હતા. જે બાદ ફરી પૂછપરછ શરૂ થઈ હતી. આજે રાહુલ ગાંધીની 10 કલાક પૂછપરછ થઇ હતી.
ગયા અઠવાડિયે પણ થઇ હતી પૂછપરછ
ગયા અઠવાડિયે સોમવાર, મંગળવાર અને બુધવારે સતત ત્રણ દિવસ ED અધિકારીઓ દ્વારા રાહુલ ગાંધીની 30 કલાકથી વધુ પૂછપરછ કરવામાં આવી હતી, જે દરમિયાન પ્રિવેન્શન ઓફ મની લોન્ડરિંગ એક્ટ (PMLA) હેઠળ તેમના નિવેદનો નોંધવામાં આવ્યા હતા.
તેઓ ગયા શુક્રવારે ફરીથી તપાસ એજન્સી સમક્ષ હાજર થવાના હતા, પરંતુ કોંગ્રેસના પૂર્વ અધ્યક્ષે EDના તપાસ અધિકારીને પત્ર લખીને શુક્રવાર 17 જૂનના રોજ થનારી પૂછપરછમાંથી મુક્તિ આપવા વિનંતી કરી હતી કારણ કે તેમની માતા સોનિયા ગાંધી બીમાર હતા. EDએ તેની વિનંતી સ્વીકારી હતી અને તેને આજે 20 જૂને હાજર થવા જણાવ્યું હતું.
ટોપ સ્ટોરી
ટ્રેન્ડિંગ સમાચાર
