Bulldozer Action in Bengal: બંગાળમાં બુલડોઝર એક્શન, તોડવામાં આવી TMCની ઓફિસ

Bulldozer Action in Bengal:  પશ્ચિમ બંગાળ વિધાનસભા ચૂંટણીના પરિણામો પછી રાજ્યના ઘણા ભાગોમાં હિંસાના બનાવો નોંધાયા હતા.

ચૂંટણીના પરિણામો પછી રાજ્યના ઘણા ભાગોમાં હિંસાના બનાવો નોંધાયા હતા.

Source : Source : Social Media (X)

Show Quick Read

Key points generated by AI, verified by newsroom

• કોલકાતાના હૉગ માર્કેટમાં TMC પાર્ટી કાર્યાલય બુલડોઝરથી તોડી પાડવામાં આવ્યું.
• TMCએ ભાજપ પર દુકાનો અને કાર્યાલયોમાં તોડફોડ કરવાનો આરોપ લગાવ્યો.
• પોલીસે નકલી અને ભડકાઉ પોસ્ટ ફેલાવનારાઓ સામે કડક કાર્યવાહીની ચેતવણી આપી.

Bulldozer Action in Bengal:  પશ્ચિમ બંગાળ વિધાનસભા ચૂંટણીના પરિણામો પછી રાજ્યના ઘણા ભાગોમાં હિંસાના બનાવો નોંધાયા હતા. મંગળવાર (5 મે) ના રોજ કોલકાતાના પ્રખ્યાત હૉગ માર્કેટમાં અફરાતફરી મચી ગઈ હતી. રાત્રે 9 વાગ્યાની આસપાસ કેટલાક લોકો બુલડોઝર લઈને ઇમારત તોડી પાડવા પહોંચ્યા હતા. ટીએમસીના યુનિયન પાર્ટી કાર્યાલયને જમીનદોસ્ત કરવામાં આવ્યું હતું. ટીએમસીનો આરોપ છે કે કોલકાતાના હૉગ માર્કેટમાં ભાજપના કાર્યકરોએ ઘણી દુકાનો બુલડોઝરથી તોડી પાડી હતી.

હિંસા પર ચૂંટણી પંચ કડક

અગાઉ ચૂંટણી પંચે પશ્ચિમ બંગાળના મુખ્ય સચિવ, પોલીસ મહાનિર્દેશક અને રાજ્યમાં તૈનાત કેન્દ્રીય સશસ્ત્ર પોલીસ દળોને ચૂંટણી પછીની હિંસા પ્રત્યે ઝીરો ટોલરન્સઅભિગમ અપનાવવાનો નિર્દેશ આપ્યો હતો. ચૂંટણી પરિણામોની ઘોષણા પછી સોમવાર સાંજથી રાજ્યના ઘણા ભાગોમાં હિંસાના અહેવાલો સામે આવ્યા બાદ આ નિર્દેશ આપવામાં આવ્યો હતો.

આ પણ વાંચોઃ પશ્વિમ બંગાળમાં ચૂંટણી પછી થનારી હિંસા પર ECI સખ્ત, મુખ્ય સચિવ-DGP અને CAPFને આપ્યા નિર્દેશ

ટીએમસીએ તોડફોડનો આરોપ લગાવ્યો છે

ટીએમસીએ આરોપ લગાવ્યો છે કે તેની ઘણી પાર્ટી કાર્યાલયોમાં તોડફોડ કરવામાં આવી હતી અને તેના કાર્યકરો પર હુમલો કરવામાં આવ્યો હતો. દક્ષિણ કોલકાતાના ટોલીગંજ વિસ્તારમાં ભૂતપૂર્વ ટીએમસી ધારાસભ્ય અરૂપ બિશ્વાસના પાર્ટી કાર્યાલયમાં પણ તોડફોડ કરવામાં આવી હતી. બેલિયાઘાટા વિસ્તારમાં ટીએમસી કાર્યાલયમાં પણ તોડફોડ કરવામાં આવી હતી અને એક કાર્યકરને માર મારવામાં આવ્યો હતો. ટીએમસીએ એવો પણ દાવો કર્યો હતો કે આમ્તલા સ્થિત અભિષેક બેનર્જીની કાર્યાલય પર પણ ટોળા દ્વારા હુમલો કરવામાં આવ્યો હતો. 

Kolkata’s historic New Market. Bengalis revelling in Parivartan. pic.twitter.com/TfW6jJNkgo

— Mahua Moitra (@MahuaMoitra) May 5, 2026

 કોલકાતા પોલીસે સોશિયલ મીડિયા પર નકલી અથવા ભડકાઉ પોસ્ટ ફેલાવનારાઓ સામે કાનૂની કાર્યવાહી કરવાની ચેતવણી આપી હતી. પોલીસે જણાવ્યું હતું કે શહેરમાં પરિસ્થિતિ નિયંત્રણમાં છે અને લોકોને આવી પોસ્ટ શેર ન કરવા વિનંતી કરી હતી. ચૂંટણી પરિણામો પછી હિંસાનો દાવો કરતા સોશિયલ મીડિયા પર ઘણા ફોટા અને વીડિયો ફરતા થયા બાદ આ ચેતવણી જાહેર કરવામાં આવી હતી.

In central Kolkata, near New Market. With police permission. As part of victory celebrations a bulldozer was brought in to demolish meat shops. CAPF standing around.
THE BJP FOR YOU. Let the world see these pictures https://t.co/61HX1HUmf7

— Derek O'Brien | ডেরেক ও'ব্রায়েন (@derekobrienmp) May 5, 2026

ટીએમસી સાંસદ મહુઆ મોઇત્રાએ ન્યૂ માર્કેટ વિસ્તારમાં થયેલી હિંસા અને બુલડોઝર કાર્યવાહી અંગે સોશિયલ મીડિયા પર પોતાનો ગુસ્સો વ્યક્ત કર્યો. તેમણે સોશિયલ મીડિયા પોસ્ટમાં લખ્યું હતું કે, "કોલકાતાનું ઐતિહાસિક ન્યૂ માર્કેટ. બંગાળીઓ પરિવર્તનનો આનંદ માણી રહ્યા છે."

ટીએમસીના વરિષ્ઠ નેતા ડેરેક ઓ'બ્રાયને પણ આરોપ લગાવ્યો હતો કે સરકારી દેખરેખ હેઠળ તોડફોડ કરવામાં આવી હતી. સોશિયલ મીડિયા પોસ્ટમાં તેમણે કહ્યું, "વિજય ઉજવણીના ભાગ રૂપે પોલીસની પરવાનગીથી મધ્ય કોલકાતાના ન્યૂ માર્કેટ નજીક મીટની દુકાનો તોડી પાડવા માટે બુલડોઝર લાવવામાં આવ્યું હતું. સીએપીએફના જવાનો નજીકમાં ઉભા હતા." તેમણે ઉમેર્યું, "આ ભાજપ છે. દુનિયાએ આ તસવીરો જોવી જોઈએ."

આ પણ વાંચો

મમતા બેનર્જીનો રાજીનામાનો ઇનકાર: જાણો અગાઉ કયા મુખ્યમંત્રીઓએ ખુરશી છોડવાની ના પાડી હતી?

'મેં તેમને કહ્યું હતું...' નંદીગ્રામ પર અડેલા શુભેન્દુ અધિકારીને મમતા બેનર્જીની વિરૂદ્ધ ભવાનીપુર માટે અમિત શાહે કેવી રીતે કર્યા રાજી, આ રીતે આવ્યું ટ્વીસ્ટ