આવતીકાલનું હવામાન: દેશના 15 રાજ્યોમાં આગામી 10 કલાકમાં ભારે વરસાદ અને વાવાઝોડાની આગાહી, IMD નું એલર્ટ

Tomorrow weather forecast 6 July: દિલ્હીથી તમિલનાડુ સુધી 60 કિમીની ઝડપે પવન ફૂંકાશે, જાણો 6 જુલાઈએ તમારા રાજ્યમાં કેવું રહેશે હવામાન.

Tomorrow Weather Forecast 6 July IMD Rain Thunderstorm Alert 2026

Source : ai

Show Quick Read

Key points generated by AI, verified by newsroom

• ભારતીય હવામાન વિભાગે 15 રાજ્યોમાં ભારે વરસાદની આગાહી કરી.
• દિલ્હી, બિહાર, મહારાષ્ટ્રમાં અતિભારે વરસાદનું
• ઉત્તર પ્રદેશ, રાજસ્થાન, મધ્ય પ્રદેશમાં ભારે પવન સાથે વરસાદની આગાહી.
• પશ્ચિમ બંગાળ, તમિલનાડુમાં પણ હળવા વરસાદની શક્યતા છે.

Tomorrow weather forecast 6 July: ચોમાસાની જમાવટ વચ્ચે ભારતીય હવામાન વિભાગ (IMD) એ એક મોટી ચેતવણી જારી કરી છે. આગામી 10 કલાકમાં દિલ્હીથી લઈને તમિલનાડુ સુધીના 15 રાજ્યોમાં ભારે વરસાદ અને વાવાઝોડાની આગાહી કરવામાં આવી છે. આ દરમિયાન 60 કિલોમીટર પ્રતિ કલાકની ઝડપે તોફાની પવન ફૂંકાઈ શકે છે, જેનાથી ખેડૂતોના પાકને નુકસાન થવાની અને સામાન્ય જનજીવન પ્રભાવિત થવાની ભીતિ છે. તેથી, લોકોને ઘરની બહાર નીકળતી વખતે ખાસ સાવચેતી રાખવાની સલાહ આપવામાં આવી છે.

હવામાન વિભાગે જે 15 રાજ્યો માટે એલર્ટ આપ્યું છે તેમાં દિલ્હી, ઉત્તર પ્રદેશ, બિહાર, રાજસ્થાન, મહારાષ્ટ્ર, મધ્ય પ્રદેશ, પશ્ચિમ બંગાળ, તમિલનાડુ, હિમાચલ પ્રદેશ, ઉત્તરાખંડ, ઝારખંડ, છત્તીસગઢ, ઓડિશા, આસામ અને ત્રિપુરા સામેલ છે. ચાલો જાણીએ મુખ્ય રાજ્યોમાં આવતીકાલે કેવો રહેશે વરસાદી માહોલ.

દિલ્હી-NCR: ગાજવીજ સાથે વરસાદની એન્ટ્રી

દિલ્હી અને આસપાસના વિસ્તારોમાં 6 જુલાઈના રોજ ભારે વરસાદની ચેતવણી છે. ઉત્તર દિલ્હી (સિવિલ લાઇન્સ, DU કેમ્પસ), દક્ષિણ દિલ્હી (હૌઝ ખાસ, વસંત કુંજ) અને પૂર્વ દિલ્હીના (મયુર વિહાર, શાહદરા) મોટાભાગના વિસ્તારોમાં વરસાદ અને વાવાઝોડાની શક્યતા છે. અહીં 40 કિમી પ્રતિ કલાકની ઝડપે પવન ફૂંકાઈ શકે છે. તાપમાનની વાત કરીએ તો મહત્તમ તાપમાન 37 ડિગ્રી અને લઘુત્તમ 29 ડિગ્રી સેલ્સિયસ રહેવાની વકી છે.

ઉત્તર પ્રદેશ: જોરદાર પવન સાથે મેઘમહેર

યુપીના ઘણા જિલ્લાઓમાં આવતીકાલે જોરદાર પવન સાથે વરસાદ પડશે. દેવરિયા, બલિયા, બરેલી, મેરઠ અને આગ્રા સહિતના વિસ્તારોમાં 40 થી 50 કિમીની ઝડપે પવન સાથે ભારે વરસાદનું એલર્ટ છે. જ્યારે રાજધાની લખનૌ, નોઈડા અને આઝમગઢમાં હળવો વરસાદ પડી શકે છે. લખનૌમાં તાપમાન 36 થી 30 ડિગ્રી સેલ્સિયસ વચ્ચે રહેશે.

આ પણ વાંચોઃ અમરેલીમાં મેઘતાંડવ: રાયડી ડેમના 8 દરવાજા ખુલ્યા, રાજુલામાં 6 કલાકમાં 5.39 ઇંચ વરસાદ

બિહાર અને મહારાષ્ટ્ર: અતિભારે વરસાદનું 'રેડ એલર્ટ'

બિહાર: ગયા, નાલંદા, રોહતાસ અને ઔરંગાબાદ જેવા જિલ્લાઓમાં ભારે વરસાદનું 'રેડ એલર્ટ' આપવામાં આવ્યું છે. પટના અને ભાગલપુર સહિતના વિસ્તારોમાં હળવા વરસાદ સાથે ભારે પવન ફૂંકાઈ શકે છે. પટનાનું તાપમાન 32 અને 28 ડિગ્રી સેલ્સિયસની આસપાસ રહેશે.

મહારાષ્ટ્ર: અહીં મેઘરાજા તોફાની બેટિંગ કરવાના છે. મુંબઈના અંધેરી, મરીન ડ્રાઈવ અને વસઈ-વિરાર સહિત પુણે, નાગપુર અને થાણે માટે પણ રેડ એલર્ટ જારી કરાયું છે. અહીં 60 કિમીની ઝડપે પવન ફૂંકાશે અને મહત્તમ-લઘુત્તમ તાપમાન 27 ડિગ્રી સેલ્સિયસ આસપાસ જળવાઈ રહેશે.

આ પણ વાંચોઃ ગુજરાતમાં આગામી 7 દિવસ મેઘતાંડવની આગાહી: આ બે ઝોનમાં 'રેડ એલર્ટ', ભારે વરસાદ તૂટી પડશે

રાજસ્થાન અને મધ્ય પ્રદેશ: તોફાની પવન સાથે વરસાદ

રાજસ્થાન: 6 થી 11 જુલાઈ સુધી જોધપુર, જયપુર અને ઉદયપુર સહિતના અનેક જિલ્લાઓમાં ગાજવીજ સાથે ભારે વરસાદની આગાહી છે. પવનની ઝડપ 41 થી 61 કિમી પ્રતિ કલાક રહી શકે છે. જયપુરમાં તાપમાન 36 અને 28 ડિગ્રી સેલ્સિયસ રહેશે.

મધ્ય પ્રદેશ: 10 જુલાઈ સુધી ભોપાલ, ધાર, ગ્વાલિયર અને જબલપુર પંથકમાં તોફાની પવન (41 થી 61 કિમી/કલાક) સાથે ધોધમાર વરસાદ પડવાની સંભાવના છે. ભોપાલમાં તાપમાન 30 થી 25 ડિગ્રી સેલ્સિયસની આસપાસ રહેશે.

પશ્ચિમ બંગાળ અને તમિલનાડુ

પશ્ચિમ બંગાળના કોલકાતા, હાવડા અને દાર્જિલિંગ સહિતના તમામ મુખ્ય વિસ્તારોમાં છૂટાછવાયા અને હળવા વરસાદની આગાહી કરવામાં આવી છે. બીજી તરફ, દક્ષિણ ભારતમાં તમિલનાડુ અને પુડુચેરીમાં આગામી 10 જુલાઈ સુધી મધ્યમ વરસાદની વકી છે. ચેન્નાઈમાં વાદળછાયું વાતાવરણ રહેશે અને હળવો વરસાદ પડી શકે છે, જ્યાં તાપમાન 37 થી 29 ડિગ્રી સેલ્સિયસ વચ્ચે રહેશે.