અમેરિકાના ટેરિફ બોમ્બ પર રાહુલ ગાંધીની પ્રતિક્રિયા: 'પીએમ મોદી જાહેર હિતના ભોગે પોતાની નબળાઈ....', જાણો શું છે અદાણી કનેક્શન?
ભારત અને અમેરિકા વચ્ચેના વેપાર સંબંધોમાં તણાવ વધતાં રાજકીય મોરચે પણ ગરમાવો આવ્યો છે. અમેરિકન રાષ્ટ્રપતિ ડોનાલ્ડ ટ્રમ્પના ટેરિફ બોમ્બ બાદ ભારતીય રાજકારણમાં પ્રથમ પ્રતિક્રિયા કોંગ્રેસના નેતા રાહુલ ગાંધી તરફથી આવી છે.
Donald Trump tariff India: અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ભારત પર 50% ટેરિફ લાદવાની જાહેરાત બાદ કોંગ્રેસના નેતા અને લોકસભામાં વિપક્ષના નેતા રાહુલ ગાંધીએ આ નિર્ણયને 'આર્થિક બ્લેકમેલ' ગણાવ્યો છે. તેમણે જણાવ્યું કે, ટ્રમ્પ અન્યાયી વેપાર સોદા માટે ભારત પર દબાણ લાવવાનો પ્રયાસ કરી રહ્યા છે, અને વડાપ્રધાન નરેન્દ્ર મોદીએ ભારતીય જનતાના હિતોથી ઉપર પોતાની નબળાઈ ન મૂકવી જોઈએ. આ નિવેદન એવા સમયે આવ્યું છે જ્યારે ભારત સરકાર રશિયા પાસેથી ક્રૂડ ઓઈલની ખરીદી ચાલુ રાખવા પર મક્કમ છે અને અમેરિકા દ્વારા દબાણ વધી રહ્યું છે.
અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ભારત પર 25% વધારાનો ટેરિફ લાદવાના નિર્ણય બાદ રાહુલ ગાંધીએ વડાપ્રધાન મોદી પર નિશાન સાધ્યું છે. તેમણે ટ્વિટર પર લખ્યું કે આ ટેરિફ એક પ્રકારનો 'આર્થિક બ્લેકમેલ' છે. ગાંધીએ આરોપ લગાવ્યો કે વડાપ્રધાન મોદી આ મુદ્દે મૌન છે કારણ કે અદાણી ગ્રુપ સામે અમેરિકામાં ચાલી રહેલી તપાસના કારણે તેમના હાથ બંધાયેલા છે. બીજી તરફ, ભારત સરકારે સ્પષ્ટ કર્યું છે કે દેશની ઊર્જા નીતિ રાષ્ટ્રીય હિત અને બજાર પરિબળો પર આધારિત છે અને કોઈ બાહ્ય દબાણ ભારતને તેના નિર્ણય બદલવા માટે દબાણ કરી શકતું નથી.
રાહુલ ગાંધીના પ્રહાર
રાહુલ ગાંધીએ ટ્રમ્પના 50% ટેરિફના નિર્ણયને 'આર્થિક બ્લેકમેલ' ગણાવીને તીવ્ર ટીકા કરી છે. તેમણે પોતાના ટ્વિટર સંદેશમાં કહ્યું કે, ટ્રમ્પનો ઉદ્દેશ્ય ભારતને અન્યાયી વેપાર સોદા માટે દબાણ કરવાનો છે. તેમણે વડાપ્રધાન મોદી પર આકરા પ્રહાર કરતા કહ્યું કે, "વડા પ્રધાન મોદીએ ભારતીય જનતાના હિતોથી ઉપર પોતાની નબળાઈ ન રાખવી જોઈએ."
Trump’s 50% tariff is economic blackmail - an attempt to bully India into an unfair trade deal.
— Rahul Gandhi (@RahulGandhi) August 6, 2025
PM Modi better not let his weakness override the interests of the Indian people.
પીએમ મોદીના મૌન પર સવાલ
રાયબરેલીના સાંસદ રાહુલ ગાંધીએ વડાપ્રધાન નરેન્દ્ર મોદી આ મુદ્દે મૌન કેમ છે તે અંગે સવાલ ઉઠાવ્યો. તેમણે આરોપ લગાવ્યો કે આ મૌન પાછળનું કારણ અદાણી ગ્રુપ સામે અમેરિકામાં ચાલી રહેલી તપાસ છે. ગાંધીએ લખ્યું, "ભારત કૃપા કરીને સમજો, વડા પ્રધાન મોદી વારંવાર ધમકીઓ આપવા છતાં રાષ્ટ્રપતિ ટ્રમ્પ સામે ટકી શકતા નથી, તેનું કારણ અદાણી સામે ચાલી રહેલી યુએસ તપાસ છે. મોદીના હાથ બંધાયેલા છે."
ભારત સરકારનું વલણ
આ મુદ્દે ભારત સરકારે પણ પોતાનું સત્તાવાર વલણ સ્પષ્ટ કર્યું છે. સરકારે જણાવ્યું કે, ભારત તેની ઊર્જા નીતિ રાષ્ટ્રીય હિત અને બજાર ગતિશીલતાના આધારે નક્કી કરે છે. રશિયા પાસેથી ક્રૂડ ઓઈલની ખરીદી એ ભારતના 1.4 અબજ લોકોની ઊર્જા સુરક્ષા સુનિશ્ચિત કરવા માટે કરવામાં આવે છે. સરકારે સ્પષ્ટતા કરી કે ભારતની ઊર્જા ખરીદી પર કોઈ બાહ્ય દબાણ ચાલી શકશે નહીં.
ટોપ સ્ટોરી
ટ્રેન્ડિંગ સમાચાર
