(Source: Matrize)
Weather Forecast: હજુ નહીં મળે ગરમીથી રાહત, હવામાન વિભાગે આ રાજ્યોમાં કરી હીટવેવની આગાહી
Weather Update Heatwave: દેશમાં ભારે ગરમીના કારણે લોકો પરેશાન છે. હવામાન વિભાગના જણાવ્યા અનુસાર આગામી કેટલાક દિવસો સુધી ઘણા રાજ્યોમાં હીટવેવની શક્યતા છે.
Weather Update Heatwave: દેશમાં ભારે ગરમીના કારણે લોકો પરેશાન છે. હવામાન વિભાગના જણાવ્યા અનુસાર આગામી કેટલાક દિવસો સુધી ઘણા રાજ્યોમાં હીટવેવની શક્યતા છે. IMD અનુસાર, આગામી પાંચ દિવસ દરમિયાન પૂર્વ ભારતમાં હીટવેવ ચાલુ રહેશે. ઓડિશા, બિહાર, છત્તીસગઢ અને ઝારખંડના કેટલાક ભાગોમાં હીટવેવની સંભાવના છે. ઉત્તર-પશ્ચિમ ભારતમાં આવતા વેસ્ટર્ન ડિસ્ટર્બન્સને કારણે 22 એપ્રિલ (સોમવાર)થી દેશના અન્ય ભાગોમાં વરસાદ પડી શકે છે.
Temperature expected to remain around 38°C in Delhi; likely to rain tomorrow
Read @ANI Story | https://t.co/W1suaHDU5g#IMD #Delhi #rain pic.twitter.com/ZSG83MDWmK— ANI Digital (@ani_digital) April 21, 2024
તાપમાન 40 ડિગ્રીને પાર કરી ગયું હતું
પશ્ચિમ બંગાળ, ઓડિશા અને ઝારખંડ સહિત ઘણા રાજ્યોમાં મહત્તમ તાપમાન 40 ડિગ્રી સેલ્સિયસને પાર કરી ગયું છે. IMD અનુસાર, આ રાજ્યોમાં 23 એપ્રિલ, 2024 સુધી ગરમીથી રાહત મળવાની કોઈ આશા નથી. હવામાન વિભાગના જણાવ્યા અનુસાર, ગંગીય પશ્ચિમ બંગાળના ઘણા ભાગોમાં 21 એપ્રિલ (રવિવાર) અને ઝારખંડ અને બિહારના વિવિધ ભાગોમાં 24 એપ્રિલ સુધી હીટ વેવની સ્થિતિ યથાવત રહેશે.
આ રાજ્યોમાં હીટ વેવની શક્યતા
IMD અનુસાર, આગામી 24 કલાકમાં ઓડિશા અને ગંગીય પશ્ચિમ બંગાળમાં વિવિધ સ્થળોએ તીવ્ર ગરમીની લહેર આવવાની સંભાવના છે. IMD વૈજ્ઞાનિકના જણાવ્યા અનુસાર, ઓડિશામાં હાલની હીટ વેવની સ્થિતિને કારણે રવિવાર અને સોમવાર માટે ઓરેન્જ એલર્ટ જાહેર કરવામાં આવ્યું છે. તેમણે કહ્યું કે, ઓડિશામાં તાપમાનમાં થોડો ઘટાડો થઈ શકે છે અને બે દિવસના વિરામ બાદ ફરીથી ગરમીની લહેર આવવાની સંભાવના છે. બિહારમાં આગામી પાંચ દિવસમાં હીટ વેવની સ્થિતિ યથાવત રહેશે.
પૂર્વોત્તર ભારતમાં અલગ-અલગ સ્થળોએ ગાજવીજ અને ભારે પવન સાથે ભારે વરસાદની સંભાવના
આઈએમડીએ જણાવ્યું હતું કે દેશભરમાં આંધ્રપ્રદેશના દરિયાકાંઠા IMDની આગાહીમાં જણાવાયું છે કે આગામી 24 કલાક દરમિયાન પૂર્વ ઉત્તર પ્રદેશમાં મહત્તમ તાપમાન 2 થી 3 ડિગ્રી સેલ્સિયસ વધશે, ત્યારબાદ 24 એપ્રિલ સુધી યનમ, રાયલસીમા, તમિલનાડુ, પુડુચેરી, કરાઈકલ, કેરળ અને માહેમાં ગરમ અને ભેજવાળું હવામાન રહેશે. અતિશય ગરમીને લઈને જે વિસ્તારોમાં ચેતવણી જારી કરવામાં આવી છે તેમાં મધ્યપ્રદેશ, ગુજરાત, ઓડિશા, આંધ્રપ્રદેશ, મધ્ય મહારાષ્ટ્ર, વિદર્ભ, મરાઠવાડા, બિહાર અને ઝારખંડનો સમાવેશ થાય છે. IMD અનુસાર, 24 એપ્રિલ સુધી પૂર્વોત્તર ભારતમાં અલગ-અલગ સ્થળોએ ગાજવીજ, વીજળી અને ભારે પવન સાથે ભારે વરસાદની સંભાવના છે.
ટ્રેન્ડિંગ સમાચાર
ટોપ સ્ટોરી
