સૌરાષ્ટ્રમાં ત્રીજા દિવસે મેઘરાજાની મહેર યથાવત, રાજકોટમાં ધોધમાર વરસાદ

સૌરાષ્ટ્રમાં છેલ્લા ત્રણ દિવસથી મેઘ પ્રકોપ થયાવત છે. ઉનાના જંગલ વિસ્તારમાં 12 ઈંચ વરસાદ,ખાંભામાં 6 ઈંચ અને કેશોદમાં સરેરાશ સાડા પાંચ ઈંચ વરસાદ ખાબકતા જળબંબાકારની સ્થિતિ જોવા મળી હતી.

રાજકોટ: સૌરાષ્ટ્રમાં છેલ્લા ત્રણ દિવસથી મેઘરાજની ધમાકેદાર બેટિંગ જોવા મળી રહી છે. રાજકોટ શહેરમાં ધોધમાર વરસાદ પડતા રસ્તાઓ પર પાણી ફરી વળ્યા હતા. ભારે વરસાદના કારણે શહેરના યાજ્ઞિક રોડ, કાલાવડ રોડ અને 150 ફૂટ રિંગ રોડ પર પાણી ભરાયા હતા. રાજકોટ જિલ્લામાં પણ વરસાદી માહોલ જોવા મળી રહ્યો છે. રાજકોટના ગોંડલ પંથકમાં વરસાદી માહોલ જોવા મળ્યો હતો. ગોંડલ અને આસપાસના ગ્રામ્ય વિસ્તારમાં સતત પાંચ દિવસથી મેઘમહેર યથાવત છે. દાલેશ્વર, વાવડી, રીબ, રીબડા અને ગુંદાસરા વિસ્તારમાં ધોધમાર વરસાદ પડ્યો છે. સૌરાષ્ટ્રમાં છેલ્લા ત્રણ દિવસથી મેઘ પ્રકોપ થયાવત છે. ઉનાના જંગલ વિસ્તારમાં 12 ઈંચ વરસાદ,ખાંભામાં 6 ઈંચ અને કેશોદમાં સરેરાશ સાડા પાંચ ઈંચ વરસાદ ખાબકતા જળબંબાકારની સ્થિતિ જોવા મળી હતી. માણાવદરના મટિયાણામાં 10 ઈંચ જેટલો વરસાદ નોંધાયો છે. ગુજરાતમાં ચોમાસાની ત્રણ સિસ્ટમ સક્રિય થતા રાજયમાં વરસાદી માહોલ જોવા મળી રહ્યો છે. સૌરાષ્ટ્ર અને દક્ષિણ ગુજરાતમાં આગામી 4 દિવસ ભારે વરસાદની આગાહી કરવામાં આવી છે. હવામાન વિભાગના મતે જૂનાગઢ, અમરેલી, ભાવનગર, ગીર સોમનાથ ,નવસારી,વલસાડ સહિત અનેક સ્થળે અતિભારે વરસાદની સંભાવના છે.