Gujarat Politics: વિધાનસભા ચૂંટણીમાં હાર બાદ રાજકોટ જિલ્લા કોંગ્રેસ પ્રમુખે આપ્યું રાજીનામું

Gujarat Politics: રાજકોટ જિલ્લા કોંગ્રેસ પ્રમુખે રાજીનામું આપ્યું છે. જિલ્લા પ્રમુખ અર્જુન ખાટરિયાએ રાજીનામું આપ્યું છે. જો કે, અર્જુન ખાટરિયાના રાજીનામાંનો અસ્વીકાર કરવામાં આવ્યો છે.

પ્રતિકાત્મક તસવીર

Gujarat Politics: રાજકોટ જિલ્લા કોંગ્રેસ પ્રમુખે રાજીનામું આપ્યું છે. જિલ્લા પ્રમુખ અર્જુન ખાટરિયાએ રાજીનામું આપ્યું છે. જો કે, અર્જુન ખાટરિયાના રાજીનામાંનો અસ્વીકાર કરવામાં આવ્યો છે અને જિલ્લા પ્રમુખપદે ચાલુ રહેવા સૂચના આપવામાં આવી છે. તમને જણાવી દઈએ કે, અર્જુન ખાટરિયા રાજકોટ જિલ્લા કોંગ્રેસ પ્રમુખ પદ ઉપરાંત જિલ્લા પંચાયતના વિપક્ષી નેતા છે. તાજેતરની વિધાનસભાની ચૂંટણીમાં પરાજ્યનું પોસ્ટમોર્ટમ ચાલું છે. રાજકોટ જિલ્લામાં કોંગ્રેસના પરાજ્યને લઈ રાજીનામુ આપ્યું હોવાની વાત સામે આવી છે. જો કે, તેમના રાજીનામાનો અસ્વીકાર કરવામાં આવ્યો છે.

જકોટ મહિલાએ પુરુષને જીવતો સળગાવી દીધો

 રાજકોટ-મોરબી રોડ પર રહેતા પુરુષને મહિલાએ પેટ્રોલ છાંટીને જીવતા સળગાવી દેતા ખળભળાટ મચી ગયો છે. વાંકાનેર બાંઉન્ડરી પાસે આ વ્યક્તિને જીવતા સળગાવી દેવામાં આવ્યા હતા. ગંભીર રીતે દાઝી ગયેલા પુરૂષ સિવીલ હોસ્પિટલના બન્સ વોર્ડમાં દાખલ કરવામાં આવ્યા હતા. રાજેશ રામાણી નામની વ્યક્તિને ગીતા નામની મહિલાએ સળગાવ્યાનો આક્ષેપ કરવામાં આવ્યો છે. રાજેશ અને ગીતા બે મહિનાથી સાથે રહેતા હતા અને કડિયા કામ કરતા હતા. 10 દિવસ પહેલા ગીતા રાજેશના ઘરેથી રોકડા રૂપિયા અને સોનું લઇને ફરાર થઇ ગઇ હતી અને ગત રાત્રે  વાંકાનેર બાઉન્ડરી નજીક મળવા બોલાવ્યા હતા જ્યાં આ આગ લગાવવાની ઘટના બની હતી.

 સુરતમાં શાકમાં મિઠું વધુ પડી જતા પતિએ પત્નીને ઘરમાંથી કાઢી મૂકી

સુરત: ત્રિપલ તલાકનો વિચિત્ર કિસ્સો સામે આવ્યો છે જેને લઈને પોલીસ ફરિયાદ કરવામાં આવી છે. પતિએ શાકમાં મીઠું વધું પડતાં પત્નીને ઘરમાંથી કાઢી મૂકી હતી.  પત્નીએ પતિને ફોન કરી ખબરઅંતર પૂછ્યા તો તેમણે ફોન પર કહ્યું, તલાક! તલાક! તલાક!

હવે આ મામલો ઉધના પોલીસ મથકે પહોંચ્યો છે. નાનપુરા કાદરશાની નાળમાં રહેતી ૨૨ વર્ષીય યુવતીના લગ્ન આંજણા ફાર્મમાં રહેતાં અનિશ મુસ્તાક શાહ સાથે થયા હતા. એક મહિના બાદ આ યુવતીને પતિનું અન્ય યુવતી સાથે અફેયર હોવાની શંકા જતાં ઘરમાં કંકાસ શરૂ થયો હતો. એક વખત શાકમાં મીઠું વધુ પડી જતાં પતિ અને સાસરીયાઓ ઝઘડો કરી તેને ઘરમાંથી કાઢી મૂકી હતી. દહેજનાં પાંચ લાખ રૂપિયા લાવે તો જ ઘરમાં લાવવાનું કહી પિયર મોકલી અપાઇ હતી.

તો બીજી તરફ ગત ડિસેમ્બર મહિનમાં પતિ અનિશની તબિયત ખરાબ હોવાનું જાણવા મળતાં યુવતીએ પાડોશીના ફોનથી પતિને ખબર અંતર પૂછવા કોલ કર્યો હતો.  ફોન ઉપર જ પોતાને તેડી જવાની વાત કહેતાં પતિએ આવેશમાં આવી તલાક! તલાક! તલાક! કહી છૂટાંછેડાં આપી દેતાં યુવતી હેબતાઈ ગઈ હતી. પોતાની સાથે થયેલાં અન્યાયને લઇને તેણે પતિ અને સાસરીયાઓ વિરૂદ્ધ ફરિયાદ નોંધાવી હતી.