Rajkot: મારવાડી યુનિવર્સિટીમાં વધુ એક વિદ્યાર્થીની આત્મહત્યા: છઠ્ઠા માળેથી કૂદી સ્ટૂડન્ટે જીવન ટૂંકાવ્યું

Rajkot News: રાજકોટ સ્થિત મારવાડી યુનિવર્સિટીમાંથી વધુ એક ચોંકાવનારી અને દુઃખદ ઘટના સામે આવી છે, જ્યાં વધુ એક વિદ્યાર્થીએ આત્મહત્યા કરી લીધી છે.

મારવાડી યુનિવર્સિટી

Source : abp live

Show Quick Read

Key points generated by AI, verified by newsroom

• રાજકોટ મારવાડી યુનિવર્સિટીમાં કોમ્પ્યુટર વિદ્યાર્થી હિંમતે આત્મહત્યા કરી.
• છઠ્ઠા માળેથી ઝંપલાવી જીવન ટૂંકાવતા પોલીસે તપાસ શરૂ કરી.
• આઠ દિવસ પૂર્વે તે જ યુનિવર્સિટીમાં વિદ્યાર્થિનીએ પણ આપઘાત.
• ભાવનગરમાં મેડિકલ પ્રોફેસરનો મૃતદેહ સડેલી હાલતમાં મળ્યો, તપાસ.

Rajkot News: રાજકોટ સ્થિત મારવાડી યુનિવર્સિટીમાંથી વધુ એક ચોંકાવનારી અને દુઃખદ ઘટના સામે આવી છે, જ્યાં વધુ એક વિદ્યાર્થીએ આત્મહત્યા કરી લીધી છે. યુનિવર્સિટીમાં કોમ્પ્યુટર એન્જિનિયરિંગના ત્રીજા સેમેસ્ટરમાં અભ્યાસ કરતા હિંમત નામના વિદ્યાર્થીએ છઠ્ઠા માળેથી નીચે ઝંપલાવીને પોતાનું જીવન ટૂંકાવ્યું છે. ઘટનાની જાણ થતાં જ કુવાડવા પોલીસની ટીમ તુરંત સ્થળ પર પહોંચી હતી અને સમગ્ર મામલે કાનૂની તપાસ શરૂ કરી છે. ઉલ્લેખનીય છે કે, આ કરૂણ ઘટનાના વિતેલા માત્ર આઠ દિવસ પહેલા જ આ જ યુનિવર્સિટીની એક યુવતીએ પણ કોઈ અગમ્ય કારણોસર આત્મહત્યા કરી લીધી હતી, જેથી ટૂંક જ સમયમાં બનેલી બીજી ઘટનાને પગલે અરેરાટી વ્યાપી ગઈ છે.

 

19 સપ્ટેમ્બરે વિદ્યાર્થિનીએ કરી હતી આત્મહત્યા

 તમને જણાવી દઈએ કે, 19 સપ્ટેમ્બરે 10મા માળેથી નીચે ઝંપલાવીને એક વિદ્યાર્થિનીએ આપઘાત કરી લીધો હતો. મૃતક વિદ્યાર્થિનીનું નામ શોભરણિકા હતું અને તે મૂળ આંધ્રપ્રદેશની રહેવાસી હતી. શોભરણિકા છેલ્લા એક વર્ષથી મારવાડી યુનિવર્સિટીમાં કોમ્પ્યુટર સાયન્સમાં CSE AI (આર્ટિફિશિયલ ઇન્ટેલિજન્સ) નો અભ્યાસ કરી રહી હતી.

વિદ્યાર્થિનીએ આ અંતિમ પગલું શા માટે ભર્યું તે અંગેનું કારણ હજુ સુધી અકબંધ છે. ઘટનાની જાણ થતાં જ પોલીસ અને સત્તાધીશો સ્થળ પર પહોંચ્યા હતા અને મૃતદેહને પોસ્ટમોર્ટમ માટે સિવિલ હોસ્પિટલ ખાતે ખસેડવામાં આવ્યો હતો. સમગ્ર મામલે યુનિવર્સિટીના ડેપ્યુટી રજિસ્ટ્રારે જરૂરી માહિતી પૂરી પાડી હતી. નોંધનીય છે કે અગાઉ પણ મારવાડી યુનિવર્સિટીની હોસ્ટેલમાંથી ઝંપલાવીને વિદ્યાર્થીઓના આપઘાત કરવાના કિસ્સાઓ સામે આવી ચૂક્યા છે.

ભાવનગરમાં મેડિકલ કોલેજના એસોસિયેટ પ્રોફેસરની ઘરમાંથી સડેલી હાલતમાં લાશ મળી

ભાવનગર શહેરના ટોપ3 સર્કલ નજીક આવેલા ગોકુલધામ એપાર્ટમેન્ટના K વિંગ-201ના બીજા માળે આવેલા રહેણાક મકાનમાંથી ભાવનગર મેડિકલ કોલેજના એનાટોમી વિભાગમાં એસોસિયેટ પ્રોફેસર તરીકે ફરજ બજાવતા ડૉ. કિન્નર એસ. દેસાઈની ડી-કમ્પોઝ (સડેલી) હાલતમાં લાશ મળી આવતા ભારે ચકચાર મચી ગઈ છે. પોલીસની પ્રાથમિક માહિતી અનુસાર, બંધ રૂમમાં છેલ્લા ચાર દિવસથી મૃતદેહ પડ્યો હોવાનું સામે આવ્યું છે. આ કરૂણ બનાવની જાણ થતાં જ ભરતનગર પોલીસ કાફલો ઘટનાસ્થળે દોડી ગયો હતો અને મૃતદેહ કબજે લીધો હતો. ડૉક્ટરનું મૃત્યુ અત્યંત શંકાસ્પદ હોવાના પગલે પોલીસે વિવિધ દિશામાં ઊંડાણપૂર્વક તપાસ હાથ ધરી છે, તેમજ આત્મહત્યા કે અન્ય કોઈ કારણસર મૃત્યુ થયું છે તે અંગે વિસ્તૃત તપાસ બાદ જ સાચી હકીકત સામે આવશે.

આ પણ વાંચો

Monsoon: ગુજરાતમાંથી તબક્કાવાર ચોમાસાની વિદાય શરૂ, વાંચો હવામાનનું લેટેસ્ટ અપડેટ

Gujarat Rain: વેસ્ટર્ન ડિસ્ટર્બન્સ સક્રિય, ગુજરાતમાં 7 દિવસ વરસાદની આગાહી, જાણો ક્યાં પડશે