રાજ્યના આ જિલ્લામાં  ભર ઉનાળે  આકાશમાંથી કરા સાથે કમોસમી વરસાદ, જાણો

હવામાન વિભાગ દ્વારા  વરસાદની આગાહી વચ્ચે અમરેલી જિલ્લામાં વરસાદી ઝાપટા પડ્યા છે.  અમરેલી જિલ્લામાં સતત 4થા દિવસે વાતાવરણમાં પલટો જોવા મળ્યો છે.  અમરેલી જિલ્લાના ધારીના ગ્રામ્ય વિસ્તારોમાં કમોસમી વરસાદ પડ્યો છે. 

પ્રતિકાત્મક તસવીર

અમરેલી: હવામાન વિભાગ દ્વારા  વરસાદ(Rainfall)ની આગાહી વચ્ચે અમરેલી(Amreli) જિલ્લામાં વરસાદી ઝાપટા પડ્યા છે.  અમરેલી જિલ્લામાં સતત 4થા દિવસે વાતાવરણમાં પલટો જોવા મળ્યો છે.  અમરેલી જિલ્લાના ધારીના ગ્રામ્ય વિસ્તારોમાં કમોસમી વરસાદ પડ્યો છે. 

ધારી તાલુકા(Dhari)માં ભર ઉનાળે કેટલાક ગામોમાં આકાશમાંથી કરા પડ્યા હતા.  ગોવિંદપુર, ફાચરીયા, સરસીયા સહિતના ગામડાઓમાં વરસાદ પડ્યો છે. વરસાદ પડતા રસ્તાઓ પર પાણી વહેતા થયા છે. કમોસમી વરસાદથી કેરીના પાકમાં નુકસાની થવાની ભીતિ છે. છેલ્લા ઘણા દિવસોથી પડી રહેલા કમોસમી વરસાદથી ખેડૂતોમાં ચિંતાનો માહોલ છવાયો છે.

હવામાન વિભાગ તરફથી આગાહી કરવામાં આવી છે કે આજે તાપમાન યથાવત રહેશે.  આવતીકાલથી  તાપમાન ઘટશે. થન્ડર સ્ટોમના કારણે કેટલાક વિસ્તારોના સામાન્ય વરસાદની આગાહી કરવામાં આવી છે.  સૌરાષ્ટ્રના કેટલાક વિસ્તારોમાં સામાન્ય વરસાદની આગાહી કરવામાં આવી છે.  હવામાન વિભાગ દ્વારા અમદાવાદ શહેરમાં યલો એલર્ટ આપવામાં આવ્યું છે. 

સોમવારે કચ્છમાં વાતાવરણમાં પલ્ટો આવ્યો હતો.  કચ્છ જિલ્લાના લખપતના જુણાચા,મેઘપર વિસ્તારોમાં કરા સાથે વરસાદ પડ્યો હતો.  નખત્રાણાના બેરું,દનણા વિસ્તારમાં પવન સાથે ઝરમર વરસાદ પડ્યો હતો.   હવામાન વિભાગ દ્વારા કચ્છમાં પાંચ દિવસની વરસાદની આગાહી કરવામાં આવી છે. કચ્છમાં તારીખ 26  થી 30 સુધી વરસાદની આગાહી કરવામાં આવી છે. ખેતીના માલને ખુલ્લામાં ન રાખવા સૂચનો આપવામાં આવ્યા છે.  કચ્છ જિલ્લા ડિઝાસ્ટર મામલતદાર દ્વારા આ બાબતે વિવિધ વિભાગોને પત્ર દ્વારા જાણ કરવામાં આવી છે.

સોમવારે જૂનાગઢ શહેર અને ગ્રામ્ય વિસ્તારના વાતાવરણમાં અચાનક પલટો આવ્યો હતો.  વિસાવદર અને મેંદરડાના ગ્રામ્ય વિસ્તારમાં હળવા ઝાપટા પડ્યા હતા.  લીલીયા લીમધ્રા અને ઈટાળીમાં કરા સાથે કમોસમી વરસાદ પડ્યો હતો.  ભારે પવન અને ગાજવીજ સાથે કમોસમી વરસાદ પડ્યો હતો.  ખેડૂતોના ખેતરમાં ઉભેલા પાકને કમોસમી વરસાદથી નુકસાન થયું છે. 

હવામાન વિભાગ દ્વારા  વરસાદ(Rainfall)ની આગાહી વચ્ચે અમરેલી(Amreli) જિલ્લામાં વરસાદી ઝાપટા પડ્યા છે.  અમરેલી જિલ્લામાં સતત 4થા દિવસે વાતાવરણમાં પલટો જોવા મળ્યો છે.  અમરેલી જિલ્લાના ધારીના ગ્રામ્ય વિસ્તારોમાં કમોસમી વરસાદ પડ્યો છે.