Crime News: મહિલાએ આપ્યો બીજી દીકરીને જન્મ, પતિએ મોઢું દબાવ્યું અને નણંદે પીવડાવ્યું ઝેર
એક મહિલાએ બીજી દીકરીને જન્મ આપતા પતિ અને તેની નણંદ ખૂબ નારાજ થયા હતા
Surat Crime News: એક મહિલાએ બીજી દીકરીને જન્મ આપતા પતિ અને તેની નણંદ ખૂબ નારાજ થયા હતા અને મહિલાને ઝેર પીવડાવી તેની હત્યા કરવાનો પ્રયાસ કરવામાં આવ્યો હતો. મળતી જાણકારી અનુસાર, સુરતના પુણામાં પરણિતાના હત્યાના પ્રયાસથી ખળભળાટ મચી ગયો હતો. પતિ અને નણંદે હત્યાનો પ્રયાસ કર્યાનો પરણિતાએ આરોપ લગાવ્યો હતો. પરણીતાએ આરોપ લગાવ્યો હતો કે બીજી દિકરીનો જન્મ થતા તેના પતિ અને નણંદે હત્યાનો પ્રયાસ કર્યો હતો. પતિએ પત્નીનું મોઢું દબાવી, નણંદે ઝેર પીવડાવી દીધાની પોલીસ ફરિયાદ નોંધવામાં આવી હતી. પરણિતાની ફરિયાદના આધારે પોલીસે પતિ અને નણંદની ધરપકડ કરી હતી. મહિલાને હાલ ગંભીર હાલતમાં સારવાર અર્થે હોસ્પિટલમાં ખસેડવામાં આવી હતી. પરણિતાના ત્રણ વર્ષ પહેલા લગ્ન થયા હતા. 17 જાન્યુઆરીના બપોરે બીજી દિકરીનો જન્મ થતા દંપતિ વચ્ચે થયો ઝઘડો થયો હતો.
સુરતના પુણાના ઉમરવાડામાં એક મહિલાએ બીજી દીકરીને જન્મ આપતા પતિએ મોંઢુ દબાવી નણંદે ઝેર પીવડાવી હોવાનો આરોપ લાગ્યો હતો. મહિલાની ફરિયાદના આધારે પુણા પોલીસ સ્ટેશનમાં ફરિયાદ નોંધવામાં આવી હતી.
પોલીસ ફરિયાદ અનુસાર, ઉમરવાડામાં બીજી દીકરી થતાં પરણિતાનું મોઢું દબાવી નણંદે ઉંદર મારવાની દવા પીવડાવી મારવાનો પ્રયાસ કર્યો હતો. મહિલાએ પોતાના પતિ આકીબ યુસુફ અન્સારી અને નણંદ રોશન ઈકરાર ફૈઝુની સામે ગુનો દાખલ કરી ધરપકડ કરી હતી. મહિલાના લગ્ન ત્રણ વર્ષ અગાઉ થયા હતા. પરણિતાએ બીજી દીકરીને જન્મ આપતા આકીબ અને તેની બહેન રોશન માનસિક ત્રાસ આપતા હતા. 17 જાન્યુઆરીએ બપોરે પણ આ મામલે તેઓની વચ્ચે ઝઘડો થયો હતો. જેમાં પરિણીતાને તેના પતિ અને નણંદે મારી નાખવાનો પ્લાન બનાવી લીધો હતો. જે અનુસાર, પતિએ પત્નીનું મોઢું દબાવી નણંદે ઉંદર મારવાની દવા તેના મોઢામાં નાખી દીધી હતી. મહિલાનો પતિ માર્કેટમાં નાસ્તાની લારી ચલાવે છે.
'લગ્ન પછીના સંબંધો ફક્ત શરીરની ભૂખ....', કોર્ટે પત્નીને સંભળાવી આજીવન કેદની સજા
ટોપ સ્ટોરી
ટ્રેન્ડિંગ સમાચાર
