Surat Rain: સુરતમાં ધોધમાર વરસાદ, રિંગ રોડ ફ્લાયઓવર પર ઘૂંટણસમા પાણી, જુઓ તસવીરો

Surat Rain: સુરતમાં ધોધમાર વરસાદ, રિંગ રોડ ફ્લાયઓવર પર ઘૂંટણસમા પાણી, જુઓ તસવીરો

રિંગ રોડ ફ્લાયઓવર પર ઘૂંટણસમા પાણી

surat heavy rain: સુરત શહેરમાં ફરી એકવાર ધોધમાર વરસાદ વરસતા જનજીવન પ્રભાવિત થયું છે. માત્ર અડધા કલાકના વરસાદમાં શહેરના અનેક વિસ્તારો પાણીમાં ગરકાવ થઈ ગયા હતા. ભારે વરસાદને કારણે રસ્તાઓ પર પાણી ભરાતા વાહનચાલકોને ભારે મુશ્કેલીનો સામનો કરવો પડ્યો હતો.

સુરત શહેરના રિંગ રોડ ફ્લાયઓવર બ્રિજ પર ઘૂંટણસમા પાણી ભરાઈ ગયા હતા. બ્રિજની બંને તરફના રસ્તાઓ પર પણ વરસાદી પાણી ભરાતા વાહનવ્યવહાર ધીમો પડી ગયો હતો. અનેક વાહનો પાણીમાંથી પસાર થતા જોવા મળ્યા હતા.

સુરતના પરવત પાટીયા, ભાઠેના, ઉધના દરવાજા અને ખટોદરા સહિતના વિસ્તારોમાં ભારે વરસાદ નોંધાયો હતો. નીચાણવાળા વિસ્તારોમાં પાણી ભરાતા સ્થાનિક લોકોને અવરજવરમાં મુશ્કેલી પડી હતી.

આ ઉપરાંત અઠવાલાઇન્સ, પાર્લેપોઇન્ટ, પાલ, અડાજણ અને રાંદેર સહિતના વિસ્તારોમાં પણ સારો વરસાદ વરસ્યો હતો. વરસાદને કારણે શહેરના અનેક માર્ગો પર પાણી ભરાઈ જતાં ટ્રાફિક પર અસર જોવા મળી હતી.

હવામાન વિભાગ દ્વારા આગામી દિવસોમાં પણ વરસાદી માહોલ યથાવત રહેવાની શક્યતા વ્યક્ત કરવામાં આવી છે. તંત્રે લોકોને બિનજરૂરી મુસાફરી ટાળવા, પાણી ભરાયેલા રસ્તાઓથી દૂર રહેવા અને સાવચેતી રાખવાની અપીલ કરી છે.