Vadodra Rain: વડોદરા શહેરના અનેક વિસ્તારમાં ધોધમાર વરસાદ
વડોદરા શહેરના અનેક વિસ્તારમાં ધોધમાર વરસાદ શરૂ થયો છે. કેટલાક વિસ્તારમાં મધ્યમ તો કેટલાક વિસ્તારમાં ધોધમાર વરસાદ વરસી રહ્યો છે.
વડોદરા: વડોદરા શહેરના અનેક વિસ્તારમાં ધોધમાર વરસાદ શરૂ થયો છે. કેટલાક વિસ્તારમાં મધ્યમ તો કેટલાક વિસ્તારમાં ધોધમાર વરસાદ વરસી રહ્યો છે. શહેરના છાણી, સમા, નિઝામપુરા, આજવા રોડ, વાઘોડિયા રોડ, ફતેગંજ, અલકાપુરી, માંજલપુર સહિત શહેરમાં સાર્વત્રિક વરસાદ વરસી રહ્યો છે. ગરબા આયોજકો માટે આ વરસાદ ચિંતાનો વિષય બન્યો છે. ધોધમાર વરસાદના કારણે નવરાત્રિના ખેલૈયાઓ પણ ચિંતિત થયા છે.
શહેરમાં નવાબજાર, રાવપુરા, દાંડિયા બજાર, ચાર દરવાજા વિસ્તારમાં ભારે વરસાદના કારણે પાણી ભરાયા છે. વડોદરા શહેરમાં એક કલાકમાં 1 ઇંચ જેટલો વરસાદ નોંધાયો છે. થોડા વિરામ બાદ ફરી વરસાદે જમાવટ કરી છે. શહેરના નિચાણવાળા વિસ્તારોમાં વરસાદી પાણી ભરાવાની શરુઆત થઈ ગઈ છે. રાજ્યના હવામાન વિભાગ દ્વારા પણ વરસાદને લઈ આગાહી કરવામાં આવી હતી.
વરસાદને લઈને હવામાન વિભાગે કરી આગાહી
ગુજરાતમાં છેલ્લા ત્રણ દિવસથી સતત વરસાદ વરસી રહ્યો છે. રાજ્યના અનેક જિલ્લાઓમાં મેઘરાજા મહેરબાન થયા છે. રાજ્યમાં વરસાદને લઈને હવામાન વિભાગ દ્વારા વધુ એક આગાહી કરવામાં આવી છે. હવામન વિભાગે ગુજરાતના કેટલાક જિલ્લાઓમાં ભારે વરસાદ સાથે યલો એલર્ટ આપ્યું છે. આગામી 24 કલાક રાજ્યમાં વરસાદી માહોલ રહેશે.
હવામાન વિભાગની આગાહી અનુસાર, અમરેલી, ભાવનગર, ખેડા, પંચમહાલ, દાહોદ, આણંદ અને છોટાઉદેપુરમાં ભારે વરસાદની આગાહી કરવામાં આવી છે. ભરૂચ અને નર્મદામાં પણ ભારે વરસાદ સાથે યલો એલર્ટ આપવામાં આવ્યું છે.
દક્ષિણ ગુજરાતમાં સાઇક્લોનિક સર્ક્યુલેશનના કારણે ગુજરાતમાં ભારે વરસાદની આગાહી કરવામાં આવી છે. આવતીકાલે રાજ્યમાં ભારે વરસાદની શક્યતા નહિવત છે. અમદાવાદ અને ગાંધીનગરમાં હળવાથી મધ્યમ વરસાદની આગાહી કરાઈ છે.
ચોમાસાની સિઝનમાં કેટલો વરસાદ વરસ્યો
ચોમાસાની સિઝનનો રાજ્યમાં અત્યાર સુધીમાં 134.40 ટકા વરસાદ વરસી ચૂક્યો છે. સૌથી વધુ કચ્છમાં સિઝનનો 184.86 ટકા ખાબક્યો છે, જ્યારે સૌરાષ્ટ્રમાં સિઝનનો અત્યાર સુધીમાં 142.12 ટકા વરસાદ વરસ્યો છે.ચોમાસાની સિઝનનો દક્ષિણ ગુજરાતમાં અત્યાર સુધીમાં 138.85 ટકા વરસાદ વરસી ચૂક્યો છે. જ્યારે મધ્ય ગુજરાતમાં સિઝનનો 130.31 ટકા અને ઉત્તર ગુજરાતમાં સિઝનનો અત્યાર સુધીમાં 113.07 ટકા વરસાદ વરસી ચૂક્યો છે.
Gujarat Rain Forecast: ગુજરાતના આ જિલ્લામાં ગાજવીજ સાથે વરસાદની આગાહી, હવામાન વિભાગે આપ્યું એલર્ટ
ટ્રેન્ડિંગ સમાચાર
ટોપ સ્ટોરી
