અમેરિકાના જ્યોર્જિયામાં આર્મી બેઝ પર ફાયરિંગ, પાંચ જવાનોને વાગી ગોળી
Fort Stewart Shooting: આ હુમલો લશ્કરી બેઝના 2જી આર્મર્ડ બ્રિગેડ કોમ્બેટ ટીમ વિસ્તારમાં થયો હતો. સેનાએ તેને એક એક્ટિવ શૂટર દ્ધારા કરવામાં આવેલ હુમલો ગણાવ્યો છે.
Fort Stewart Shooting: અમેરિકાના પૂર્વી જ્યોર્જિયામાં ફોર્ટ સ્ટીવર્ટ લશ્કરી બેઝ પર બુધવારે ગોળીબારની ઘટનામાં પાંચ સૈનિકો ઘાયલ થયા છે. આ હુમલો લશ્કરી બેઝના 2જી આર્મર્ડ બ્રિગેડ કોમ્બેટ ટીમ વિસ્તારમાં થયો હતો. સેનાએ તેને એક એક્ટિવ શૂટર દ્ધારા કરવામાં આવેલ હુમલો ગણાવ્યો છે.
The President has been briefed on the shooting at Fort Stewart in Georgia. The White House is monitoring the situation.
— Karoline Leavitt (@PressSec) August 6, 2025
ફોર્ટ સ્ટીવર્ટના સત્તાવાર ફેસબુક પેજ પર જાહેર કરાયેલી માહિતી અનુસાર, કાયદાકીય એજન્સીઓએ ગોળીબાર પછી તરત જ હુમલાખોરને પકડી લીધો છે અને હવે કેમ્પસ કે આસપાસના વિસ્તારમાં કોઈ ખતરો નથી. ઘાયલોને સ્થળ પર પ્રાથમિક સારવાર આપ્યા બાદ વિન્ન આર્મી કોમ્યુનિટી હોસ્પિટલમાં દાખલ કરવામાં આવ્યા છે. ઘટના પછી સ્થાનિક સમય મુજબ સવારે 11 વાગ્યા પછી સાવચેતી રૂપે લશ્કરી બેઝને અસ્થાયી રૂપે બંધ કરવામાં આવ્યો હતો.
— FBI Atlanta (@FBIAtlanta) August 6, 2025
વ્હાઇટ હાઉસે એક નિવેદન જાહેર કર્યું
એફબીઆઈના સવાના કાર્યાલય, સેનાના ગુનાહિત તપાસ વિભાગ (CID) સાથે મળીને આ મામલાની તપાસ કરી રહ્યું છે. વ્હાઇટ હાઉસે પુષ્ટી કરી હતી કે રાષ્ટ્રપતિ ડોનાલ્ડ ટ્રમ્પને ઘટના વિશે જાણ કરવામાં આવી છે અને વહીવટીતંત્ર પરિસ્થિતિ પર નજર રાખી રહ્યું છે. જ્યોર્જિયાના ગવર્નર બ્રાયન કેમ્પે આ ઘટના પર દુ:ખ વ્યક્ત કર્યું અને કહ્યું હતું કે, "અમે સ્થાનિક તપાસ એજન્સીઓ સાથે સતત સંપર્કમાં છીએ.
હાલમાં ગોળીબાર કરનારની ઓળખ અને હુમલા પાછળના હેતુ અંગે કોઈ સત્તાવાર પુષ્ટી થઈ નથી. સુરક્ષા દળોએ સમગ્ર વિસ્તારને ઘેરી લીધો છે અને ઘટનાની વિગતવાર તપાસ ચાલી રહી છે. ફોર્ટ સ્ટીવર્ટ અમેરિકાના સૌથી મોટા લશ્કરી બેઝમાનું એક છે, જ્યાં મોટી સંખ્યામાં સૈનિકો તૈનાત છે. આ ગોળીબારની ઘટનાએ સેનાની આંતરિક સુરક્ષા વ્યવસ્થા પર ગંભીર પ્રશ્નો ઉભા કર્યા છે. ફોર્ટ સ્ટીવર્ટ એ અમેરિકાનું થર્ડ ઈન્ફેન્ટ્રી ડિવિઝનનું હેડક્વાર્ટર કહેવાય છે. તે એક્ટિવ અને રિઝર્વ આર્મી યુનિટને તાલીમ આપવાનો મુખ્ય બેઝ છે. અહીં 10,000થી વધુ સૈનિકો અને તેમના પરિવારજનો, સિવિલ કર્મચારીઓ રહે છે. આ બેઝ સાથે લગભગ 25000થી વધુ લોકો જોડાયેલા છે.
ટોપ સ્ટોરી
ટ્રેન્ડિંગ સમાચાર
