America : અમેરિકાના આ 22 રાજ્યોમાં લઘુત્તમ વેતનમાં થયો વધારો, ભારતીયોને થશે ફાયદો
America : અમેરિકામાં રહેતા અને કામ કરતા લોકો માટે સારા સમાચાર છે
America : અમેરિકામાં રહેતા અને કામ કરતા લોકો માટે સારા સમાચાર છે. ત્યાંના 22 રાજ્યોમાં પહેલી તારીખથી 'લઘુત્તમ વેતન' વધારવામાં આવ્યું છે. આનાથી એક કરોડથી વધુ કામદારોને ફાયદો થશે. લઘુત્તમ વેતન વાસ્તવમાં એક નિશ્ચિત રકમ છે જે કામદારોને મળે છે. ત્યાં દરેક રાજ્યમાં અલગ અલગ લઘુત્તમ વેતન નક્કી કરવામાં આવે છે. આ અંતર્ગત કામદારોને પ્રતિ કલાક ફિક્સ પેમેન્ટ મળે છે.
ન્યૂયોર્ક, કેલિફોર્નિયા અને વોશિંગ્ટનમાં લઘુત્તમ વેતનમાં સૌથી વધુ વધારો થયો છે. હવે ત્યાં કામ કરતા કામદારોને ઓછામાં ઓછા પ્રતિ કલાક 16 ડોલર મળશે. કહેવામાં આવી રહ્યું છે કે આનો સૌથી વધુ ફાયદો મહિલાઓને થશે. આનો લાભ લેનાર દરેક 10 કામદારોમાંથી છ મહિલાઓ હશે.
આ રાજ્યોમાં લઘુત્તમ વેતનમાં ઘણો વધારો થયો છે
અલાસ્કા: 11.73 ડોલર
અરિઝોના: 14.35 ડોલર
કેલિફોર્નિયા: 16 ડોલર
કોલોરાડો: 14.42 ડોલર
કનેક્ટિકટ: 15.69 ડોલર
ડેલાવેયરઃ 13.25 ડોલર
હવાઈ: 14 ડોલર
ઇલિનોઇસ: 14 ડોલર
માઇન: 14.15 ડોલર
મેરીલેન્ડ: 15 ડોલર
મિશિગન: 10.33 ડોલર
મિનેસોટા: 10.85 ડોલર
મિસૂરી: 12.30 ડોલર
મોન્ટાના: 10.30 ડોલર
નેબ્રાસ્કા: 12 ડોલર
ન્યૂજર્સી: 15.13 ડોલર
ન્યૂ યોર્ક: 16 ડોલર
ઓહાયો: 10.45 ડોલર
રોડે આઇલેન્ડ: 14 ડોલર
દક્ષિણ ડાકોટા: 11.20 ડોલર
વર્મોન્ટ: 13.67 ડોલર
વોશિંગ્ટન: 16.28 ડોલર
આ વર્ષે આ ત્રણ રાજ્યોમાં લઘુત્તમ વેતનમાં વધારો થશે
મીડિયા રિપોર્ટ્સ અનુસાર, રાજ્યો સિવાય 38 શહેરો અને કાઉન્ટીઓએ પણ લઘુત્તમ વેતનમાં વધારો કર્યો છે.ફ્લોરિડા, નેવાડા અને ઓરેગન એમ ત્રણ રાજ્યોમાં આ વર્ષે લઘુત્તમ વેતનમાં વધારો કરવામાં આવશે. નેવાડા અને ઓરેગનમાં 1 જુલાઈએ અને ફ્લોરિડામાં 30 સપ્ટેમ્બરે લઘુત્તમ વેતનમાં વધારો થશે. 1 જૂલાઈથી નેવાડામાં ન્યૂનતમ વેતન 12 ડોલર પ્રતિ કલાક અને ઓરેગનમાં 14.20 ડોલર પ્રતિ કલાક હશે. જ્યારે ફ્લોરિડામાં 30 સપ્ટેમ્બરથી લઘુત્તમ વેતન 13 ડોલર પ્રતિ કલાક રહેશે.
અમેરિકાની બિડેન સરકારે એક મોટો નિર્ણય લીધો છે, જેનો ભારતીયોને ઘણો ફાયદો થવાનો છે. યુએસ સરકારે H-1B વિઝાના સ્થાનિક નવીકરણ માટે પાઇલટ પ્રોગ્રામ શરૂ કર્યો છે. આ કાર્યક્રમ 24 જાન્યુઆરીથી શરૂ થશે. આ H-1B વિઝા પાયલોટ પ્રોગ્રામ માત્ર ભારતીય અને કેનેડિયન નાગરિકો માટે છે.
આ અંતર્ગત અમેરિકામાં કામ કરતા ભારતીય આઈટી પ્રોફેશનલ્સ અને કેનેડિયન નાગરિકોને ફાયદો થશે. આ પ્રોગ્રામ એવી કંપનીઓ માટે પણ છે જેમના H-1B કર્મચારીઓ કામ માટે વિદેશ જવા માગે છે.
અમેરિકાએ આ નિર્ણય વડાપ્રધાન નરેન્દ્ર મોદીની મુલાકાતના ઘણા મહિનાઓ બાદ લીધો છે. જૂનમાં, જ્યારે પીએમ મોદી અમેરિકાના રાજ્ય પ્રવાસ પર ગયા હતા, ત્યારે H-1B વિઝાની નવીકરણ પ્રક્રિયાને સરળ બનાવવા માટે કામ ચાલી રહ્યું હતું. આ કાર્યક્રમની ઔપચારિક જાહેરાત પીએમ મોદીની મુલાકાત સમયે કરવામાં આવી હતી.
ટોપ સ્ટોરી
ટ્રેન્ડિંગ સમાચાર
