Bangladesh Crisis: બાંગ્લાદેશમાં 'તાલિબાની' આતંક? હિજાબ વગરની મહિલાઓ પર તૂટી પડ્યું ટોળું! જુઓ વીડિયો
Bangladesh hijab controversy: વાયરલ વીડિયોથી ખળભળાટ, વેસ્ટર્ન કપડાં પહેરનારી ખ્રિસ્તી મહિલા અને મુસ્લિમ યુવતીઓને નિશાન બનાવાયાનો દાવો.
Bangladesh hijab controversy: પડોશી દેશ બાંગ્લાદેશ (Bangladesh) માં સ્થિતિ દિન-પ્રતિદિન વણસી રહી છે. યુવા નેતા ઉસ્માન હાદી (Usman Hadi) ની હત્યા બાદ ફાટી નીકળેલી હિંસા હવે મહિલાઓ સુધી પહોંચી હોય તેવું લાગે છે. સોશિયલ મીડિયા પર એવા ભયાનક દાવા કરવામાં આવી રહ્યા છે કે હિજાબ કે બુરખો ન પહેરનારી મહિલાઓ પર ટોળા દ્વારા હુમલા કરવામાં આવી રહ્યા છે. જોકે, અધિકારીઓએ હજુ સુધી આ ઘટનાઓની સત્તાવાર પુષ્ટિ કરી નથી, પરંતુ વાયરલ વીડિયોએ દેશમાં મહિલા સુરક્ષા (Women Safety) અંગે ગંભીર ચિંતાઓ જગાડી છે.
બાંગ્લાદેશ હાલમાં ગંભીર રાજકીય અને સામાજિક ઉથલપાથલમાંથી પસાર થઈ રહ્યું છે. સોશિયલ મીડિયા પર ફરી રહેલા કેટલાક વીડિયોએ આંતરરાષ્ટ્રીય સ્તરે ધ્યાન ખેંચ્યું છે. આ વીડિયોમાં દાવો કરવામાં આવ્યો છે કે કટ્ટરપંથી તત્વો હવે મહિલાઓના પહેરવેશને નિશાન બનાવી રહ્યા છે, જેના કારણે લઘુમતી અને ઉદારવાદી વર્ગમાં ફફડાટ ફેલાયો છે.
વાયરલ વીડિયો અને ચોંકાવનારા દાવા (Viral Video Claims)
ઈન્ટરનેટ પર વ્યાપકપણે શેર થઈ રહેલી એક પોસ્ટમાં એવો આક્ષેપ કરવામાં આવ્યો છે કે પુરુષોના એક ટોળાએ એક ખ્રિસ્તી મહિલા (Christian Woman) પર માત્ર એટલા માટે હુમલો કર્યો કારણ કે તેણે પશ્ચિમી કપડાં (Western Clothes) પહેર્યા હતા. આ જ પ્રકારની અન્ય એક ઘટનામાં, બે મુસ્લિમ મહિલાઓ પર બુરખો કે હિજાબ (Hijab) ન પહેરવા બદલ હુમલો કરવામાં આવ્યો હોવાનો દાવો થયો છે. આ પોસ્ટ્સમાં જણાવાયું છે કે દેશમાં કાયદો અને વ્યવસ્થાની સ્થિતિ એટલી કથળી ગઈ છે કે હવે મહિલાઓની સ્વતંત્રતા જોખમમાં છે.
This is so shameful and disgusting📌
— Mariana Times (@timeswmariana) December 18, 2025
A Christian Woman in Bangladesh is assaulted by a pack of rabid savages after they spot her not wearing Burqa/Hijab, wearing Western Clothes. These monsters will never assimilate into our society. pic.twitter.com/rZH4oLBmxO
ઉસ્માન હાદીની હત્યાથી ભડકેલો આક્રોશ
આ હિંસા અને અશાંતિના મૂળમાં ઇન્કિલાબ મંચના યુવા નેતા શરીફ ઉસ્માન હાદી (Sharif Usman Hadi) ની હત્યા છે. 2024 ના વિદ્યાર્થી આંદોલનમાં સક્રિય ભૂમિકા ભજવનાર હાદીને 12 ડિસેમ્બરે ઢાકામાં માસ્ક પહેરેલા હુમલાખોરોએ ગોળી મારી હતી. સિંગાપોરમાં સારવાર દરમિયાન તેમનું મોત થતાં સમગ્ર બાંગ્લાદેશમાં વિરોધ પ્રદર્શનો ફાટી નીકળ્યા હતા. વચગાળાની સરકારે આ ઘટનાને 'પૂર્વયોજિત કાવતરું' ગણાવી છે અને ગુનેગારો પર ઈનામ જાહેર કર્યું છે.
2 Muslim girls were attacked by Muslims in Bangladesh for not wearing Burqa & Hijabpic.twitter.com/4gYCh8dc2k
— Kreately.in (@KreatelyMedia) December 19, 2025
સત્તાવાર માહિતી અને સુરક્ષા વ્યવસ્થા
અહેવાલ લખાય છે ત્યાં સુધી બાંગ્લાદેશી સત્તાવાળાઓએ પહેરવેશ કે ધર્મના કારણે મહિલાઓ પર થયેલા હુમલાની કોઈ સત્તાવાર પુષ્ટિ કરી નથી. જોકે, ઓનલાઇન ફેલાતા આ સમાચારોએ સાંપ્રદાયિક તણાવ વધાર્યો છે. પરિસ્થિતિને કાબૂમાં લેવા માટે સંવેદનશીલ વિસ્તારોમાં પોલીસ અને અર્ધલશ્કરી દળો તૈનાત કરવામાં આવ્યા છે. નાગરિકો હવે સરકાર પાસે અપીલ કરી રહ્યા છે કે અફવાઓ અને હિંસા રોકવા માટે કડક પગલાં લેવામાં આવે.
ટોપ સ્ટોરી
ટ્રેન્ડિંગ સમાચાર
