Bill Gates Girlfriend: 67 વર્ષના બિલ ગેટ્સને થયો પ્રેમ, જાણો કોણ છે તેની ગર્લફ્રેન્ડ પાઉલા હર્ડ

નોંધપાત્ર રીતે, પાઉલા હર્ડ અને બિલ ગેટ્સ ગયા મહિને ઓસ્ટ્રેલિયન ઓપનમાં સાથે જોવા મળ્યા હતા.

ફોટોઃ ટ્વિટર

Bill Gates Girlfriend: માઈક્રોસોફ્ટના સ્થાપક અને વિશ્વના છઠ્ઠા સૌથી અમીર વ્યક્તિ બિલ ગેટ્સ ફરી એકવાર પ્રેમમાં પડ્યા છે. રિપોર્ટ્સ અનુસાર, 67 વર્ષીય બિલ ગેટ્સ આ દિવસોમાં પાઉલા હર્ડને ડેટ કરી રહ્યા છે. પાઉલા 60 વર્ષની છે અને તે ઓરેકલ કંપનીના દિવંગત સીઈઓ માર્ક હર્ડની પત્ની પણ છે. રિપોર્ટ્સ અનુસાર, બંને લગભગ એક વર્ષથી એકબીજા સાથે રિલેશનશિપમાં છે. પીપલમાં છપાયેલા અહેવાલ મુજબ, લોકો લાંબા સમયથી જાણતા હતા કે બંને એકબીજાને ડેટ કરી રહ્યા છે અને પાઉલા હર્ડ હજુ સુધી બિલ ગેટ્સના બાળકોને મળ્યા નથી.

ઓસ્ટ્રેલિયન ઓપનમાં જોવા મળ્યા હતા.

નોંધપાત્ર રીતે, પાઉલા હર્ડ અને બિલ ગેટ્સ ગયા મહિને ઓસ્ટ્રેલિયન ઓપનમાં સાથે જોવા મળ્યા હતા. આ પહેલા માર્ચ 2022માં પણ બંનેનો એકબીજા સાથેનો ફોટો સામે આવ્યો હતો. બંનેએ લાંબા સમય સુધી પોતાના સંબંધોને દુનિયાની નજરથી છુપાવીને રાખ્યા હતા. બિલ ગેટ્સે વર્ષ 2021 માં મેલિન્ડા ગેટ્સ સાથે છૂટાછેડા લીધા હતા. આ સાથે તેમના 27 વર્ષ જૂના લગ્નજીવનનો અંત આવ્યો. બંનેએ ઓગસ્ટ 2021માં છૂટાછેડાની જાહેરાત કરી હતી. બંનેને ત્રણ બાળકો છે. જેનિફર ગેટ્સ, ફોએબે ગેટ્સ અને રોરી ગેટ્સ.

બિલ ગેટ્સની ગર્લફ્રેન્ડ કોણ છે?

પાઉલા હર્ડ ઓરેકલના ભૂતપૂર્વ અધ્યક્ષ માર્ક હર્ડની પત્ની છે. માર્ક હર્ડનું લગ્નના 30 વર્ષ પછી 2019 માં અવસાન થયું. પાઉલા હર્ડની લિંક્ડિન પ્રોફાઇલ મુજબ, તે એનસીઆર (નેશનલ કેશ રજિસ્ટર) નામની કંપનીમાં કામ કરે છે. તેમને કેથરીન અને કેલી નામની બે પુત્રીઓ છે.

બિલ ગેટ્સ એક મોટા દાતા છે

બિલ ગેટ્સનો જન્મ 28 ઓક્ટોબર 1955ના રોજ વોશિંગ્ટન, યુએસએમાં થયો હતો. તેમને બાળપણથી જ ટેક્નોલોજીમાં ખૂબ જ રસ હતો. વર્ષ 1975માં તેમણે માઈક્રોસોફ્ટ નામની કંપની બનાવી. વર્ષ 2000 પછી તેઓ વિશ્વના સૌથી અમીર વ્યક્તિ બન્યા. નોંધનીય છે કે ગેટ્સે જાહેરાત કરી છે કે તેઓ તેમના બાળકોને માત્ર 10 બિલિયન ડોલર આપશે અને બાકીનું દાન કરશે. તેમની કુલ નેટવર્થ 105.9 બિલિયન ડોલર છે.

Launch: હવે દરેકની પાસે હશે ધાંસૂ ફિચર્સ વાળો ફોન, Moto E13 બસ આટલી સસ્તી કિંમતે થયો લૉન્ચ

Moto E13 Launch : મોટોરોલાએ પોતાના નવા સ્માર્ટફોન મોટો E13ને બજેટ કેટેગરીમાં ભારતમાં લૉન્ચ કરી દીધો છે. ફોનને ખાસ રીતે એન્ટ્રી લેવલ ગ્રાહકો માટે માર્કેટમાં ઉતારવામાં આવ્યો છે. આ ફોનને તે લોકો માટે માર્કેટમાં ઉતારવામાં આવ્યો છે, જે વેબ બ્રાઉઝ કરવા, વૉટ્સએપનો ઉપયોગ કરવા અને કન્ટેન્ટ જોવા માટે સ્માર્ટફોન ખરીદવા માંગે છે. 

Moto E13ને બે સ્ટૉરેજ વેરિએન્ટ અને ત્રણ કલર વેરિએન્ટ ઓપ્શનમાં ઉતારવામાં આવ્યો છે. ફોનમાં રિયરમાં 13 મેગાપિક્સલનો કેમેરો આપવામાં આવ્યો છે, ફોન Android 13 ના ગૉ વર્ઝન પર કામ કરે છે, ગૉ વર્ઝન ઓછી રેમ વાળા ફોન માટે ડિઝાઇન હલકુ વર્ઝન છે. 

ભારતમાં Moto E13ની કિંમત અને વેચાણ - 
Moto E13ને બે સ્ટૉરેજ વેરિએન્ટમાં લૉન્ચ કરવામાં આવ્યો છે, બન્ને સ્ટૉરેજ ઓપ્શનમાં ત્રણ કલર ઓપ્શન અવેલેબલ છે. 2GB રેમ અને 64GB રેન્જ વાળા બેઝ સ્ટૉરેજ વેરિએન્ટની કિેંમત 6,999 રૂપિયા, 4GB રેમ અને 64GB સ્ટૉરેજ વેરિએન્ટની કિંમત 7,999 રૂપિયા છે, ફોન ફ્લિપકાર્ટ અને મોટો સ્ટૉર્સ પર વેચાણ માટે અવેલેબલ રહેશે